Abhijit Dipke: अभिजित दीपके गद्दार आणि दलितविरोधी… बड्या नेत्याच्या विधानाने खळबळ
Abhijit Dipke: गेल्या काही दिवसांपासून कॉकरोच जनता पार्टीचे संस्थापक अभिजीत दीपके हे चांगलेच चर्चेत आहेत. आता दीपकेंवर एका बड्या नेत्याने आरोप केले आहेत.
नीट पेपरफुटी प्रकरणी जंतरमंतर येथे आंदोलन केल्यानंतर कॉकरोच जनता पार्टीचा संस्थापक अभिजीत दीपके संपूर्ण देशात चर्चेत आहेत. त्यांनी या आंदोलनानंतर देशातील अनेक शाळांची दुरावस्था समोर आणली आणि त्यावर काम करण्यास सुरुवात केली. दरम्यान, एका नेत्याने अभिजीत दीपके यांच्यावर मोठा आरोप केला आहे. त्यांनी अभिजीत दीपके गद्दार असल्याचे आणि दलितविरोधी असल्याचा आरोप केला आहे.
आरपीआय खरात गटाचे अध्यक्ष सचिन खरात यांनी अभिजीत दीपके यांच्यावर टीका केली आहे. त्यांनी, “साहिल वाकोडे या दलित विद्यार्थ्याच्या प्रकरणात अभिजित दीपके मूग गिळून शांत बसले. त्यांनी आंदोलन अथवा मोर्चा का काढला नाही? अभिजित दीपके हे खाल्लेल्या मिठाला जागले नाहीत, ते गद्दार आहेत. दलित विद्यार्थ्यांना पाणी दिले जात नाही, परभणीत संविधानाच्या प्रतिकृती मोडतोड केली तेव्हा अभिजीत दिपके कोणत्या वेळात लपून बसले होते. एक दलित मुलगा मरतो आणि अभिजीत दिपकेंना ज्ञानेश कुमार प्रकरण महत्त्वाचे वाटते” असे म्हटले आहे.
वाचा: तुकाराम मुंढेंच्या नोटिशीनंतर राष्ट्रपती स्पष्टच बोलल्या, थेट सेलिब्रिटींना…
“दिपके पार्टी काढून सत्तेत येणार”
पुढे ते म्हणाले की, अभिजीत दिपके पार्टी काढून सत्तेत येणार आहे का? वाकोडेसाठी दिपके आंदोलन करणार की नाही? दिपके हा केजरीवालचे पिल्लू आहे. उपोषण सोनम वांगचुक यांनी केले म्हणून ते आंदोलन यशस्वी झाले, दिपकेमुळे नाही. बाबासाहेब म्हणाले होते, उपोषण म्हणजे अराजकतेचं राजकारण आहे.
“शरद पवारांच्या पासून जातिवाद सुरू झाला”
शेवटी ते म्हणाले की, वाकोडे प्रकरणात राज ठाकरे म्हणाले या प्रकरणात जात आणू नये. राज ठाकरे म्हणाले 2000 सालापासून शरद पवारांच्या पासून जातिवाद सुरू झाला. पण खरा जातिवाद शिवसेनेपासून सुरू झाला. राज ठाकरे खरे जातीयवादी आहेत. बाळासाहेब ठाकरे नामांतर विरोध, शिवसेना सत्तेत आल्यावर मनोहर जोशींना मुख्यमंत्री केले हा जातीवाद आहे. राज ठाकरेंनी वाकोडे प्रकरणात आंदोलन का केले नाही.
