Alcohol And Facts : देशी दारूचा नाद का सुटत नाही, संसार उद्ध्वस्त होतो तरी एक पेग का लगतो?
गरीब, शिक्षण नसलेल्या तसेच कष्टकरी वर्गामध्ये गावठी, हलक्या दर्जाची दारू पिण्याचे प्रमाण खूपच जास्त आहे. गावठी आणि हलकी दर्जाची दारू अगदी स्वस्त असते. 50 ते 100 रुपयांमध्ये दारू मिळत असल्याने लोक अशा प्रकारच्या नशेकडे लवकर आकर्षित होतात.
Alcohol Drinking Habbits : मद्यप्राशन हे आरोग्यास हानिकारक आहे. पण तरीदेखील रोज कोट्यवधी लोक थाटात दारू पितात. दारुचे व्यसन जडल्याने अनेकांचे संसार उद्ध्वस्त झालेले आहेत. परंतु तरीदेखील मद्यपान करणाऱ्यांची संख्या काही कमी होत नाही. उलट आजकाल वेगवेगळ्या प्रकारचे मद्य पिणाऱ्यांचे प्रमाण प्रचंड वाढले आहे. महिलांमध्येही दारू पिण्याचे प्रमाण वाढले आहे. आजकाल लोक महागडी दारू पितात. परंतु काही लोक तर अगदी स्वस्त आणि निकृष्ट दर्जाच्या मद्याच्याही आहारी जातात. परिमाणी त्यांच्या आरोग्यावर गंभीर परिणाम होतो. म्हणूनच निकृष्ट आणि स्वस्त दारुचा एकदा नाद लागला की तो का सुटत नाही. शरीरासोबत नेमकं काय घडतं? ते जाणून घेऊ या..
देशी आणि गावठी दारू प्यायल्याने काय होते?
खरं म्हणजे कोणतेही मद्य पिणे हे आरोग्यासाठी हानिकारकच असते. अति मद्यपानामुळे यकृतावर परिणाम होतो. त्यानंतर भविष्यात यकृत निकामी होऊन त्यामुळे मृत्यू होण्याचीही शक्यता असते. पण तरीदेखील लोक रोज दारू पितात. गरीब, शिक्षण नसलेल्या तसेच कष्टकरी वर्गामध्ये गावठी, हलक्या दर्जाची दारू पिण्याचे प्रमाण खूपच जास्त आहे. गावठी आणि हलकी दर्जाची दारू अगदी स्वस्त असते. 50 ते 100 रुपयांमध्ये दारू मिळत असल्याने लोक अशा प्रकारच्या नशेकडे लवकर आकर्षित होतात. एकदा डोकं झिंगल्यामुळे तसेच दारुची नशा चढल्याने दिवसभराचा थकवा जाणवत नाही. वेगवेगळ्या ताणतणावापासून मुक्तता मिळाल्याचा भास त्या काळात होतो. म्हणूनच लोक अशा प्रकारची स्वस्त दारु पितात.
कितीही प्रयत्न केला तरी गावठी दारुचा नाद का सुटत नाही?
गावठी, स्वस्त आणि निकृष्ट दर्जाची दारु पिणारे हे कष्टकरी, गरीब लोक असतात. ताणतणावात असल्याने, आर्थिक तंगी असल्याने रागात, चीडून अशी दारू पिली जाते. त्यामुळे या दारुचे व्यसन वाढतच जाते. मित्रांची संगत, आजूबाजूचे वातावरण यामुळेही मद्यपानाची सवय मोडत नाही. गावठी दारुमध्ये अल्कोहोलचे प्रमाण जास्त असते. त्यामुळे अशी दारू मज्जासंस्थेवर लवकर परिणाम करते. परिणामी आणखी दारु हवी असा संदेश शरीराला सतत मिळत राहतो. यातूनच नंतर दारुचे व्यसन वाढत जाते.
