व्हॉट्सअॅप ग्रुपमध्ये शुभेच्छा संदेश पाठवणाऱ्या मेंबर्सना अॅडमिनचा दणका, 10 हजारांचा दंड वसूल!
एका व्हॉट्सअॅप ग्रुप अॅडमिनने नियम न पाळणाऱ्या सदस्यांना चक्क दंड ठोठावला आहे. इतकेच नव्हे तर त्याने दंड वसूलदेखील केला.
अमरावती : बहुतांश व्हॉट्सअॅप ग्रुपचे (WhatsApp group) काही नियम असतात, काही अटी असतात. पण सगळेच जण ते पाळतात का? राजकीय पोस्ट करू नका, फक्त गुड मॉर्निंग, गुड नाईटचे मेसेज करू नका, मजकूर कॉपी-पेस्ट करू नका, असे अनेकदा अॅडमिन बजावत असतो. पण काहीजण हटकून तेच करत असतात. ग्रुपमधील अशा सदस्यांबाबत काय करायचे, हा प्रश्न अॅडमिनसमोर असतो. पण अमरावतीच्या एका व्हॉट्सअॅप ग्रुप अॅडमिनने अशा सदस्यांना चक्क दंड ठोठावला आहे. इतकेच नव्हे तर तो दंड वसूल करून सदर रक्कम कोव्हिड सेंटरला देणगी म्हणून दिली. (admin collected fine of Rs 10,000 from group members for sending greetings in WhatsApp group)
आमची जिल्हापरिषद, असे या व्हॉट्सअॅप ग्रुपचे नाव आहे. मोर्शी पंचायत समितीत शिक्षक असलेले मनीष काळे हे या ग्रुपचे अॅडमिन आहेत. या ग्रुपवरसुद्धा विविध प्रकारचे ज्ञान, सामाजिक, शुभेच्छा संदेश, राजकीय पोस्टचा भरणा सुरुवातीला होता, शेवटी या पोस्ट रोखण्यासाठी मनीष काळे यांनी एक नियमावली केली. दंड किंवा सहकार्य, असा सरळसोपा नियम केला. नियमावली पाळा अन्यथा दंड भरा, असा इशारा ग्रुपवर 24 मेपासूनच दिला जात होता. तरीही ग्रुपमधील काही सदस्यांनी नियम मोडलाच. अखेर काळे यांनी दंड केला. विशेष म्हणजे दंड झालेल्या सर्वानीच दंड भरण्याचे मान्यदेखील केले.
दंड सरळ बँकेत भरायचा आहे. दंडापोटी सध्या जवळपास 10 हजार रुपये इतकी रक्कम जमा झाली. ती रक्कम जिल्हा परिषदेच्या कोव्हिड सेंटरला देणगी म्हणून देण्यात आली. सभासदांनी नियम मोडला म्हणून त्यांच्याकडून दंड वसूल करणारा आपली जिल्हा परिषद हा राज्यातील पहिलाच ग्रुप आहे.
Cashback Credit Card | जितके अधिक खर्च कराल तितके पैसे मिळतील, जाणून घ्या याबद्दल सर्वकाहीhttps://t.co/cAiza6wNJj#creditcard |#cashback |#money |#offer |#shopping
— TV9 Marathi (@TV9Marathi) June 29, 2021
इतर बातम्या
WhatsApp ला टक्कर, Telegram चे ढासू फीचर्स रोलआऊट, एकाच वेळी 30 जणांना व्हिडीओ कॉल करा
WhatsApp Payments ची कमान Manesh Mahatme यांच्या हाती, अमेझॉन, एअरटेल मनीसोबतचा अनुभव कामी येणार?
Twitter ची मुजोरी सुरुच, भारताच्या नकाशासोबत छेडछाड, जम्मू-काश्मीर, लडाख वेगळे देश असल्याचं दर्शवलं
(admin collected fine of Rs 10,000 from group members for sending greetings in WhatsApp group)
