Pune Crime: बिनधास्त आले… पाचे ते सहा राऊंड झाडल्या गोळ्या… बिश्नोई गँगचा रात्रीचा थरार.. पुण्यात घडलं काय?
Pune Bishnoi Gang Firing: पिंपरी चिंचवड काल हादरले. लॉरेन्स बिश्नोई गँगने एजे मॉलच्या दिशेने काल बेछुट गोळीबार केला. रात्री 9 ते 10 वाजेदरम्यान घडलेल्या या घटनेने परिसरात दहशत माजली. हा त्या व्यापाऱ्याला या गँगने दिलेला फायनल अल्टिमेटम मानल्या जात आहे.
Pimpri Chinchwad Gang Firing: पुणे हे विद्येचे माहेरघर आहे की गुन्हेगारांची, असा संताप व्यक्त होत आहे. पुण्यात कोयता गँगची दहशत असताच आता लॉरेन्स बिश्नोई गँगची दहशतही समोर आली आहे. पिंपरी चिंचवडमध्ये लॉरेन्स बिश्नोई गँगच्या शार्प शुटर्सनी भररस्त्यात उभे राहत एजी फर्निचर मॉलच्या दिशेने धडाधड गोळ्या झाडल्या. या घटनेने परिसरात एकच खळबळ उडाली. मुंबईनंतर बिश्नोई गँगची पुण्यात दहशत दिसून आली. सुदैवाने या घटनेवेळी घटनास्थळी कोणी नव्हते. या शूटर्सने मॉलच्या नाम फलकावर गोळीबार केला. आरोपी हे बाईकवरून आले होते. रात्री 9:20 मिनिटांनी हा गोळीबार करण्यात आला. या आरोपींनी पाच ते सहा राऊंड फायर केले. घटनास्थळी तातडीने पोलीस दाखल झाले. पुढील तपास सुरू करण्यात आला आहे.
व्यापाऱ्याला जीवे मारण्याची धमकी
पिंपरी- चिंचवडमध्ये लॉरेन्स बिश्नोई गँगने गोळीबार केला. दोघांनी दोन पिस्तुलातून सहा गोळ्या झाडल्या. या गँगने व्यापाऱ्याला सोशल मीडियावरून जीवे मारण्याची धमकी देण्यात आली आहे. पिंपरी- चिंचवडमध्ये लॉरेन बिश्नोई गॅंग चा सदस्य शुभम लोणकर च्या शूटरने थेट फर्निचर मॉलवर गोळीबार केला. दुचाकीवरून आलेल्या दोघांनी दोन पिस्तुलातून पाच ते सहा गोळ्या फर्निचर मॉलवर झाडल्या. गोळीबाराची घटना सीसीटीव्हीत कैद झाली आहे. दुचाकीवरून आलेल्या दोघांनी मॉलच्या दिशेने 5-6 गोळ्या झाडल्या. त्यात मॉल ची काच फुटली आहेय
‘एजे’ फर्निचर मॉल चे मालक अशोक नैन हे एमडी ड्रग्स तस्कर असल्याचा उल्लेख करत हा केवळ ट्रेलर आहे, यानंतर थेट गोळी डोक्यात असेल अशी धमकी देण्यात आली आहे. यानंतर पोलिसांनी घटनास्थळी धाव घेऊन बिष्णोई गॅंगच्या शूटरच्या शोधासाठी पथक रवाना करण्यात आलेत. पोलीस लॉरेन बिष्णोइ गॅंग संदर्भात तपास करत असल्याची माहिती पोलीस उपायुक्त गणेश इंगवले यांनी दिली.
गोळीबाराची जबाबदारी स्वीकारली
पिंपरी चिंचवडमधील एजे फर्निचर मॉलवर केलेल्या गोळाबाराची जबाबदारी आरजू बिष्णोईने घेतली आहे. याविषयाची ऑडिओ समोर आला आहे. टीव्ही ९ याची पुष्टी करत नाही.पिंपरी चिंचवडमध्ये AJ फर्निचर वर केलेल्या गोळीबाराची जबाबदारी लॉरेन्स बिष्णोई गँगने स्वीकारली आहे. या अनुषंगाने लॉरेन्स बिष्णोईचा भाऊ आरजू बिष्णोईचा नावाने एक ऑडिओ समोर आला आहे. जो आमच्या विरोधात आहे, त्याची आणि आमची लवकरचं भेट होईल. असा इशारा ही या ऑडिओद्वारे देण्यात आलाय. हा ऑडिओ खरंच लॉरेन्स बिष्णोई गँगशी संबंधित आहे का? याचा तपास पोलीस करत आहे.
