Video : माझी उंची मोठी म्हणून मी हवेत, जास्त टीका करू नका नायतर पोट सुटेल, उदयनराजेंचा पलटवार
भाजपचे आमदार शिवेंद्र राजे भोसले आणि भाजपचेच खासदार उदयनराजे भोसले एकाच पक्षात असूनही दोघांमधूनही विस्तव जात नाही. संधी मिळताच दोन्ही नेते एकमेकांना टोला लगावल्या शिवाय राहत नाहीत.
सातारा : नगरपालिकेची निवडणूक जवळ येत आहे. त्यामुळे खासदार उदयनराजे भोसले (Udayan Raje Bhosle) आणि आमदार शिवेंद्र राजे भोसले (Shivendra Raje Bhosle) यांच्यात जोरदार आरोप-प्रत्यारोप पाहायला मिळत आहेत. भाजपचे आमदार शिवेंद्र राजे भोसले आणि भाजपचेच खासदार उदयनराजे भोसले एकाच पक्षात असूनही दोघांमधूनही विस्तव जात नाही. संधी मिळताच दोन्ही नेते एकमेकांना टोला लगावल्या शिवाय राहत नाहीत. साताऱ्यातील राजकीय वर्चस्वावरून या दोन्ही नेत्यांमध्ये कायम टशन (Udayanraje Vs Shivendra Raje) असते. आता पुन्हा हा संघर्ष चांगलाच पेटला आहे. उदयनराजे नेहमी हवेत असतात अशी टीका शिवेंद्रराजे यांनी केली होती, त्याला उदयनराजे यांनीही त्याच भाषेत जोरदार प्रत्युत्तर दिले आहे. त्यामुळे हा वाद काही केल्या संपायचे नाव घेत नाहीये. हा वाद दिवसेंदिवस वाढतच चालला आहे.
उदयनराजेंचा जोरदार पलटवार
उदयनराजेंचे काम नेहमी वाऱ्यावरच असते या टीकेला उत्तर देताना उदयनराजे म्हणाले, माझी उंची मोठी आहे, म्हणून मी हवेत असतो, तुम्हीही तेवढी उंची गाठून दाखवावी. शिवेंद्रराजेंना नेहमी टीका करण्याशिवाय काय येत नाही, त्यांनी खुशाल टीका करावी. मात्र एवढीही टीका करू नये की पोट फुटेल. असा टोला उदयनराजेंनी शिवेंद्रराजेंना लगावला आहे. त्यामुळे आता याला शिवेंद्रराजेंचेही जोरदार प्रत्युत्तर येण्याची शक्यता आहे. पाची बोटं सारखी नसतात, काही लोकांचा स्वभाव प्रेमळ असतो, काही लोकांना टीका केल्याशिवाय झोप येत नाही, असा टोलाही त्यांनी लगावला आहे.
शिवेंद्रराजे काय म्हणाले होते?
साताऱ्यात एका कार्यक्रमामध्ये बोलत असताना आमदार शिवेंद्रराजे भोसले यांनी जोरदार फटकेबाजी केली. यावेळी त्यांनी खासदार उदयनराजे भोसले यांच्यावर पुन्हा एकदा जोरदार टीका केली. उदयनराजे यांच्या वाढदिवसानिमित्त घेण्यात आलेल्या कार्यक्रमामध्ये खासदार उदयनराजे यांनी हवेतून मोटारसायकलवरून एंट्री केली होती. या त्यांच्या एन्ट्रीवर बोलत असताना आमदार शिवेंद्रराजे यांनी सडकून टीका केली आहे. यावेळी बोलताना ते म्हणाले उदयनराजेंची ही एन्ट्री म्हणजे वाऱ्यावरची वरात आहे. त्यांचे काम हे नेहमीच वाऱ्यावरच असतं जमिनीला धरून कोणतेही काम उदयनराजे करत नाहीत. उदयनराजेंचे ती एंट्री म्हणजे स्वतःच्या कामाप्रमाणे होती अशी जोरदार टीका आमदार शिवेंद्रराजे भोसले यांनी केली होती.
मुख्यमंत्र्यांच्या आदेशाला शिवसैनिकांकडून केराची टोपली, कोरोना नियमांचे खुलेआम उल्लंघन