AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Eknath Shinde-Ajit Pawar : एकनाथ शिंदे-अजित पवार आले एकत्र, भाजपला ठेवलं बाजूला, महायुतीत वादाची ठिणगी पडणार का?

Eknath Shinde-Ajit Pawar : स्थानिक स्वराज्य संस्थांच्या निवडणुकीच्या पार्श्वभूमीवर राज्यातली समीकरण बदलतायत. महायुतीमध्ये भिडू म्हणून एकत्र असलेले पक्षच परस्परांविरोधात जात आहेत. याची झलक नुकतीच पहायला मिळाली. अजून जिल्हा परिषदा आणि महापालिकेच्या निवडणुका व्हायच्या आहेत.

Eknath Shinde-Ajit Pawar : एकनाथ शिंदे-अजित पवार आले एकत्र, भाजपला ठेवलं बाजूला, महायुतीत वादाची ठिणगी पडणार का?
Ajit Pawar-Eknath Shinde
| Updated on: Nov 15, 2025 | 7:45 AM
Share

महाराष्ट्रात भाजप, शिवसेना आणि राष्ट्रवादी काँग्रेस पार्टी असं तीन पक्षांचं मिळून महायुती सरकार आहे. पण स्थानिक स्वराज्य संस्थांच्या निवडणुकीत स्थानिक पातळीवरील समीकरणं बदलेली पहायला मिळतायत. काही ठिकाणी सत्ताधारी पक्षच परस्पराविरोधात निवडणूक रिंगणात उतरले आहेत. नंदूरबार नगरपालिका निवडणुकीत त्याची झलक पहायला मिळते आहे. राज्य निवडणूक आयोगाने राज्यातील नगरपालिका आणि नगर परिषद निवडणुकांचा कार्यक्रम जाहीर केला आहे. येत्या 2 डिसेंबरला राज्यात नगरपालिका आणि नगर परिषदांच्या निवडणुका आहेत. 3 डिसेंबरला निकाल येईल. स्थानिक स्वराज्य संस्थांमधील हा पहिल्या टप्प्यातील निवडणूक कार्यक्रम आहे.

त्यानंतर जिल्हा परिषदा आणि महापालिका निवडणुकीचा कार्यक्रम जाहीर होऊ शकतो. या निवडणुका जानेवारी महिन्यात होण्याची शक्यता आहे. स्थानिक स्वराज्य संस्थांच्या निवडणुकांकडे मिनी विधानसभा म्हणून पाहिलं जातं. त्यातून जनमताचा कौल कुठल्या दिशेला आहे? ते समजतं. नगरपालिका, नगर परिषदा, जिल्हा परिषदा आणि नगरसेवक बनणारे लोकप्रतिनिधीच पुढे आमदार, खासदार, मंत्री बनतात. त्यामुळे स्थानिक स्वराज्य संस्थांच्या निवडणुकीतून भविष्यातील नेतृत्व आकाराला येतं. या निवडणुका कार्यकर्त्यांच्या निवडणुका म्हणून ओळखल्या जातात. जे कार्यकर्ते विधानसभा, लोकसभेला पक्षाचा प्रचार करतात. स्थानिक स्वराज्य संस्थांच्या निवडणुकीत त्यांनी उमेदवारीची अपेक्षा असते. म्हणून या निवडणुका कार्यकर्ते आणि पक्ष विस्तार या दृष्टीने महत्वाच्या आहेत.

महायुतीतील वाद पुन्हा वाढण्याची शक्यता

नंदुरबार नगरपालिकेत एकनाथ शिंदे यांची शिवसेना आणि अजित पवार यांच्या राष्ट्रवादीची युती झाल्याची सूत्रांची माहिती आहे. शिवसेना आणि राष्ट्रवादी काँग्रेसने भाजपाला बाजूला ठेवत युती केली आहे. शिवसेनेचे आमदार चंद्रकांत रघुवंशी आणि राष्ट्रवादीचे जिल्हाध्यक्ष डॉ. अभिजीत मोरे यांच्यात रात्री उशिरा बैठक झाली. नंदुरबार नगरपालिकेसाठी राष्ट्रवादीला दोन जागा सोडण्यात आल्या आहेत. भाजपाला बाजूला सारत शिवसेना आणि राष्ट्रवादीने युती केल्याने महायुतीतील वाद पुन्हा वाढण्याची शक्यता आहे. नगरपालिकेत झालेल्या राष्ट्रवादी आणि सेनेच्या युतीमुळे जिल्हा परिषदेच्या निवडणुकीवर याचे परिणाम जाणवणार आहेत. भाजपात हिना गावित आल्यामुळे भाजपची ताकद वाढलेली आहे. हिना गावित यांना शह देण्यासाठी राष्ट्रवादी आणि शिवसेना एकत्र आल्याचे देखील बोलले जात आहे.

Follow Us
जळगाव जिल्हा बँक निवडणूक महायुती म्हणून लढणार, दोन जागांचा तिढा कायम
Jalgaon : जळगाव जिल्हा बँक निवडणूक महायुती म्हणून लढणार, दोन जागांचा तिढा कायम
मुंबईत प्रदूषणाचा विळखा! हवेची गुणवत्ता खालावल्याने नागरिकांच्या...
मुंबईत प्रदूषणाचा विळखा! हवेची गुणवत्ता खालावल्याने नागरिकांच्या आरोग्याची चिंता
SRA आरोपांवर प्रताप सरनाईक आक्रमक; संजय राऊतांना सुनावले...
SRA आरोपांवर प्रताप सरनाईक आक्रमक; संजय राऊतांना सुनावले, अपना घर घोटाळ्यावरही मोठा इशारा!
शिवसेना पक्ष आणि चिन्ह प्रकरणी आज सुनावणीची शक्यता...
Shivsena Hearing Update : शिवसेना पक्ष आणि चिन्ह प्रकरणी आज सुनावणीची शक्यता
बाळासाहेब ठाकरेंचा आज स्मृतिदिन; ठाकरे बंधू एकत्र दिसणार?
Balasaheb Thackeray Smrutidin : बाळासाहेब ठाकरेंचा आज स्मृतिदिन; ठाकरे बंधू एकत्र दिसणार?
इंदुरीकर महाराज याचं पुन्हा मुली आणि नात्यांबाबत वादग्रस्त विधान!
इंदुरीकर महाराज याचं पुन्हा मुली आणि नात्यांबाबत वादग्रस्त विधान! म्हणाले, 'मुली कधीच प्रेम नाही...
ऊस उत्पादकांच्या आंदोलनाला तात्पुरती स्थगिती! अगामी बैठकीत ऊस दराचा...
ऊस उत्पादकांच्या आंदोलनाला तात्पुरती स्थगिती! अगामी बैठकीत ऊस दराचा फैसला
एक बिहारी, सब पे भारी! शिंदे गटातील नेत्याच्या विधानाची राज्यभर चर्चा
एक बिहारी, सब पे भारी!' शिंदे गटातील नेत्याच्या विधानाने महाराष्ट्राच्या राजकारणात चर्चा
महाराष्ट्रातील ताज्या घडामोडी; राजकीय, सामाजिक आणि महत्त्वाच्या अपडेट्
News Headline : महाराष्ट्रातील ताज्या घडामोडी; राजकीय, सामाजिक आणि महत्त्वाच्या अपडेट्स...
'ते' मफलरमॅन फडणवीस? रोहित पवारांचा आरोप; थेट व्हिडीओच दाखवला
Rohit Pawar : 'ते' मफलरमॅन फडणवीस? रोहित पवारांचा आरोप; थेट व्हिडीओच दाखवला