मोठी बातमी! भाजपला मोठा धक्का; मित्र पक्षाचे आमदार करणार बंडखोरी, पक्षाध्यक्ष हतबल, राजकारण तापलं

उत्तर प्रदेश राज्यसभा निवडणुकीची जोरदार तयार सुरू आहे. भाजप, काँग्रेस, समाजवादी पार्टी अशा सर्वच पक्षांकडून मतांची जुळवाजुळव सुरू आहे. मात्र आता उत्तर प्रदेशमध्ये भाजपच्या अडचणी वाढण्याची शक्यता आहे. भाजपच्या मित्र पक्षाचे आमदार बंडखोरी करण्याची शक्यता आहे. हे आमदार भाजप उमेदवाराला मतदान न करता समाजीवादी पार्टीच्या उमेदवाराला मतदान करणार आहेत. असा दावा खुद्द पक्ष प्रमुखांकडूनच करण्यात आला आहे. त्यामुळे या निवडणुकीमध्ये भाजपला मोठा झटका बसण्याची शक्यता आहे. सुहेलदेव भारतीय समाज पार्टी सुभासपाचे अध्यक्ष आणि कॅबिनेट मंत्री ओमप्रकाश राजभर यांनी मोठा दावा केला आहे. त्यांनी आपल्या पक्षातील दोन आमदारांबद्दल हा दावा केला आहे.

अब्बास अंसारी आणि जौनपूरच्या जाफराबाद मतदारसंघाचे आमदार जगदीश नारायण राय यांच्याबद्दल ओमप्रकाश राजभर यांनी मोठा दावा केला आहे. अब्बास अंसारी आणि जगदीश नारायण राय हे जरी सुहेलदेव भारतीय समाज पार्टीच्या चिन्हावर निवडून आले असले तरी देखील ते सुरुवातीपासूनच समाजवादी पार्टीसोबत आहेत. ते समाजवादी पक्षाचा झेंडा आणि चिन्ह असलेली टोपी घेऊन फिरत असतात. ते समाजवादी पक्षालाच सपोर्ट करतात. त्यामुळे राज्यसभा निवडणुकीमध्ये देखील ते समाजवादी पक्षालाच मतदान करतील, असा दावा ओमप्रकाश राजभर यांनी केला आहे.

उत्तर प्रदेशमध्ये राज्यसभेच्या एकूण दहा जागांसाठी निवडणूक होत आहे. यामध्ये भाजप आणि समाजवादी पक्ष यांच्यामध्ये चुरस पहायला मिळत आहे. दोन्ही पक्षाचं संख्याबळ पहाता, मित्र पक्षांना सोबत घेऊन भाजप उत्तर प्रदेशमध्ये राज्यसभेच्या सात जागा सहज जिंकेल असं चित्र आहे. तर समाजवादी पक्ष दोन जागांवर विजयी होण्याची शक्यता आहे. मात्र दहाव्या जागेसाठी मोठी चुरस पहायला मिळणार आहे. राज्यसभेच्या दहाव्या जागेवर कोणाचा उमेदवार विजयी होणार, हे पहाणं महत्त्वाचं ठरणार आहे. त्यातच आता सुहेलदेव भारतीय समाज पार्टीचे आमदार बंडखोरी करण्याची शक्यता असल्याने भाजपची डोकेदुखी वाढण्याची शक्यता आहे. मात्र आता मतदानानंतरच हे सर्व चित्र स्पष्ट होणार आहे.