Nagpur Railways | रेल्वेत आधी मैत्री करून drinks ऑफर करायचा, नंतर गुंगीचे औषध देऊन चोरी करायचा, पोलिसांनी ठोकल्या बेड्या
रेल्वेत प्रवास करताना मैत्री करायची. त्यांना ड्रिंक्स (drinks) ऑफर करायचा. गुंगीचे औषध टाकायचा. गुंगीत समोरचा व्यक्ती झोपला की, चोरी करायचा. अशा एक महाठगास रेल्वे पोलिसांनी अटक केली. त्यामुळं रेल्वेत प्रवास करताना सहप्रवाशांबाबत सावध राहणं आवश्यक आहे.
नागपूर : गुंगीकारक तसेच झोपेचे औषध देऊन प्रवासी लोकांचे सामान चोरी करणा-या आरोपीस नागपूर लोहमार्ग पोलिसांनी (Nagpur Railway Police) अटक केली. नागपूर रेल्वे स्टेशन नागपूर हद्दीत गुंगीकारक तसेच झोपेचे औषध द्यायचा. प्रवासी लोकांचे सामान चोरी करणाऱ्या आरोपीस लोहमार्ग पोलिसांनी जेरबंद केलंय. आरोपी मलीक अब्दुल रहमान (Malik Abdul Rehman) हा उत्तराखंड राज्यांतील आहे. सायबर सेल (Cyber Cell) यांच्याकडून प्राप्त झालेल्या नाव व पत्यावर जाऊन तपास केला. सदर मोबाईल मिळून आला नाही. तपास केला असता वापरकर्ता हा उत्तराखंड येथील असल्याचे निष्पन्न झाले. आरोपीस ताब्यात घेण्यात आले. नागपूर येथे अटक करून त्यास सदर गुन्हयाबाबत सविस्तर चौकशी केली.
अशी द्यायचा ऑफर
सदर आरोपी हा चेन्नई निजामुद्दीन तामिळनाडू एक्सप्रेस व जी. टी. एक्सप्रेसचे तिकीट बुक करून प्रवासादरम्यान प्रवासी लोकांशी ओळख करून विश्वासात घ्यायचा. त्यांना चहा किंवा कोल्ट्रिक्स ऑफर करून प्रवाशांची नजर चूकवून चहा किंवा कोल्ड्रींक्समध्ये झोपेची गोळी देतो. त्यांना झोप लागताच त्यांच्याजवळील मोबाईल, सोने-चांदीचे दागिने तसेच रोख रक्कम चोरी करून पुढील रेलवे स्टेशनवर उतरतो. नंतर पुन्हा ट्रेन बदलून दिल्ली येथे जात होता. तेथून तो आपल्या राहत्या गावी जात होता.
आरोपीविरोधात 22 गुन्हे
आरोपीवर रेल्वे पोलीस स्टेशन रेनिगुंटा व रेल्वे पोलीस स्टेशन गुटूर व इतर पोस्टेला एकूण 22 गुन्हे दाखल आहेत. लोहमार्ग पोलिसांनी मोठ्या शिताफीने या आरोपीला बेड्या ठोकल्या. रेल्वेतून प्रवास करताना सावध होणे गरजेचे झाले आहे. कोणत्याही अनोळखी व्यक्तीकडून काही खात असाल, तर जरा सावध व्हा.
