“अमित शाह गुजरातचे आहेत, त्यांनी महाराष्ट्रात नाक खुपसू नये”; राष्ट्रवादीच्या नेत्यांनं शाह, फडणवीसांवर साधला निशाणा

अकोला: केंद्रीय गृहमंत्री अमित शाह यांच्या काल पुणे आणि कोल्हापूर दौऱ्यावरून राज्यातील राजकारण सगळे ढवळून निघाले आहे. आरोप-प्रत्यारोपांमुळे एकमेकांवर जोरदार फैरी झाडण्यात येत आहे. त्यातच काल अमित शाह यांनी बाबासाहेब पुरंदरेंमुळे देशाला छत्रपती शिवाजी महाराज माहिती पडली असलच्याचे त्यांनी सांगितले होते. त्यावरून आता राष्ट्रवादी काँग्रेसचे आमदार अमोल मिठकरी यांनी देवेंद्र फडणवीस यांच्यावर निशाणा साधला आहे. अमित शाह यांनी वाचलेली कालची स्क्रीप्ट ही देवेंद्र फडणवीस यांनी लिहून दिली होती असा घणाघात अमोर मिठकरी यांनी केला आहे.

काल कोल्हापूर येथे केंद्रीय गृहमंत्री अमित शाह यांनी बाबासाहेब पुरंदरे यांच्यामुळे देशाला छत्रपती शिवाजी महाराज माहिती पडले असल्याची मत त्यांनी व्यक्त केले होते.

छत्रपती आणि हिंदवी स्वराजचा संकल्प घेऊन गुलामगिरीची साखळी तोडली होती. त्यामुळे शिवसृष्टी जरूर पाहा, बाळासाहेब पुरंदरेंनी खूप छान काम केले असल्याचं वक्तव्यही त्यांनी यावेळी केले.

केंद्रीय गृहमंत्री अमित शाह यांनी यांनी बाबासाहेब पुरंदरे यांचा गुणगौरव केल्यानंतर आता राज्यातील राजकारण आणखी तापले आहे. त्यावरूनच अमोल मिठकरी यांनी देवेंद्र फडणवीस यांच्यासह भाजपवर आणि अमित शाह यांच्यावर निशाणा साधला आहे.

अमित शाह यांनी बाबासाहेब पुरंदरे यांचा गुणगौरव केला असला तरी त्यांनी वाचलेली स्क्रिप्ट ही देवेंद्र फडणवीस यांनी लिहून दिली होती अशी टीका त्यांनी केली आहे.

अमित शाह तुम्ही गुजरातचे आहात तर गुजरातमध्ये राहा महाराष्ट्रच्या इतिहासमध्ये नाक खुपसण्याचा प्रयत्न करू नका. महाराष्ट्रात तुम्ही काय इथे तळवे चाटण्यासाठी आला होतात का असा खोचक सवाल त्यांनी त्यांना केला आहे. त्यामुळे आता राष्ट्रवादी काँग्रेस आणि भाजपचा वाद वाद चिघळण्याची शक्यता आहे.