पुण्यात राष्ट्रवादी काँग्रेसच्या महिला कार्यकर्त्यांना मारहण प्रकरणी भाजपच्या कार्यकर्त्यांवर गुन्हा दाखल

पुणे – केंद्रीय मंत्री स्मृती इराणी (Union Minister Smriti Irani) यांच्या कार्यक्रमात , भाजपच्या कार्यकर्त्यांनी राष्ट्रवादी काँग्रेसच्या महिला कार्यकर्त्यांना मारहण केल्याची घटना घडली.  या घटनेचे व्हिडीओ सोशल मीडियावर (Social Media )व्हायराल झाले. या घटनेची दखल घेत डेक्कन पोलिसांनी सोशल मीडियावर प्रसारित झालेल्या व्हीडीओ क्लीप्सच्या (video clips)  माध्यमातून तिघांवर कारवाई केली आहे. 323, 354, 504 , 506 आणि कलम 34 नुसार ही कारवाई करण्यात आली आहे. वरिष्ठांच्या सूचनेनुसार पुढील तपास केला जाणार आहे. लवकरात लवकर आरोपींना अटक केली जाईल. अशी माहिती डेक्कन पोलीस ठाण्याचे वरिष्ठ पोलीस निरीक्षक मुरलीधर करपे यांनी दिली आहे. काल स्मृती इराणी यांच्या कार्यक्रमा दरम्यान राष्ट्रवादी काँग्रेसकडून महागाईविरोधात जोरदार घोषणाबाजी करत आंदोलनही करण्यात आले होते.

पोलिसांनी चोख काम केलंय

भाजपच्या कार्यकर्त्यांनी राष्ट्रवादी काँग्रेसच्या महिलांना मारहाण केली. या मारहाणीचे व्हीडीओ सर्वत्र व्हायरल झालेले सर्वांनी पाहिल्या . त्यानंतर शहर पोलिसांनी त्यांच काम चोखं केलंय. आणि तीन कलमांनुसार गुन्हा दाखल केलाय. अशा आरोपींना वेळीच अटक होणं गरजेचं आहे. आम्ही पोलिसांचे आभार मानतो की त्यांनी दखल घेऊन गुन्हा दाखल केला. प्रशांत जगतापांनी मानले आभार इथून पुढे कार्यकर्त्यांनी कायदा हातात घेऊ नये. अशी भावना वैशाली नागवडे यांनी व्यक्त केलीये.

करारा जवाब मिळेल -रुपाली पाटील

हे सगळे विकृत लोक आहेत, देवेंद्र फडणवीस काय बोलतात हे त्यांच त्यांना कळतं का? राज्याचे गृहमंत्री दिलीप वळसे पाटलांनी आमच्या कार्यकर्त्यांना जाऊन घोषणाबाजी करा आणि मार खा, असा सांगितलं का? स्वतःच्या बायकोला लोक बोलली तर इतरांना पुढे करता आणि इतरांच्या महिलांना मारहाण होते तेव्हा काय? असा विचारला सवाल आता गुन्हा दाखल झालाय अटक कारवाई करा आता ही सुरुवात आहे. अजून करारा जवाब मिळेल आम्ही जगदीश मुळीकांच आव्हान स्वीकारलंय त्यांनी सांगावं आम्ही कुठं यायचंय? महिलांवर हात उगारणं ही त्यांची संस्कृती आहे . मात्र आम्ही त्यांना सोडणार नाही. असा इशारा राष्ट्रवादी काँग्रेसच्या नेत्या रुपाली पाटील यांनी गुन्हा दाखल झाल्यानंतर दिला आहे.