Ketan Agarwal Case: मोठी अपडेट! एरिया 37 आणि कपडे… केतन अग्रवाल प्रकरणात सियाची बोलतीच बंद; पोलिस थेट घरात…
Ketan Agarwal Case: पुण्यातील प्रसिद्ध व्यावसायिक केतन अग्रवाल प्रकरणात मोठी माहिती समोर आली आहे. पोलिस थेट सियाच्या घरी पोहोचले आहेत.
लोणावळा येथील लोहगड किल्ल्यावरुन धकलून व्यावसायिक केतन अग्रवालची हत्या करण्यात आली. या प्रकरणात केतनची होणारी पत्नी सिया गोयल आणि तिच्या बॉयफ्रेंड चेतन चौधरीला पोलिसांनी ताब्यात घेतले आहे. त्यांची कसून चौकशी सुरु आहे. आता या प्रकरणात खळबळजनक माहिती समोर आली आहे. सियाने जे काही केलं ते आता उघड झाले आहे.
थेट सियाच्या घरी पोहोचले पोलिस
समोर आलेल्या माहितीनुसार, सिया गोयलला पोलिस तिच्या घरी घेऊन गेले आहेत. घटनेनंतर आरोपीच्या उपस्थितीत पंचनामा करण्यासाठी पुणे ग्रामीण पोलिस सियाच्या घरी पोहोचले आहेत. तेथे पोहोचल्यानंतर सियाचे कपडे, मोबाईल, इतर गोष्टींचा पंचनामा करण्यात आला. १८ जून रोजी घटना घडल्यावर सिया ने कुठले पुरावे नष्ट केले का? याचा तपास करण्यात आला आहे. घटनेच्या दिवशी सियाने परिधान केलेले कपडेसुद्धा ग्रामीण पोलिसांनी जप्त केले आहेत.
एरिया ३७ च्या मागील बाजूस…
पुण्यातील एरिया ३७ च्या मागील बाजूस टेकडीवरून सिया आणि तिचा प्रियकर चेतन चौधरी यांनी केतनला लोहगडावर धक्का कसा द्यायचा याचा सराव केला होता. पुण्यातील तीन ठिकाणी पुणे ग्रामीण पोलिसांचे पथक आज सियाला पंचनामा करण्यासाठी घेऊन आले होते. 18 जून रोजी केतन अग्रवाल खून प्रकरणात अटक असलेली आरोपी सिया गोयलला घेऊन आज पुणे ग्रामीण पोलिसांनी घटने पूर्वी आणि घटनेनंतर सिया ज्या ज्या ठिकाणावर गेली होती तिथे पंचनामा केला आहे.
सिया आणि तिचा प्रियकर चेतन चौधरी यांनी ज्या ठिकाणी केतनला मारण्यासाठी सराव केला होता तिथे सुद्धा भेट दिली आणि पंचनामा केला आहे. पुण्यातील एरिया ३७ च्या मागील बाजूस टेकडीवरून सिया आणि तिचा प्रियकर चेतन चौधरी यांनी सराव केल्याची माहिती मिळतेय. पुणे ग्रामीण पोलिस या प्रकरणात सिया गोयल आणि चेतन चौधरी यांच्या भूमिकेचा सखोल तपास करत आहेत. आरोपीला घटनास्थळी आणि संबंधित ठिकाणी नेऊन पंचनामा करणे हा तपासाचा महत्त्वाचा भाग मानला जातो. सियाच्या घरातून जप्त करण्यात आलेल्या कपड्यांची फॉरेन्सिक तपासणीही केली जाणार असल्याचे सूत्रांनी सांगितले.
तपासातील नवीन माहिती
पुणे पोलिसांनी शुक्रवारी आरोपी सिया गोयलचा भाऊ साहिल गोयल याची सुमारे १० तास चौकशी केली. पोलिसांच्या माहितीनुसार, साहिल चेतन चौधरीला ओळखतो. त्याने सांगितले की, चेतन आणि सियाची मैत्री क्रिकेट सामन्यादरम्यान झाली होती.
