15 हजारात फिक्स व्हायचं… ॲपवर ठरायचं, दिल्लीच नव्हे उझबेकिस्तानच्या तरुणी… आंतरराष्ट्रीय सेक्स रॅकेटने नागपुरात खळबळ

नागपूर एका आंतरराष्ट्रीय सेक्स रॅकेटने हादरले आहे. नागपूरच्या गुन्हे शाखेच्या सामाजिक सुरक्षा विभागाने रेड मारून देश-विदेशात पसरलेल्या ऑनलाइन सेक्स रॅकेटचा पर्दाफाश करत एका दलालासह पाच महिलांची सुटका केली आहे. अटक करण्यात आलेला आरोपी मुख्य सूत्रधार असून समीर ऊर्फ मनीष ऊर्फ गगन ठाकूर, राहुल आणि पूजा हे फरार आहेत. महिलांमध्ये उझबेकिस्तानच्या दोन, तर दिल्ली, पंजाब आणि कोलकात्यातील प्रत्येकी एका महिलेचा समावेश आहे. या घटनेमुळे एकच खळबळ उडाली आहे.

हे आरोपी लॉग इन पर्सनल मिटिंग नावाच्या ॲपद्वारे ग्राहकांना महिला उपलब्ध करून द्यायचे. आरोपी ‘मीटिंग’ नावाच्या ॲपद्वारे ग्राहकांना 15 हजार रुपयांत महिला पुरवत असल्याची माहिती पोलिसांना मिळाली होती. तसेच महिलांना कमी वेळात अधिक पैसा कमावण्याची लालच दाखवून त्यांना या शरीर विक्रय करायला सांगायचे. या प्रकाराची माहिती मिळताच पोलिसांनी सापळा रचून कारवाई करत सचिनला विदेशी महिलेसह पकडण्यात आले. त्यानंतर दोन हॉटेलांवर छापे टाकून आणखी चार महिलांना ताब्यात घेण्यात आले.

ग्राहक बनून गेले

सामाजिक सुरक्षा विभागाचे अधिकारी बोगस ग्राहक बनून गोळपेठेतील हॉटेल पटेल इनमध्ये गेले. पंचांसमोर त्यांनी या हॉटेलात धाड मारली आणि कारवाई केली. या धाडीत पोलिसांनी 5.18 लाख रुपयांचा माल जप्त केला. मोबाईल आणि पाच लाख किंमत असलेली स्विफ्ट डिजायर कार आणि 8 हजार रुपये रोख रक्कम आदी मुद्देमाल जप्त केला असून अंबाझरी पोलिस ठाण्यात गुन्हा दाखल करण्यात आला आहे. फरार आरोपींचा शोध सुरू आहे. या प्रकरणातील पोलिसांनी समीर ऊर्फ मनीष ऊर्फ गगन ठाकूर, राहुल आणि पूजा नावाच्या महिलेसहीत तीन आरोपींचा पोलीस शोध घेत आहेत.

फरार आरोपींचा शोध

या प्रकरणी अंबाझरी पोलीस ठाण्यात भारतीय न्याय संहिता कलम 143 (2) (3) तसेच अनैतिक व्यापार (निवारण) अधिनियम 1956च्या कलम 3,4 आणि 5 अंतर्गत गुन्हा दाखल केला आहे. फरार आरोपींचा पोलीस शोध घेत आहेत.