Solapur: सोलापुरात ट्रक चालकाचे हातपाय बांधून शेतात फेकला अन् स्टीलने भरलेला ट्रक पळविला

सोलापूर- सोलापूर जिल्ह्यातील आष्टी (Ashti) येथे धक्कादायक घटना उघडकीस आली आहे. जालन्याहून सांगलीकडे 13 टन स्टील घेऊन जाणाऱ्या मालवाहतूक ट्रक रस्त्यात अडवत ट्रक (Truck) पळवून नेल्याची घटना समोर आलीय आहे. सोलापूर जिल्ह्यातील आष्टी शिवारात परिसरात ही घटना घडली आहे. मालवाहतूक करणाऱ्या ट्रकला चोरट्यांनी आधी थांबवले . त्यानंतर ट्रक ड्रायव्हरला तलवार व बंदुकीचा धाक दाखवत अज्ञात 6 चोरट्यांनी हा ट्रक लांबवला आहे. यावेळी चोरटयांनी हातपाय बांधून आष्टी शिवरातील उसाच्या फडात फेकून दिल्याचे समोर आले आहे. याप्रकरणी मोहळ पोलिसात (Mohal Police )गुन्हा दाखल करण्यात आला आहे.

अशी घडली घटना

घटनेच्या वेळी ट्रक ड्रायव्हर स्टीलने भरलेला ट्रक घेऊन आष्टी परिसरातून निघाला होता. त्याच दरम्यान अज्ञात सहाजणांच्या टोळीने त्यांचा ट्रक थांबवला. त्यानंतर चोरट्यांनी ड्रायव्हर प्रवीण सरगरला मारहाण केली. त्याला चाकू व तलवारीचा या धाक दाखवत त्याचे हातपाय बांधून त्याला नजीकच्या ऊसाच्या शेतात टाकून दिले. त्यानंतर स्टीलने भरलेला ट्रक घेऊन पोबारा केला आहे. चोरट्यांनी यातून एकूण 13 लाख 61 हजार 500 रुपयांचा ऐवज लंपास केला आहे.. याबाबत अज्ञात 6 जणांविरुद्ध मोहोळ पोलीस ठाण्यात गुन्हा दाखल करण्यात आला आहे . या चोरट्यांच्या मागावर सोलापूर ग्रामीण पोलिसांची तीन पथक असल्याची माहिती मोहोळ पोलिसांनी दिलीय.