भाजपाचा हा मंत्री 15 मिनिटात फुटणार, राऊतांच्या दाव्याने मोठी खळबळ, थेट नाव घेतलं!
आता आमचं ऑपरेशन तुडवा सुरू होणार आहे. म्हणूनच बंडखोर खासदारांना संरक्षण दिलं. ते टायगर कसले. टायगर असे लपत असतात का. आम्ही टायगर आहोत. आता ऑपरेशन तुडवा सुरू होणार आहे, असं संजय राऊत म्हणाले.
Sanjay Raut Criticizes Girish Mahajan : उद्धव ठाकरे यांच्या पक्षाच्या सहा खासदारांनी बंडखोरी केली आहे. ठाकरे गटाने आज (18 जून) आपल्या संसदीय पक्षाची बैठक बोलावली होती. या बैठकीत ठाकरेंचे एकूण तीन खासदार उपस्थित होते. उर्वरित तीन खासदार अनुपस्थित होते. दरम्यान, या बैठकीनंतर आता सह खासदार बंडखोरी खरणार असल्याचे निश्चित झाले आहे. दुसरीकडे ठाकरे यांच्या पक्षाने या खासदारांना अपात्र ठरवण्यासाठी कायदेशीर मार्गाचा अवलंब करण्यास सुरुवात केली आहे. दरम्यान सध्याची स्थिती लक्षात घेऊन भाजपाचे नेते तथा मंत्री गिरीश महाजन यांनी ठाकरे गटाची चांगलीच खिल्ली उडवली. ठाकरे यांच्याकडे राडा घालायलाही कोणी शिल्लक राहिलेले नाही, असे विधान महाजन यांनी केले आहे. महाजनांच्या याच विधानावर आता खासदार संजय राऊत यांनी पलटवार केला आहे. अर्ध्या तासासाठी ईडी, सीबीआय बाजूला करा, राडा काय असतो ते दाखवून देऊ, असं संजय राऊत म्हणाले आहेत.
संजय राऊत नेमकं काय म्हणाले?
आता आमचं ऑपरेशन तुडवा सुरू होणार आहे. म्हणूनच बंडखोर खासदारांना संरक्षण दिलं. ते टायगर कसले. टायगर असे लपत असतात का. आम्ही टायगर आहोत. आता ऑपरेशन तुडवा सुरू होणार आहे. बाळासाहेबांच्या जन्मशताब्दी वर्षात त्यांनी गद्दारी केली. त्यामुळे मला चीड आहे. माझा तो संताप आहे. तुम्हाला धीर नाही. शिवसेना तीच आहे. पण त्याकाळात लोकशाहीवादी शासन असायचे. रस्त्यावरच्या आंदोलनाला देशद्रोही ठरवत नव्हते, असा हल्लाबोल संजय राऊत यांनी केला.
तसेच, त्यांनी गिरीश महाजन यांना प्रत्युत्तर दिले?
गिरीश महाजन तुम्ही काँग्रेसमुळे स्वातंत्र्य भोगत आहे. काँग्रेसने देशाला स्वातंत्र्य दिलं. देशासाठी त्याग केला. त्यांनी संपत्तीचा त्याग केला. त्यांनी स्वातंत्र्याची चळवळ केली. तुम्ही काय केलं? असा सवालच संजय राऊत यांनी गिरीश महाजन यांना विचारला. गदर मुव्हमेंट आम्ही केली. तुमची गद्दार मुव्हमेंट आहे. पोलीस बाजूला सारून या. गिरीश महाजन तर १५ मिनिटात फुटतील, असा मोठा दावा संजय राऊत यांनी केला. तसेच पाच मिनिट आमच्या हातात ईडी सीबीआय द्या. हे फुटतील. हे काय आम्हाला सांगत आहेत, अशी टाकीही राऊत यांनी केली.
