पेट्रोल आणि गॅस सिलिंडरच्या दरवाढीनंतर अजून एक मोठा दणका, थेट विमानाचेही दर..

इराण आणि अमेरिका युद्धात भारतात मोठा फटका बसत आहे. भारतात अनेक गोष्टींच्या किमती वाढताना दिसत आहे. शिवाय गेल्या काही दिवसांपासून सातत्याने पेट्रोल आणि डिझेलच्या किमतीमध्ये वाढ होत आहे. एलपीजी गॅसच्याही किमतीमध्ये वाढ झाली. पेट्रोल आणि डिझेलच्या किमतीमध्ये वाढ झाल्यानंतर अनेक गोष्टींच्या भावात वाढ झाली. थेट फटका बसत आहे. विमान प्रवासही महागला आहे. सरकारच्या नवीन किंमत स्थिरीकरण योजनेअंतर्गत देशात विमान कंपन्या आता एव्हिएशन टर्बाइन फ्युएलचे (ATF) दर तीन वर्षांपर्यंत निश्चित करू शकतात. सरकारी इंधन कंपन्यांनी जेट इंधनाच्या दरात तब्बल 10 टक्क्यांनी वाढ केली आहे. आता नवीन योजनेनुसार, विमान कंपन्यांना एटीएफसाठी प्रति लिटर 115 रूपये इतकी किंमत मोजवी लागणार आहे. यापूर्वी याचे दर प्रति लिटर 104.927 होते. आता त्यात मोठी वाढ झाली.

या दरवाढीमुळे आता विमान प्रवासही अजून महागणार हे निश्चित आहे. ज्या विमान कंपन्या याबाहेर राहण्याचा निर्णय घेतील, त्या बाजारभावाशी निगडित दरांवरच इंधन खरेदी सुरू ठेऊ शकतात. हे दर सध्या प्रति लिटर सुमारे 142 रुपये इतके आहेत, जे आंतरराष्ट्रीय विमान कंपन्यांना लागू असलेल्या दरांच्या बरोबरीचे आहेत. इराण आणि अमेरिका युद्धादरम्यान अनेक गोष्टींमध्ये भाव वाढ होत आहे.

मिळालेल्या माहितीनुसार, ही योजना पूर्णपणे ऐच्छिक आहे. कोणत्याही विमान कंपन्यांना याकरिता दबाव नाहीये. ज्या विमान कंपन्यांना यात सहभागी व्हायचे त्याच यात सहभागी होऊ शकतात. याबाबत विमान कंपन्या स्वत: जो काही निर्णय आहे, तो घेतील. लॉक-इन कालावधीत आंतरराष्ट्रीय बेंचमार्क किमतींमधील चढ-उतारांपासून संरक्षण मिळेल. ज्या कंपन्या या योजनेत भाग घेणार नाहीत, त्यांना जर इंधनाच्या किमती कमी झाल्या तर फायदा होईल.

जर त्या सहभागी झाल्या नाहीत आणि इंधनाचे दर वाढले तर त्यांना मोठे नुकसान सहन करावे लागणार हे देखील खरे आहे. इराण आणि अमेरिका यांच्यात संघर्ष वाढला आणि जगात इंधनाच्या किमतीमध्ये मोठी वाढ झाली. त्याचा फटका सर्वांनाच बसत आहे. दिल्लीतील देशांतर्गत एटीएफ (ATF) चे दर गेल्या दोन महिन्यांहून अधिक काळापासून प्रति लिटर सुमारे 105 रुपये या पातळीवर स्थिर राहिले आहे. यादरम्यानच हा मोठा निर्णय घेण्यात आला.