ai impact summit 2026 : गलगोटिया विद्यापीठाचा प्रताप, चीन रोबोटसह या देशाच्या निर्मितीवरही केला दावा

GALGOTIAS UNIVERSITY

जी-८ शिखर परिषदेनंतर देशात दुसरी आंतरराष्ट्रीय शिखर परिषद AI इम्पॅक्ट नावाने भरली असताना एक श्रेय लाटण्याचा भयानक प्रकार घडला आहे. गलगोटिया युनिव्हर्सिटीच्या प्रोफेसरनी चीनी ड्रोन आणि रोबोटला स्वत:चा सांगितल्याने जगभरात नाचक्की झाली आहे. सोशल मीडियावर या गलगोटिया युनिव्हर्सिटीला यथेच्छ लाखोली वाहिली जात आहे. यामुळे देशाच्या प्रतिष्ठेलाही मोठा धक्का बसला आहे.

चीनी रोबोटचे श्रेय लाटण्याचा प्रकार केल्यानंतर गलगोटिया युनिव्हर्सिटीने त्यांच्या स्क्रॅपपासून सॉकर ड्रोन तयार केल्याचा दावा केला होता.वास्तविक हा बाजारात स्ट्रायकर V3 ARF म्हणून केवळ ४० हजार रुपयात मिळत असून तो कोरियाने तयार केला आहे.

सोशल मीडियावर यूजर्सने केले ट्रोल

सॉकर ड्रोनला युनिव्हर्सिटीच्या स्टाफने स्वत:चा सांगत एंड-टू-एंड इंजिनिअरिंगचे प्रोडक्ट्स म्हटले होते. व्हायरल होत असलेल्या ऑनलाईन व्हिडीओ गलगोटिया युनिव्हर्सिटीच्या एक कर्मचारी असा दावा करताना दिसत आहे की, आमच्याकडे एण्ड टू एण्ट इंजिनिअरिंगचा पासून ते एप्लीकेशन पर्यंत एक सिमुलेशन लॅबपासून एप्लीकेशन एरिनापर्यंत सोय असून हा कँपस भारताचा पहिला सॉकर एरिना आहे.

येथे पोस्ट पाहा –

सोशल मीडियावर युजर्सने दावा केला की हे ड्रोन एक व्यावसायिक उत्पादन असून ज्यास स्टायकर V3 AR नावाने ओळखले जाते. ज्यास भारतीय बाजारात सुमारे ४० हजार रुपयात विकत घेता येते. हेलसेल स्ट्रायकर V3 वास्तविक एक सॉकर ड्रोन असून ज्याला दक्षिण कोरियाच्या हेलसेल ग्रुपने ड्रोन स्पोर्ट्ससाठी विकसित केले होते.

एक्सपो एरिया रिकामा करण्याचे आदेश

व्हिडीओ व्हायरल झाल्यानंतर बुधवारी गलगोटिया युनिव्हर्सिटीचे प्रतिनिधींनी एक्सपो एरिया रिकामा करण्याचे आदेश दिले आहेत. या व्हिडिओत जो रोबोट होता तो यूनिट्री Go2 असून तो चीनी कंपनी यूनिट्री रोबोटिक्सने तयार केलेले मॉडेल्स आहे. ही मशीन भारतात ऑनलाईन २ लाख ते ३ लाख रुपयांत विकली जाते. समिटमध्ये ज्यावर ओरियनचे लेबल लावले होते. परंतू तरीही युनिव्हर्सिटीच्या स्टाफने मोठ्या कॉन्फिडन्समध्ये यास आपला असल्याचे सांगितले.