वडिलांच्या हत्येचा निकाल बाजूने लागण्यासाठी… ओमराजे निंबाळकरांवर दबाव, सहीसाठी… संजय राऊत यांच्या गौप्यस्फोटाने खळबळ

शिवसेना ठाकरे गटाचे 6 खासदार फुटणार असल्याची चर्चा आहे. तशा हालचाली दिल्लीत सुरू आहेत. उपमुख्यमंत्री एकनाथ शिंदे दिल्लीत आहे. काल त्यांनी लोकसभा अध्यक्षांची भेट घेतली. 6 खासदार स्वतंत्र गटाचे पत्र लोकसभा अध्यक्षांना देणार आहेत. हा उद्धव ठाकरे यांना मोठा धक्का म्हणावा लागेल. एकनाथ शिंदे यांनी ठाकरे गटाच्या या खासदारांसोबत बैठक घेतल्याचीही माहिती आहे. हे 6 खासदार दिल्लीत आहेत. दुसरीकडे पक्षफुटी टाळण्याकरिता शिवसेना ठाकरे गटाकडून व्हिप जारी करण्यात आले. संजय राऊतही दिल्लीत आहेत. मोठ्या घडामोडी घडत आहेत. जे 6 खासदार शिवसेना शिंदे गटात जात आहेत, त्यांची नावे पुढे आलीत. ओमराजे निंबाळकर यांच्याही नावाचा समावेश आहे संजय राऊत यांनी या पार्श्वभूमीवर दिल्लीत पत्रकारांसोबत संवाद साधला. यावेळी अरविंद सावंत आणि अनिल देसाई देखील उपस्थित होते.

संजय राऊत यांनी गंभीर आरोप केले. संजय राऊत यांनी म्हटले की, आम्ही कोणत्याही पक्षाचं आणि खासदाराचं नाव घेतलं नाही. देशात निवडून आलेल्या खासदारांना फोडणं हे लोकशाहीच्या विरोधी आहे. ओम बिर्ला यांनी कायद्यानुसार निर्णय घ्यावा. सुप्रीम कोर्टात निर्णय पेंडिंग आहे. याला सुप्रीम कोर्ट जबाबदार आहे. तुमच्या यादीत ओमराजेंचं नाव आहे. 20 वर्षा पूर्वी त्यांच्या वडिलांची हत्या झाली.

काल निकाल होता. आमच्याकडे आलेल्या माहितीनुसार, ओमराजेंवर दबाव असा आहे की, तुमच्या बाजूने निकाल हवा असेल तर आमच्यासोबत या. हवा तसा निकाल देतो. दोन खून आहेत. पवनराजे आणि त्यांच्या ड्रायव्हरचा खून आहे. 20 वर्षानंतर काल निर्णय होणार होता. ओमराजेंना सांगितलं गेलं, एका व्यक्तीच्या माध्यमातून, जो नेता आज दिल्लीत आला आहे.

तुमच्या बाजूने निर्णय हवा असेल तर सही करा. आमच्यासोबत या. अशा प्रकारे या देशाचा कायदा चालत असेल तर काय संविधान, काय कायदा, काय हायकोर्ट तुम्हीच सांगा. त्यामुळेच दोन दिवसासाठी हा निकाल राखून ठेवला, असा मोठा गंभीर आरोप संजय राऊत यांनी केले. संजय राऊत यांनी केलेल्या या आरोपानंतर सर्वांनाच मोठा धक्का बसला.