अभिजीत दिपके यांचे थेट पंतप्रधान मोदी यांना मोठे चॅलेंज, म्हटले, अगोदर तुमची डिग्री..

अभिजीत दिपके यांच्या कॉकरोच जनता पार्टीने मोठा धमाका केला. अमेरिकेत अभिजीत दिपके शिक्षण घेत असताना नीट पेपरफुटीच्या मुद्द्यात ते भारतात दाखल झाले आणि त्यांनी मोठे आंदोलन उभारले. फक्त आंदोलनच नाही तर त्यांच्या आंदोलनात जेंनझी रस्त्यावर उतरले. त्यानंतर अभिजीत दिपके यांच्यावर गंभीर आरोप झाले. सतत अभिजीत दिपकेंच्या आंदोलनाला विदेशातून पैसा पुरवण्यात आल्याचाही आरोप करण्यात येतोय. हेच नाही तर अभिजीत दिपके याच्या कुटुंबाची आर्थिक स्थिती तपासण्याचीही मागणी करण्यात आली. यावर अभिजीत दिपकेंनी स्पष्ट केले की, आपल्या विदेशातील शिक्षणावर खर्च नक्की कोणी केला. यादरम्यानच आज अभिजीत दिपके यांनी अनेक विषयांवर भाष्य केले. थेट देशाचे पंतप्रधान नरेंद्र मोदी यांनाच मोठे चॅलेंज दिले.

मी माझे स्कॉलरशिपचे लेटर आणि डिग्रीचे लेटर दाखवायला तयार आहे. पण माझे म्हणणे आहे की, पंतप्रधानांनीही त्यांची डिग्री दाखवायला हवी आणि ती सार्वजनिक करायला हवी. त्यांनी त्यांची डिग्री सार्वजनिक केली तर मीही माझे स्कॉलरशिपचे लेटर आणि शिक्षणाची डिग्री सार्वजनिक करायला तयार आहे. त्यांना माझ्या घरापर्यंत येऊन द्या आणि त्यांना जी चाैकशी करायची आहे ती करू द्या.

जेव्हा जेव्हा या देशात सरकारविरोधात बोलले जाते, त्यावेळी अशा गोष्टी होतात. जेव्हा जेव्हा या सरकारविरोधात लोकांनी आवाज उठवला, प्रश्न विचारले हे लोक तेच करतात ईडी, सीबीआय पाठवतात. तुमची ईडी पाठवा, सीबीआय पाठवा. पण मी जसे म्हटले की, मी माझ्या शैक्षणिक कर्जाचे लेटर दाखवण्यास तयार आहे, माझे स्कॉलरशिपचे लेटर दाखवायला तयार आहे.

पंतप्रधान नरेंद्र मोदी जर ईडीला पाठवत असतील तर त्यांनी ईडीसोबत त्यांची डिग्री पाठवावी. आता अभिजीत दिपके यांनी थेट एकप्रकारे पंतप्रधान नरेंद्र मोदी यांनाच चॅलेंज दिल्याचे बघायला मिळतंय. आता अभिजीत दिपके आणि पंतप्रधान नरेंद्र मोदी यांच्या डिग्रीवरून नवा वाद निर्माण झाला. थेट पंतप्रधान नरेंद्र मोदी यांच्याबद्दल अभिजीत दिपकेंकडून वारंवार बोलले जात आहे.