काका, आय लव्ह यू, तुझ्याशिवाय…; पुतण्यासोबत शारिरीक संबंध, भावाला कळाल्यानंतर.. पोलिसही हादरले
एक धक्कादायक प्रकरण समोर आले आहे. या प्रकरणात चक्क काकाने पुतण्यासोबत शारिरीक संबंध ठेवले होते. पण नंतर जे काही झालं ते पाहून पोलिसांनाही धक्का बसला.
प्रेम ही अशी भावना आहे जी कोणालाही, कधीही आणि कुठेही होऊ शकते. राजस्थानच्या जयपूरमध्ये एका तरुणाचे आपल्याच काकावर प्रेम जडले. दोघांमध्ये शारीरिक संबंधही प्रस्थापित झाले. पण नंतर काहीतरी असे घडले की, त्या तरुणाने आपला जीव दिला. या प्रकरणाला नवे वळण तेव्हा आले जेव्हा मृत तरुणाच्या भावाला 23 पानांचे प्रेमपत्र सापडले. त्यानंतर त्याने काका आणि आणखी एका व्यक्तीविरुद्ध आपल्या भावाला आत्महत्येसाठी प्रवृत्त केल्याचा गुन्हा दाखल केला.
हे आत्महत्या पत्र मृत तरुणाच्या भावाने त्याच्या कपाटातून शोधून काढले. 23 पानांच्या या आत्महत्या पत्रात मृत तरुणाच्या नावाने त्याच्या काकांसाठी आणि काकांच्या मित्रासाठी अनेक धक्कादायक गोष्टी लिहिल्या आहेत. 28 वर्षीय दौसा येथील रहिवासी नितीन (बदलेले नाव) जयपूरच्या जालूपुरा परिसरात राहून नोकरीच्या शोधात होता. या दरम्यान नितीनला एका कंपनीत सिक्युरिटी गार्ड म्हणून नोकरी मिळाली. तो तिथे काम करू लागला. तो आपले काका समय सिंह आणि बलराम यांच्यासोबत राहत होता. दोघेही जालूपुरा परिसरात भाड्याच्या खोलीत राहत होते आणि जयपूरमध्ये वेगवेगळ्या ठिकाणी काम करत होते.
या काळात समय सिंह आणि नितीन यांच्यात जवळीक वाढली आणि त्यांनी अनेकदा शारीरिक संबंध ठेवले. पण काही दिवसांपासून नितीन तणावात होता. दरम्यान, अचानक त्याची तब्येत बिघडली आणि 15 मे रोजी त्याचा मृत्यू झाला. असे मानले जाते की त्याने आत्महत्या केली होती. पोलिसांनी त्याचा मृतदेह एसएमएस रुग्णालयात ठेवला. नंतर नितीनच्या कुटुंबीयांना याची माहिती दिली. कुटुंबीयांनी दौसाला नेऊन तरुणाचा अंतिम संस्कार केला.
कपाटात सापडले आत्महत्या पत्र
मृत तरुणाच्या भावाने आता समय सिंह आणि बलराम नावाच्या तरुणाविरुद्ध गुन्हा दाखल केला आहे. त्याने सांगितले की, 25 मे रोजी तो आपल्या मृत भावाचे सामान घेण्यासाठी जयपूरला त्याच्या खोलीवर आला. कपाटातील सामान काढताना त्याला 23 पानांचे आत्महत्या पत्र सापडले. या पत्राच्या आधारे समजले की, मृत तरुणाचे आपल्या काकांशी शारीरिक संबंध होते. भावाचा आरोप आहे की, समय सिंह आणि बलराम सिंह यांनी त्याच्या साध्या-भोळ्या भावाचा गैरफायदा घेतला आणि त्याच्यासोबत गैरकृत्य केले. याच तणावात त्याच्या भावाने जीव दिला.
‘काका, आय लव्ह यू, तुझ्याशिवाय…’
पोलिसांचे म्हणणे आहे की, हे आत्महत्या पत्र मृत तरुणानेच लिहिले असण्याची शक्यता आहे. सध्या याची चौकशी सुरू आहे. नितीनने आत्महत्या पत्रात लिहिले आहे, “काका, आय लव्ह यू, मी तुझ्याशिवाय राहू शकत नाही. तू माझ्या तना-मनामध्ये वसला आहेस. प्रेम एकदाच होते, मग तो मुलगा असो वा मुलगी. मी माता लक्ष्मीला प्रार्थना करेन की, तुला धन आणि धान्याची कमतरता पडू नये.” अशा प्रकारे सुमारे 23 पाने लिहिली गेली आहेत. पोलिसांनी सांगितले की, सध्या या प्रकरणाची चौकशी सुरू आहे.
