बहिणीच्या लग्नासाठी पै पै जमवणाऱ्या 28 वर्षीय राहुलचा रेल्वे अपघातात मृत्यू, कुटुंबाला मोठा धक्का
राहुल गुप्ता हा 28 वर्षीय तरुण दररोज मुंब्रा येथून लोकलने प्रवास करुन मुंबईला जायचा. तो मुंबईतील एका स्टेशनरी दुकानात कामाला होता. त्याचा मृत्यू झाला आहे.
रेल्वेने प्रवास करणाऱ्या मुंबईकरांसाठी आजची सकाळ ही सर्वात वाईट सकाळ होती. कसाऱ्याहून मुंबईच्या दिशेने जाणाऱ्या लोकलमधून 13 प्रवासी पडले. त्यातील 8 प्रवाशांचा मृत्यू झाला असून 4 प्रवासी गंभीर जखमी असल्याची माहिती समोर आली आहे. मृत्यू झालेल्या प्रवशांमध्ये गरीब कुटुंबातील एकुलता एक कमावणारा राहुल गुप्ता देखील होता. आपल्या लहान बहिणीच्या लग्नासाठी पै पै साठवणाऱ्या भावाने आजच्या दुर्घटनेत जीव गमावला आहे. राहुलच्या निधनाची बातमी ऐकून गुप्ता कुटुंबीयांना मोठा धक्का बसला आहे.
एकटा कमावणारा मुलगा गेला
राहुल गुप्ता हा 28 वर्षीय तरुण दररोज मुंब्रा येथून लोकलने प्रवास करुन मुंबईला जायचा. तो मुंबईतील एका स्टेशनरी दुकानात कामाला होता. आई, वडील, धाकटी बहिण आणि भाऊ असा त्याचा परिवार आहे. गुप्ता कुटुंबातील राहुल हा एकमेव कमावणारा मुलगा होता. दर महिन्याला मिळणाऱ्या पगारातून तो त्यांचे घर चालत होते. तसेच तो लहान बहिणीच्या लग्नासाठी पै पै जमा करत होता. राहुलच्या मृत्युची बातमी समजल्यानंतर घटनास्थळी पोहोचलेल्या मित्र मुकेश चौबेसह इतर मित्रांना अश्रू अनावर झाले. त्यांनी मुख्यमंत्री आणि उपमुख्यमंत्री यांच्याकडे गुप्ता कुटुंबीयांची मदत करण्याची मागणी केली आहे.
वाचा: काका, आय लव्ह यू, तुझ्याशिवाय…; पुतण्यासोबत शारिरीक संबंध, भावाला कळाल्यानंतर.. पोलिसही हादरले
नाईट ड्युडी करुन येणाऱ्या जीआरपी कर्मचाऱ्याचा मृत्यू
मुंबईच्या दिशेने जाणाऱ्या लोकलमधून प्रवास करणारे प्रवासी हे दारात लटकत होते. लोकलच्या दरवाजाला लटकलेले प्रवासी जवळून जाणाऱ्या एक्स्प्रेसला घासले गेले. त्यामुळे दारत असलेले प्रवासी खाली कोसळले आणि आठ प्रवाशांचा मृत्यू झाल्याची माहिती समोर आली आहे. यामध्ये जीआरपी कर्मचारी विकी बाळासाहेब मुख्यादल यांचा मृत्यू झाल्याचे समोर आले आहे. विकी हे नाईट ड्यूटी करुन घरी परतत होते. दरम्यान, लोकल अपघातात त्यांचा मृत्यू झाला आहे. त्यांच्या पश्चात मुलगी आणि पत्नी असा परिवार आहे.
लोकल ट्रेनमधून पडलेल्या प्रवाशांची माहिती-
- कळवा रुग्णालयात एकूण दाखल रुग्ण- 10
- मृत- 5 विकी बाबासाहेब मुख्यादल, राहुल गुप्ता, केतन सरोज, एक अज्ञात
- गंभीर जखमी- 2 (शिवा गवळी, अनिल मोरे)
- सिव्हिल रुग्णालयात चार प्रवाशांचा मृत्यू
- स्नेहा कोंडे, प्रियांका भाटिया, आदेश भोईर, तुषार भगत, मनीष सरोज, मच्छिंद्र गोतराणे, रेहान शेख यांच्यावर उपचार सुरू
