मुस्लीम महिलांवर घरात घुसून बलात्कार करा, भाजप नेत्याचे हिंदूंना चिथावणीखोर आवाहन
उत्तर प्रदेशमधील भाजपच्या महिला मोर्चाच्या नेत्या सुनिता सिंह गौड यांनी हिंदूंनी मुस्लीम महिलांवर बलात्कार करावे, असे बेताल वक्तव्य केले आहे.
नवी दिल्ली: उत्तर प्रदेशमधील भाजपच्या महिला मोर्चाच्या नेत्या सुनिता सिंह गौड यांनी हिंदूंनी मुस्लीम महिलांवर बलात्कार करावे, असे बेताल वक्तव्य केले आहे. रामकोला येथील या भाजप पदाधिकाऱ्याने हे विधान केल्यानंतर देशभरात याचे पडसाद उमटत आहेत.
गौड यांनी फेसबुकवरील एका पोस्टवर कमेंट करत लिहिले होते, “यावर एकच उपाय आहे. 10 हिंदू भावांनी एकत्रितपणे मुस्लीमांच्या बहिण आणि आईवर सार्वजनिकपणे रस्त्यावर बलात्कार करावा. त्यानंतर त्यांना कापून बाजाराच्या मधोमध खांबाला लटकवा. दगडाचे उत्तर दगडानेच द्यावे लागेल.”
@BJP4India‘s Ramkola MahilaMorcha Prez #SunitaGowd calls upon #Hindu brothers & exhorts them to form a group of 10-20 other Hindu brothers & barge into every #Muslim home to rape their mothers & sisters. #Shame on all those who are misusing power to promote this vulgar ideology. pic.twitter.com/kWnP43orFJ
— Deepal.Trivedi (@DeepalTrevedie) June 28, 2019
पत्रकार दिपाली त्रिवेदी यांनी यावर आक्षेप घेत अशा प्रकारच्या द्वेषपूर्ण प्रतिक्रियेचा निषेध केला. तसेच अशा विकृत विचारधारेचा प्रसार करण्यासाठी सत्तेचा उपयोग होत असल्याचाही आरोप केला. यावर बॉलिवुड अभिनेत्री स्वरा भास्करने देखील तीव्र प्रतिक्रिया दिली. स्वरा म्हणाली, “ही बातमी खरी वाटते. कारण संबंधित महिलेने फेसबुकवर आपली सेटिंग बदलली आहे. त्यामुळे ही प्रतिक्रिया सार्वजनिकपणे पाहता येत नाही. ही महिला स्वतःला भाजपच्या महिला मोर्चाचा अध्यक्ष म्हणवत आहे, मात्र, महिलांवरच सामुहिक बलात्काराची भाषा करत आहे.” स्वराने आपल्या ट्विटमध्ये फेसबुकलाही टॅग करत संबंधित महिला सार्वजनिकपणे बलात्कारासाठी चिथावणी देत असल्याचे लक्षात आणून दिले.
This seems true. This woman has changed the settings so that this post is not visible publicly. She claims to be President of @BJP4India Mahila Morcha but is advocating the gang rape of women!!!! @facebook @FacebookWatch this handle is openly calling out for rape! Pls take note. https://t.co/Tre6f9CQJE
— Swara Bhasker (@ReallySwara) June 28, 2019
स्वराच्या या ट्विटवर भाजप महिला मोर्चाच्या राष्ट्रीय अध्यक्ष विजया रहाटकर यांनी उत्तर देताना संबंधित महिला भाजप महिला मोर्चाची अध्यक्ष नसल्याचा युक्तीवाद केला. तसेच स्वरा भास्करवरच अफवा पसवत असल्याचा आरोप केला. त्या म्हणाल्या, “ती महिला भाजप महिला मोर्चाची अध्यक्ष आहे हा फक्त तुमचा दावा आहे. त्या पदावर सध्या मी आहे. भाजपवर किंवा भाजप महिला मोर्चाच्या अध्यक्ष पदावर टीका करण्याआधी तथ्य तपासून घ्या. यामुळे अफवा पसरवण्याच्या तुमच्या सवयीला आळा बसेल, अशी आशा आहे.”
That she is President of BJP Mahila Morcha is only a ‘claim’ because that position is held by me. Please get your facts before you attack @BJP4India or the respectable position of the @BJPMahilaMorcha President. Hoping this puts a stop to your habitual rumour mongering! https://t.co/YbJOMGUs4w
— Vijaya Rahatkar (@VijayaRahatkar) June 29, 2019
पत्रकार त्रिवेदी यांच्या ट्विटला उत्तर देताना रहाटकर यांनी त्या पदाधिकाऱ्याला निलंबित केल्याचे सांगितले. रहाटकर म्हणाल्या, “अशी कोणतीही घृणास्पद प्रतिक्रिया सहन केली जाणार नाही. सुनिता सिंह गौड यांना निलंबित करण्यात आले आहे.” रहाटकर यांनी आपल्या ट्विटसोबत त्यासंबंधित पत्राचाही फोटो टाकला. याप्रमाणे गौड यांना 27 जूनला पदावरुन हटवण्यात आले.
Be assured, BJP Mahila Morcha will not tolerate any hateful comments whatsoever from any karyakarta. The lady in question has been expelled even before you tweeted. pic.twitter.com/r4xIx6AHGG
— Vijaya Rahatkar (@VijayaRahatkar) June 29, 2019
भाजप नेत्या सुनिता सिंह गौड यांनी मुस्लीम महिलांवर लैंगिक अत्याचार करण्यासाठी सोशल मीडियावर भडकावल्यानंतर सर्वच स्तरातून याचा निषेध होत आहे. याचे पडसाद अगदी महाराष्ट्राच्या विधानसभेतही उमटले आहेत. गौड यांची ही प्रतिक्रिया फेसबुकवरुन हटवण्यात आली आहे. मात्र, या प्रतिक्रियेचे स्क्रिनशॉट सर्वत्र व्हायरल होत आहेत.
