Gujarat Municipal Election Result : गुजरात महापालिका निवडणुकीत ‘आप’ची दमदार एन्ट्री, 26 फेब्रुवारीला केजरीवालांचा रोड शो
काँग्रेसला जोरदार झटका देत सूरत महापालिकेत आम आदमी पक्ष प्रमुख विरोधी पक्षाच्या रुपाने आकाराला आलाय. सूरतमधील पक्षाच्या प्रदर्शनावर दिल्लीचे मुख्यमंत्री अरविंद केजरीवाल यांनी आनंद व्यक्त केलाय.
नवी दिल्ली : गुजरात महापालिका निवडणुकीत आम आदमी पक्षानं दमदार एन्ट्री केली आहे. आपने पहिल्यांदाच गुजरातमधील महापालिका निवडणूक लढवली आहे. अशावेळी काँग्रेसला जोरदार झटका देत सूरत महापालिकेत आम आदमी पक्ष प्रमुख विरोधी पक्षाच्या रुपाने आकाराला आलाय. सूरतमधील पक्षाच्या प्रदर्शनावर दिल्लीचे मुख्यमंत्री अरविंद केजरीवाल यांनी आनंद व्यक्त केलाय. त्याचबरोबर केजरीवाल 26 फेब्रुवारीला सूरतमध्ये रोड शो करतील आणि गुजरातच्या जनतेचे आभार व्यक्त करतील, असंही सांगण्यात आलं आहे.(Aam Aadmi Party is the No. 2 party in Surat Municipal Corporation elections)
काँग्रेसचा भोपळाही फुटला नाही!
सूरत महापालिका निवडणुकीत अपेक्षेप्रमाणे भाजप सर्वात मोठा पक्ष ठरला आहे. भाजपने एकूण 93 जागांवर विजय मिळवला आहे. तर काँग्रेसला मागे टाकत आम आदमी पार्टीने 27 जागांवर विजय संपादन केला आहे. महत्वाची बाब म्हणजे काँग्रेसला सूरतमध्ये भोपळाही फोडता आलेला नाही. गुजरातमधील राजकारणाची ही नवी सुरुवात असल्याचं आपचे सर्वेसर्वा अरविंद केजरीवाल यांनी म्हटलंय.
नई राजनीति की शुरुआत करने के लिए गुजरात के लोगों को दिल से बधाई।
— Arvind Kejriwal (@ArvindKejriwal) February 23, 2021
सिसोदियांकडूनही मतदारांचे आभार
दिल्लीचे उपमुख्यमंत्री मनीष सिसोदिया यांनीही गुजरातच्या जनतेचे आभार मानले आहेत. ‘गुजरात महापालिका निवडणुकीत ज्या प्रमाणे मतदारांना प्रेम आणि समर्थन दिलं आहे, त्या बद्दल प्रत्येक मतदारांचे मन:पूर्वक आभार. सर्व साथिदारांना शुभेच्छा. आपण सर्व मिळून कामाचं राजकारण करु’, असं ट्वीट सिसोदिया यांनी केलं आहे.
गुजरात निगम चुनाव में जिस तरह का प्यार और समर्थन गुजरात के लोगों ने दिया है उसके लिए तहे दिल से हरेक वोटर को बहुत बहुत धन्यवाद और सभी साथियों को बधाई। हम साथ मिलकर काम की राजनीति करेंगे।
— Manish Sisodia (@msisodia) February 23, 2021
पाटीदार समाजाचा ‘आप’ला पाठिंबा
सूरत हा पाटीदार समाजाचा गड मानला जातो. गेल्या 25-30 वर्षात पाटीदार समाज हा भाजपच्या पाठीशी उभा राहिला आहे. मात्र या निवडणुकीत पाटीदार समाजातील मतदारांनीच आम आदमी पक्षाच्या विजयात महत्वाची भूमिका बजावली आहे. आम आदमी पार्टीचे गुजरात प्रमुख गोपाळ इटालिया हे सूरतमधील पाटीदार समाजातूनच येतात. त्याचा परिणामही या निवडणुकीत पाहायला मिळाला.
संबंधित बातम्या :
Gujarat Municipal Election Result : सूरतमध्ये काँग्रेसचा धुव्वा, AAP 2 नंबरचा पक्ष ठरण्याची शक्यता
Gujrat Municipal Election Result : गुजरातच्या सर्व 6 महापालिकेत भाजपला स्पष्ट बहुमत
Aam Aadmi Party is the No. 2 party in Surat Municipal Corporation elections
