वाल्मिक कराडच्या समर्थकाचा तो व्हिडीओ व्हायरल, बीडमध्ये मोठी खळबळ..

संतोष देशमुख प्रकरणानंतर आता बीडमध्ये विलास घुले प्रकरणानेही खळबळ उडाली आहे. विलास घुले प्रकरणी नवनवीन माहिती समोर येत आहे. दोन गटात सुरू असलेलं भांडण सोडवण्यासाठी गेलेल्या विलास घुले नावाच्या तरुणाला संपले. या प्रकरणात सतत खासदार बजरंग सोनवणे यांच्या मुलाचे नाव येत आहे. घटनेच्या काही महिन्यांनी आमदार धनंजय मुंडे यांनी विलास घुले याच्या कुटुंबीयांची भेट घेतली होती. या प्रकरणावरून खासदार बजरंग सोनवणे यांच्यावर गंभीर आरोप केले जात आहे. बजरंग सोनवणे यांनी एका गंभीर आरोपाने खळबळ उडाली आहे. बीडमधील जेलमध्ये वाल्मिक कराडकडून मोबाईलचा वापर केला जातो, असा गंभीर आरोप खासदार सोनवणे यांनी केला आहे. यासोबत मुद्दाम या केसमध्ये गुंतवले जात असल्याचे त्यांनी म्हटले.

त्यातच आता वाल्मिक कराडच्या साथीदाराचा एक व्हिडीओ सोशल मीडियावर तूफान व्हायरल होत आहे. या व्हिडीओने एकच खळबळ उडाली. बीड वाल्मिक कराडचा साथीदार सुग्रीव कराडची गुंडगिरी बघायला मिळाली. माणसा सकट एका तासात सगळं जाळण्याची धमकी दिल्याचे दिसतंय. मस्साजोगच्या देशमुख नामक तरुणाला उमरी टोल नाक्यावर धमकी देण्यात आली.

कराडने टोल‌ न भरल्याने वाद झाल्याची माहिती मिळतंय. धक्कादायक व्हिडिओ समोर आला. मात्र, हा व्हिडीओ आताचा नाही तर काही दिवसांपूर्वीचा असल्याची माहिती मिळतंय. याच टोलनाक्यावरून कराड टोळीने संतोष देशमुखांचे अपहरण केले होते. पुढे त्यांच्यासोबत काय झाले हे राज्याने बघितले.

यानंतर याच टोलनाक्यावर कराडच्या साथीदाराने मस्साजोग गावातील एका देशमुख नामक तरुणावर हल्ला केल्याच्या प्रकाराने खळबळ उडाली आहे. याच सुग्रीव कराड आणि वाल्मिक कराडची तीन दिवसांपूर्वी एक कॉल रेकॉर्डिंग व्हायरल झाली होती, ज्यामध्ये खासदार सोनवणेंच्या मुलाला गुन्ह्यात अडकवण्याचा कट रचल्याचे समोर आले होते. हा व्हिडीओ तूफान व्हायरल होत आहे. साैरभ सोनवणे याचे नाव विलास घुले प्रकरणात येत आहे. मात्र, बजरंग सोनवणे यांनी सर्व आरोप खोडून काढले.