विनायक राऊत यांच्या सुनेच्या आरोपांवर प्रवीण दरेकर स्पष्टच बोलले, माफ करता कामा नये…
शिवसेना ठाकरे गटातील ज्येष्ठ नेते आणि माजी खासदार विनायक राऊत यांचा मुलगा गितेश राऊत यांच्यावर गिरीजा राऊत यांनी गंभीर आरोप केले्यानंतर, याचं पडसाद राजकारणात देखील उमटू लागले आहे. आता प्रवीण दरेकर यांनी प्रकरणावर स्पष्ट मत व्यक्त केलं आहे.
शिवसेना ठाकरे गटातील ज्येष्ठ नेते आणि माजी खासदार विनायक राऊत यांचा मुलगा गितेश राऊत यांच्यावर सून गिरीजा राऊत यांनी गंभीर आरोप केले आहे. ज्यामुळे राजकारणात मोठी खळबळ उडाली आहे. गिरीजा राऊत यांनी गंभीर आरोप करत अघोरी कृत्य केल्याचे देखील आरोप केले आहे. यावर आता राजकीय क्षेत्रातून वेगवेगळ्या प्रतिक्रिया समोर येत आहे. आता भाजपाचे आमदार प्रवीण दरेकर यांनी देखील या प्रकरणावर प्रतिक्रिया दिवा आहे… अशा प्रकारच्या गोष्टी जे करतील त्यांनी माफ करता कामा नये… असं स्पष्ट शब्दात प्रवीण दरेकर म्हणाले आहे.
गिरीजा राऊत यांनी सासरच्या मंडळींवर केलेले आरोप समोर येताच प्रवीण दरेकर म्हणाले, ‘विनायक राऊत यांच्यासंदर्भात अशा प्रकारच्या कृती पूर्वी देखील ऐकण्यात येत होत्या. पण आता घरातच ते अशा प्रकारे आपल्या सुनेलाच अशा गोष्टींना भाग पाडत असतील तर यापेक्षा दुर्दैव दुसरं असूच शकत नाही. हे केवळ घरातून आलेलं एक प्रकरण आहे, अशा प्रकारच्या गोष्टी याच्यापुढे येतीलच. अशा प्रकारची गोष्टी जे बाबा करतील त्याला माफ करता कामा नये,” अशी प्रतिक्रिया प्रवीण दरेकर यांनी दिली आहे.
सुनेच्या तक्रारीनंतर सात जणांविरोधात गुन्हा दाखल
माजी खासदार विनायक राऊत यांच्या सुनेच्या तक्रारीनंतर सात जणांविरोधात गुन्हा दाखल करण्यात आला आहे. सात आरोपींपैकी दोन भोंदू बाबा असून त्यातील एकाला अटक करण्यात आली आहे. भोंदूबाबा फिरोज शेखला दोन दिवसांची पोलीस कोठडी सुनावण्यात आली आहे. दुसरा भोंदूबाबा काझीच्या शोधासाठी पोलिसांची दोन विशेष पथके तयारीत असल्याची सूत्रांची माहिती आहे.
गिरीजा राऊत यांनी केलेले गंभीर आरोप
नुकताच झालेल्या एका पत्रकार परिषदेत गिरीजा राऊत म्हणाल्या, ‘मुलगा शारीरिक संबंध ठेवण्यासाठी असक्षम आहे हे लपवण्यासाठी त्यांनी प्लानिंग करून माझं आयुष्य बर्बाद केलं आहे… अघोरी कृत्य जसं की वेगवेगळ्या बाबांकडे घेऊन जायचे. जिवंत कोंबडा अंगावरून उतरवत होते. मासाचे तुकडे अंगावरून उतवरत होते. तांब्याची तार उतरवत होते. कणकेच्या बाहुल्या, माझ्या अंगावरील न धुतलेले वापरलेले कपडे, डोक्याचे केस घेऊन उतारे करत होते. हळद खायला द्यायचे. अगरबत्तीची उदी तीर्थ म्हणून पेलाभरून प्यायला द्यायचे. गोमूत्र द्यायचे.’ असं देखील गिरीजा राऊत म्हणाल्या. तर विनायक राऊत यांनी सूनेने केलेले सर्व आरोप फेटाळले आहेत.
