Revati Sule And Sarang Lakhani: बॅडमिंटनपटू, न्यूयॉर्कमधून एमबीएची पदवी, विश्वराज ग्रुपमध्ये आणि…सुप्रिया सुळेंचे जावई सारंग लखानीची नेटवर्थ किती?

राष्ट्रवादी काँग्रेस पक्षाच्या नेत्या सुप्रिया सुळे आणि शरद पवार यांची नात, रेवती सुळे यांचे नुकतेच मुंबईत लग्न पार पडले. या लग्नाला अनेक प्रमुख व्यक्तींनी हजेरी लावल्याने या लग्नाने सर्वांचे लक्ष वेधून घेतले. अगदी राजकारणातील सर्व पक्षातील नेते तसेच क्रिकेटपटू ते बॉलिवूड सेलिब्रिटी सगळ्यांनी हजेरी लावलेली पाहायला मिळाली. या लग्नाचे अनेक व्हिडिओ सोशल मीडियावर मोठ्या प्रमाणात व्हायरल झालेले पाहायला मिळाले. रेवती सुळेचे लग्न सारंग लखानी यांच्याशी झाले आहे, जे विश्वराज ग्रुपच्या एक्झिक्युटिव्ह डायरेक्टर आहेत. ग्रुपचे चेअरमन आणि व्यवस्थापकीय संचालक अरुण लखानी यांचे पुत्र आहेत. सारंगचे वय सध्या अंदाजे 33 वर्षे आहे. पण सारंग लखानी नेमके कोण आहेत? त्यांचे शिक्षण किती तसेच एकूण नेटवर्थ किती याबद्दल सर्वांनाच उत्सुकता आहे.

सारंग यांच्याबद्दल थोडक्यात माहिती

माध्यमांच्या वृत्तानुसार, सारंग लखानीने 2014 मध्ये नागपूर विद्यापीठातून बी.कॉम पूर्ण केली. त्याने आयआयएम बंगळूर येथून मॅनेजमेंटचे शिक्षण पूर्ण केले. मे 2023 मध्ये त्याने न्यूयॉर्कमधील प्रतिष्ठित कोलंबिया बिझनेस स्कूलमधून एमबीएची पदवी मिळवली. वृत्तानुसार, तो एक चांगला बॅडमिंटनपटू देखील आहे. त्याने अनेक राष्ट्रीय आणि आंतरराष्ट्रीय स्पर्धांमध्ये भाग घेतला आहे. सारंग लखानी हे गेल्या 8 वर्षांपासून ‘विश्वराज ग्रुप’मध्ये एक्झिक्युटिव्ह डायरेक्टर म्हणून जबाबदारी सांभाळतात. यापूर्वी त्यांनी ‘मॉडर्न हायड्रोजन’ कंपनीत बिझनेस डेव्हलपमेंट कन्सल्टंट म्हणूनही काम सांभाळले होते. रेवती सुळे या देखील ‘लंडन स्कूल ऑफ इकॉनॉमिक्स’च्या माजी विद्यार्थिनी आहेत. आता हे दोघे ही लग्न बंधनात अडकले आहेत.

रेवती सुळे आणि सारंग लखानी यांच्याशी विवाह सोहळा 20 जून रोजी पार पडला. हा विवाहसोहळा वांद्रे कुर्ला कॉम्प्लेक्समधील प्रसिद्ध जिओ वर्ल्ड कन्व्हेन्शन सेंटरमध्ये पार पडला. या विवाहसोहळ्याला अनेक प्रमुख राजकारणी आणि उद्योगपतींनीही हजेरी लावली होती. जरी सारंग लखानी यांची एकूण संपत्ती सार्वजनिकरित्या जाहीर करण्यात आलेली नसली तरी, काही माध्यमांच्या वृत्तानुसार त्यांची एकूण संपत्ती 50 ते 80 कोटी रुपये असल्याचा अंदाज आहे. ते विश्वराज ग्रुपच्या एक्झिक्युटिव्ह डायरेक्टरकार्यरत असून अरुण लखानी यांचे वारसदार आहेत.