अजित पवार मेला… आक्षेपार्ह विधान भोवलं, त्या नेत्याची थेट पक्षातून हकालपट्टी
Kishor Masal : बारामतीतील नगरसेवक किशोर मासाळ यांनी अजित दादांच्या निधनावर आक्षेपार्ह विधान केलं होते. त्यानंतर आता मासाळ यांची पक्षातून हकालपट्टी करण्यात आली आली आहे.
अजित पवार यांच्या निधनाला 4 महिने होऊन गेले आहेत, मात्र आजही हजारो कार्यकर्ते त्यांची आठवण काढत असतात. मात्र बारामतीतील नगरसेवक किशोर मासाळ यांनी अजित दादांच्या निधनावर आक्षेपार्ह विधान केलं होते. सोशल मीडियावर व्हायरल झालेल्या ऑडिओ क्लिपमध्ये मासाळ यांनी रुपाली ताई मेली पाहिजे, अजित पवार मेला त्याने मला फरक पडला नाही असं विधान केलं होतं. त्यानंतर आता पक्षाने त्यांच्यावर कारवाई केली आहे. मासाळ यांची पक्षातून थेट हकालपट्टी करण्यात आली आहे. याबाबत सविस्तर माहिती जाणून घेऊयात.
किशोर मासाळची पक्षातून हकालपट्टी
समोर आलेल्या माहितीनुसार, किशोर मासाळ हा अजित पवार यांच्या जवळचा होता. अजित पवार या किशोर मासाळच भरभरुन कौतुक करायचे. अजित पवार यांच्या आवडत्या लोकांच्या यादीत तो होता. पण त्याच किशोर मासाळने अजिप पवार मेला त्याने मला फरक नाही पडला असं म्हटलं आहे. ही क्लिप व्हायरल झाल्यानंतर आता राष्ट्र्वादीतून मासाळची हकालपट्टी करण्यात आली आहे. पक्षाचे प्रदेशाध्यक्ष सुनील तटकरे यांनी याबाबत माहिती दिली आहे. ‘किशोर मासाळ यांनी केलेलं वक्तव्य फार घृणास्पद आहे आणि त्याची दखल पक्षाने घेतली आहे. त्यांची पक्षातून हकालपट्टी केली आहे असं तटकरे म्हणाले.
मासाळने मागितली होती माफी
सोशल मीडियावर क्लिप व्हायरल झाल्यानंतर किशोर मासाळने माफी मागितली होती. मासाळने म्हटले होते की, ‘चार दिवसांपूर्वी माझी ऑडिओ क्लिप व्हायरल झाली. त्यात मी अजित पवारांबद्दल चुकीचं वक्तव्य केलं. मी अजित पवारांचे कुटुंबिय आणि समस्त बारामतीकरांची माफी मागतो. मी जे बोललो त्याचा पश्चाताप म्हणून अजित पवारांचा अपघात झाला, त्या ठिकाणी एकदिवसाच अन्न त्याग आत्मक्लेष आंदोलन करणार आहे.’
सुप्रिया सुळेही आक्रमक
खासदार सुप्रिया सुळे यांनी मासाळच्या विधानावर टीका केली होती. ‘मासाळने केलेलं वक्तव्य तो विषय दुर्देवी आणि गलिच्छ आहे. आत्मक्लेष करणार असं ते म्हणतातय. अत्यंत खालच्या पातळीचं, दुर्देवी, दु:ख देणारं ते वक्तव्य आहे.’ दरम्यान, राष्ट्रवादीसह इतरही अनेक नेत्यांनी मासाळवर निशाणा साधला होता.
