वसईत 108 वर्षाच्या आजीचा मोठ्या थाटामाटात वाढदिवस, अनोख्या बॅनरमुळं सगळीकडं चर्चा
रोजमेरी आजी ह्या 108 वर्षाच्या झाल्या असून, आजही त्यांचा वाढदिवस कुटुंबाकडून साजरा केला जात आहे. आजीला, आईला निरोगी आयुष्य लाभावे अशी प्रार्थना कुटुंबाकडून केली जात आहे.
पालघर : वसईत 108 वर्षाच्या आजीचा मोठ्या थाटामाटात वाढदिवस (grandma birthday viral) साजरा केला. वाढदिवसाला घरची सगळी मंडळी उपस्थित होती. वाढदिवसाच्या कुटुंबियांकडून लावलेल्या बॅनरमुळं (vasai viral banner) वाढदिवसाची अधिक चर्चा झाली. वसईच्या खरभाट,संडोर पेरिश मधील रोजमेरी (Rojmerry) या आजीचा 108 वा वाढदिवस तिच्या सर्व कुटुंबाने साजरा केला आहे. आजच्या समाजव्यवस्थेत आपली मुलं, पत्नी एवढेच विश्व घेऊन जगणाऱ्या कुटुंबासमोर वसईतील 108 वर्षांचा आजीचा वाढदिवस हा एक आदर्श असणार आहे एवढं मात्र निश्चित, विशेष म्हणजे वसईत सगळीकडे वाढदिवसाची चर्चा आहे.
झालेल्या आजीच्या वाढदिवसाला मुलं, मुली, लेकी, नातवंड, जावई, परतुंड अशा सर्वांनी आजीचे बॅनर लावून आपल्या घरात केक कापून हा वाढदिवस साजरा केला आहे. रोजमेरी टॉमस परेरा असे या आजीचे नाव असून, 8 मार्च 1915 रोजी या आजीचा वसईच्या माधोडी गावात जन्म झाला होता. 17 व्या वर्षी आजीचे लग्न झाले होते. लग्नानंतर आजीला 7 वर्षे मुलं झाली नव्हती. त्यानंतर मात्र तिला सलग 8 मुलं झाली. यात 2 जुळ्या मुलींचा जन्म झाला असल्याची माहिती रुबी मच्याडो यांनी दिली आहे.
Vasai 108 year old grand mother birthday banner 01
रोजमेरी आजी ह्या 108 वर्षाच्या झाल्या असून, आजही त्यांचा वाढदिवस कुटुंबाकडून साजरा केला जात आहे. आजीला, आईला निरोगी आयुष्य लाभावे अशी प्रार्थना कुटुंबाकडून केली जात आहे.
Vasai 108 year old grand mother birthday photo 02
पालघरमध्ये एका शिक्षकाने मागच्या चार दिवसांपुर्वी आपल्या दोन वर्षाच्या मुलाच्या वाढदिवसाला दोन लाख ६५ हजार रुपयांचा केक आणला होता. मुलाला वेरणा कार आवडत असल्यामुळे वेरणा कारची प्रतिकृती केकच्या माध्यमातून उभारण्यात आली होती. त्या वाढदिवसाचे फोटो सुध्दा सोशल मीडियावर अधिक व्हायरल झाले होते. त्याचबरोबर त्या वाढदिवसाला सुध्दा अनेक मान्यवर उपस्थित होते.
