Gokul Gite : गोकुळ गीतेंचा प्रचंड विजय, निवडून येताच मागितली जाहीर माफी… असं काय घडलं? म्हणाले, मी प्रचार…

विधान परिषद निवडणुकांचा निकाल समोर आला असून नाशिकमध्ये महायुतीला मोठा धक्का बसला आहे. नाशिकमध्ये अपक्ष उमेदवार गोकुळ गीते विजयी झाले असून महायुतीचे नरेंद्र दराडे यांना पराभव स्वीकारावा लागला आहे. यामुळे महायुतीत खळबळ माजली आहे. या निकालानंतर गोकुळ गीते यांची पहिली प्रतिक्रिया समोर आली आहे. विजयानंतर त्यांनी चक्क माफी मागितली आहे.

6 वर्षांचं या मतदारसंघाच्या आमदराकीचं टेन्युअर आहे. आणि अशा कालावधीमध्ये एक फिट उमेदवार जर लोकांना पाहिजे असेल तर तो त्यांना माझ्या रूपात मिळाला आणि अनफिट उमेदवार त्यांनी नाकारला, असं गीते म्हणाले. मी माझा प्रचार थांबवला होता. एकनाथ शिंदे आमि गिरीष महाजन यांच्या शब्दाला मान देऊन घरातच बसलो होतो. पण माझ्या कार्यकर्त्यांनी त्यांचं ऐकलं नाही, याबद्दल मी त्यांची माफी मागतो. पण माझ्या कार्यकर्त्यांनी हा जो वियज मला मिळवून दिला त्यबद्दल मी शतश: आभारी आहे, असं गोकुळ गीते विजयानंतर म्हणाले.

दराडेंबद्दल प्रश्न  येताच एका वाक्यात संपवला विषय

या निवडणुकीत पराभव झाल्यानंतर महायुतीच्या नरेंद्र दराडे यांनी जाहीर संताप व्यक्त केला होता. माझा विश्वासघात झाला आहे, सगळे नेते खोटारडे आहेत, सगळे सारखेच आहेत, असा आरोप त्यांनी केला. मात्र त्यांच्या या बोलण्यावर गोकुळ गीते यांनी काहीही बोलण्यास नकार दिला. त्याचं उत्तर तेच देतील, अस म्हणत एका वाक्यात त्यांनी विषय संपवला.

शिंदेना भेटायला जाणार का ?

दरम्यान नाशिकचा धक्कादायक निकाल आल्यानंतर शिंदे गटाकडून गोकुळ गीते यांच्या विश्वासू सहकाऱ्याला पहिला फोन करून गीतेंना शिवसेनेत येण्याची ऑफर देण्यात आल्याच्या बातमीने अनेकांच्या भुवया उंचावल्या.  गोकुळ गीते यांचे विश्वासू नाना गामने यांना मंत्री उदय सामंत यांनी फोन केल्याची माहिती समोर आली होती.  यानंतर गोकुळ गीते यांना याबद्दल, पुढल्या भूमिकेबद्दल प्रश्न विचारण्यात आला असता, याबद्दल मला अजून काहीच माहिती नाही, तुम्हाला माहीत असेल तर मला माहीत नाही, असं गीते म्हणाले.

कार्यकर्त्यांना विचारल्याशिवाय मी काहीही करू शकत नाही. हा विजय जरी गोकुळ गीतेंचा असला तरी या व्यक्तीमागे असंख्य कार्यकर्ते आहेत. त्यांना विश्वासत घेतल्याशिवाय मी कोणताही निर्णय घेऊ शकत नाही. त्यांच्याशी बोलल्याशिवाय माझी भूमिका अस्पष्ट आहे, असं म्हणत गीते यांनी शिंदेंच्या शिवसेनेत जाणार की नाही यावर स्पष्ट बोलण्यास नकार दिला.