BJP Election Fund : बंगालसह तीन राज्यांच्या विधानसभा निवडणुकीसाठी भाजपला मिळाला प्रचंड पैसा, आकडा वाचून तुमचे डोळे विस्फारतील
BJP Election Fund: 5 राज्यांच्या विधानसभा निवडणुकीत भाजपला देणगी देणाऱ्यांची जणू रांग लागली. या काळात भाजपला प्रचंड पैसा मिळाला. आसाम, तामिळनाडू आणि पुद्दुचेरीमध्ये पक्षाने एकूण 160 कोटी रुपये खर्च केले.
यंदा आसाम, तामिळनाडू आणि पुद्दुचेरी विधानसभा निवडणुकीत पक्षाचा खर्च आणि देणगी यांचा ताळेबंद भाजपने केंद्रीय निवडणूक आयोगाला सादर केला आहे. 5 राज्यांच्या विधानसभा निवडणुकीत भाजपला देणगी देणाऱ्यांची जणू रांग लागली. या काळात भाजपला प्रचंड पैसा मिळाला. प्राप्त आकडेवारीनुसार, पक्षाला 1,472.8 कोटी रुपये मिळाले. पश्चिम बंगाल आणि केरळमधील आकडेवारी पक्षाने आयोगासमोर मांडली. तर आसाम, तामिळनाडू आणि पुद्दुचेरीमध्ये पक्षाने एकूण 160 कोटी रुपये खर्च केले. या आकडेवारीनुसार, निवडणूक संपल्यानंतर पार्टीच्या खात्यातील शिल्लक रक्कम वाढून 7,627.2 कोटी रुपये इतकी झाली. तर 15 मार्च 2026 रोजी ही रक्कम 6,722.6 कोटी रुपये इतकी होती. या कालावधीत पक्षाच्या फंडात जवळपास 904.6 कोटी रुपयांची वाढ झाली.
पक्षाने कुठे खर्च केली रक्कम?
आसाम, तामिळनाडू आणि पुद्दुचेरीमध्ये भाजपच्या केंद्रीय मुख्यालयाशी संबंधित राज्य आणि जिल्ह्यात एकूण 160 कोटी रुपये खर्च केले. यामध्ये आसाममध्ये 96.3 कोटी रुपये, तामिळनाडूमध्ये 51.6 कोटी रुपये तर पुद्दुचेरीमध्ये 11.9 कोटी रुपये खर्च करण्यात आले. यापैकी निवडणूक खर्चासाठी पक्षाने 130.4 कोटी रुपये खर्च केले. तर 29.6 कोटी रुपये उमेदवारांना एकरक्कमी देण्यात आले. इतर कामासाठी रुपये खर्च करण्यात आले. पश्चिम बंगाल, केरळ या राज्यातील निवडणूक खर्चाचा तपशील निवडणूक आयोगाने अद्याप जाहीर केलेला नाही.
आसाममध्ये सर्वाधिक खर्च
भाजपने आसाममधील निवडणुकीवर खर्चावरील आकडेवारीनुसार, पक्षाने प्रचारासाठी 76.7 कोटी रुपये खर्च केले. यामध्ये केंद्रीय संस्थेने 23.1 कोटी रुपये तर उमेदवारांवर 19.5 कोटी रुपये खर्च करण्यात आले. आसाममध्ये स्टार प्रचारकाच्या प्रवासावर 27.3 कोटी रुपये, जाहिरातींवर 37 कोटी, प्रचा साहित्यावर 8.9 कोटी रुपये तर राज्यातील इतर खर्च 2.3 कोटींच्या घरात पोहचला. उमेदवारांना एकूण 19.4 कोटी रुपये देण्यात आले. तर उमेदवारांची गुन्हेगारी पार्श्वभूमी प्रकाशित करण्यासाठी 16.7 लाख रुपये खर्च करण्यात आले.
तामिळनाडू राज्यात 51.6 कोटी रुपये खर्च
तामिळनाडू राज्यात BJP ने एकूण 51.6 कोटी रुपये खर्च केले. निवडणूक प्रचारासाठी 44.5 कोटी रुपये खर्च करण्यात आले. तर उमेदवारांसाठी जवळपास 7 कोटी रूपये खर्च करण्यात आला. पुद्दुचेरीमध्ये भाजपचा एकूण निवडणूक खर्च 11.9 कोटी रुपये इतका होता. तर काँग्रेसने या विधानसभा निवडणुकीत एकूण 248.6 कोटी रुपये खर्चाची माहिती दिली आहे.
