सर्वात मोठी बातमी! महाराष्ट्रातील बड्या नेत्याला केंद्रात अर्थमंत्रिपद?

गेल्या काही काळापासून देशाच्या राजकारणात मोठ्या घडामोडी घडल्या आहेत. अनेक नेत्यांनी पक्षांतर केले आहे. अशातच आता केंद्रीय मंत्रिमंडळात मोठे फेरबदल होणार असल्याच्याही बातम्या समोर आल्या आहे. विविध राज्यांमधील आगामी विधानसभा निवडणुकीच्या पार्श्वभूमीवर संबंधित राज्यातील नेत्यांवर महत्त्वाची जबाबदारी दिली जाण्याची शक्यता आहे. तसेच अलिकडेच उद्धव ठाकरेंच्या पक्षातील 6 खासदारांनी एकनाथ शिंदे यांच्या शिवसेनेत प्रवेश केला आहे. यातील एका नेत्याला मंत्रिपद मिळण्याची शक्यता आहे.

महाराष्ट्रातील नेत्याला अर्थखातं मिळणार – रोहित पवार

केंद्रीय मंत्रिमंडळात फेरबदलाची चर्चा सुरू असताना राष्ट्रवादी शरद पवार पक्षाचे आमदार रोहित पवार यांनी मोठा दावा केला आहे. रोहित पवार यांनी म्हटले की, ‘महाराष्ट्रातल्या भाजपच्या एका मोठ्या नेत्याला केंद्रात मोठ्या फायनान्स मिनिस्ट्रीचं पद दिल जाऊ शकत.’ रोहित पवार यांच्या दाव्याने खळबळ उडाली आहे. रोहित पवार यांच्या विधानाचा अर्थ निर्मला सीतारामन यांच्याकडून अर्थखातं काढून घेतलं जाण्याची शक्यता आहे.

फुटलेल्या एका खासदाराला मंत्रिपद मिळणार – रोहित पवार

रोहित पवार यांनी पुढे बोलताना म्हटले की, महाराष्ट्रात असा एक नेता आहे त्याच्याकडे छोट पद आहे. जो मंत्री आहे त्याला महाराष्ट्रात एक मोठं पद दिलं जाईल. तसेच जे सहा खासदार पलटी मारून पैसे घेऊन सत्तेत गेले त्यातील एका खासदाराला मंत्रीपद मिळू शकतं असाही दावा रोहित पवार यांनी केला आहे. त्यामुळे आता राज्यातील कोणत्या नेत्याला थेट अर्थमंत्रिपदाची लॉटरी लागणार ते पाहणे महत्त्वाचे आहे.

राज्यातून कुणाला लागणार लॉटरी?

रोहित पवार यांचे विधान यामुळेही महत्त्वाचे आहे की, आगामी काळात केंद्रीय मंत्रिमंडळात मोठे फेरबदल होण्याची शक्यता आहे. एकनाथ शिंदे यांच्या शिवसेनेतील एका खासदाराला यात मंत्रि‍पदाची लॉटरी लागण्याची शक्यता आहे. तसेच आम आदमी पार्टीतून भाजपात सामील झालेल्या खासदारांपैकी एखाद्याला मंत्रिपद दिले जाण्याची शक्यता आहे. त्यामुळे आता रोहित पवार यांचा दावा खरा ठरण्याची शक्यता नाकारता येत नाही. आता राज्यातून नेमकी कोणाची वर्णी लागते हे पाहणे महत्त्वाचे ठरणार आहे.