धक्कादायक! 15- 20 लोकं CJP प्रवक्ता सौरव दास यांच्या घरात घुसले अन् थेट.., दिल्लीतून मोठी बातमी

नीट परीक्षा पेपरफुटी प्रकरणात शिक्षण मंत्री धर्मेंद्र प्रधान यांनी राजीनामा द्यावा यासाठी कॉकरोच जनता पार्टीकडून दिल्लीच्या जंतर मंतरवर मोठं आंदोलन उभारण्यात आलं होतं. आंदोलकांनी संसदेवर देखील मोर्चा काढला. या मोर्चाला हिंसक वळण लागल्याचं पहायला मिळालं. आंदोलक आणि पोलीस आमने-सामने आले, पोलिसांनी आंदोलकांना पांगवण्यासाठी आश्रुधुराच्या नळकांड्या फोडल्या तसेच आंदोलकांवर लाठीचार्ज देखील केला. या लाठीचार्जमध्ये काही आंदोलक जखमी झाले होते. दरम्यान त्यानंतर आंदोलकांनी देखील पोलिसांवर दगडफेक केल्याचा आरोप आहे. या मोर्चानंतर अखेर धर्मेंद्र प्रधान यांनी आपल्या पदाचा राजीनामा दिला. दरम्यान त्यानंतर आता एक मोठी बातमी समोर आली आहे, ती म्हणजे कॉकरोच जनता पार्टीचे प्रवक्ते सौरव दास यांनी गंभीर आरोप केला आहे.

काय आहे आरोप?

बुधवारी सकाळी 15-20 लोक आपल्या घरात घुसले, असा आरोप सीजेपीचे प्रवक्ता सौरव दास यांनी केला आहे. हा माझ्या आणि माझ्या कुटुंबाच्या सुरक्षेसाठी हा मोठा धोका असल्याचं देखील सौरव दास यांनी म्हटलं आहे, त्यांनी या संदर्भात माहिती देणारा एक संदेश देखील दिल्ली पोलिसांना पाठवला आहे. सौरव दास यांच्याकडून आपल्या आरोपांच्या समर्थनार्थ काही व्हिडीओ देखील शेअर करण्यात आले आहेत. त्यानंतर त्यांनी ट्विटरवर देखील एक पोस्ट शेअर केली आहे. ज्यामध्ये त्यांनी म्हटलं आहे की, काही यूट्यूबर्स आणि मीडिया चॅनलच्या कर्मचाऱ्यांनी माझ्या घरात घुसण्याचा प्रयत्न केला आहे.

माझ्या आणि माझ्या कुटुंबासाठी धोका

सैरव दास यांनी असा आरोप केला आहे की, हे फक्त माझ्या प्रायव्हसीचं उल्लंघन नाहीये तर हा माझ्या आणि माझ्या कुटुंबाच्या सुरक्षेचा देखील विषय आहे. जर माझ्या घरावर किंवा माझ्यावर कोणी हल्ला केला तर त्याला हेच आणि असे काही लोकच जबाबदार असतील. त्यांनी ट्विटरवर शेअर केलेल्या या पोस्टसोबत एक व्हिडीओ देखील शेअर केला आहे, तसेच त्यांनी आपलं ट्विट दिल्ली पोलिसांना देखील टॅग केलं आहे. या व्हिडीओ मध्ये दिसून येत आहे की, काही यूट्यूबर्स हे सैरव दास यांच्या घरी पोहोचले आहेत, आणि त्यांनी समोरचा दरवाजा उघडून सैरव दास यांच्या घराचं रिपोर्टिंग करण्याचा प्रयत्न केला आहे.