अकोला हादरलं, ज्याच्यावर जबाबदारी त्यानंच केला विश्वासघात, दहा चिमुकल्यांसोबत भयानक कांड

राज्यात विनयभंग, बलात्कार या सारख्या गुन्हेगारी घटना सुरूच आहेत. यामुळे पुन्हा एकदा महिलांच्या सुरक्षेचा प्रश्न ऐरणीवर आला आहे. अशीच एक अकोल्यामधून धक्कादायक घटना समोर आली आहे. अकोल्यातील एका शाळेमध्ये एक नाही, दोन नाही तर तब्बल दहा चिमुकल्यांचा विनयभंग झाल्याची खळबळजनक घटना समोर आली आहे. अकोला शहरातल्या कौलखेड भागातल्या एका शाळेत एका कर्मचाऱ्याने तब्बल दहा चिमुकल्यांचा विनयभंग केल्याचं समोर आलं आहे. या प्रकरणात आरोपीवर गुन्हा दाखल करण्यात आला आहे.

घटनेबाबत अधिक माहिती अशी की,  अकोला शहरातल्या कौलखेड भागातल्या एका शाळेत एका कर्मचाऱ्याने तब्बल दहा चिमुकल्यांचा विनयभंग केल्याचं समोर आलं आहे. हेमंत विठ्ठल चांदेकर असं या प्रकरणातील आरोपीचं नाव आहे. घटना समोर आल्यानंतर याप्रकरणी जिल्हा व महिला बालविकास अधिकारी कार्यालयांतर्गत येणाऱ्या चाइल्ड हेल्पलाइनच्या महिला समन्वयक हर्षाली गजभिये यांच्या तक्रारीवरून आरोपीविरोधात गुन्हा दाखल करण्यात आला आहे, या प्रकरणात घटनेबाबत अधिक तपास सुरू सुरू असल्याची माहिती पोलिसांकडून देण्यात आली आहे.

शाळेतील काही महिला शिक्षिका प्रशिक्षणासाठी 5 मार्चपासून बाहेरगावी गेल्या होत्या. त्यामुळे शाळा सांभाळण्याची जबाबदारी हेमंत चांदेकर याच्यावर सोपवण्यात आली होती. आरोपीने संधीचा गौरफायदा घेऊन, इयत्ता चौथी आणि इयत्ता सातवीत शिक्षण घेत असलेल्या दहा विद्यार्थिनीसोबत शारिरीक लगट करत त्यांचा विनयभंग केला. या प्रकरणानं खळबळ उडाली आहे.

शाळेतील शिक्षिका प्रशिक्षण आटोपून आल्यानंतर सदर विद्यार्थिनींकडून त्यांच्यासोबत घडलेला प्रकार त्यांना सांगण्यात आला. त्यानंतर शिक्षकांनी घडलेल्या घटनेची माहिती शाळेच्या संचालकांना दिली. त्यानंतर संचालकांनी तातडीनं या प्रकरणाची तक्रार चाईल्ड हेल्पलाइनला केली . या प्रकरणी आरोपी हेमंत चांदेकर याला पोलिसांनी अटक केली आहे.. सध्या आरोपी चांदेकरची रवानगी न्यायालयीन कोठडीत करण्यात आली आहे.

प्रकरणानं खळबळ

एक नाही दोन नाही तर आरोपीने तब्बल दहा मुलींचा विनयभंग केला आहे. या घटनेनं अकोला हादरलं आहे. खळबळ उडाली आहे.