CJP Delhi Protest : ‘कॉकरोच’ पुन्हा दिल्लीत धडकणार, 5 सप्टेंबरला…सीजेपीची मोठी घोषणा; नवं आंदोलन पेटणार?
कॉक्रोच जनता पार्टीने पुन्हा एकदा दिल्लीत आंदोलन करण्याची घोषणा केली आहे. त्यामुळे आता नव्या मोर्चा मागे कॉक्रोज जनता पार्टीची भूमिका नेमकी काय याकडे लक्ष लागले आहे.
कॉक्रोच जनता पार्टीने जंतर मंतरवर आंदोनल केल्यानंतर आता पुन्हा एकदा दिल्लीला मोर्चा काढण्याची घोषणा केली आहे. येत्या इंडिया गेट ते नवी दिल्ली पोलीस मुख्यालय असा मार्च काढण्यात येणार आहे. 5 सप्टेंबर रोजी हा मोर्चा काढण्याची घोषणा केली आहे. 25 जुलै रोजी झालेल्या जंतरमंतर रोजी आंदोलनानंतरची आश्वासन सरकारने पाळली नसल्याचा दावा सीजेपीने केला आहे.
CJP ने येत्या ५ सप्टेंबर रोजी दिल्लीत शांततापूर्ण मोर्चा काढण्याची घोषणा केली आहे. आम्हाला दिल्लीतील निदर्शनानंतर २५ जुलैला सरकारने दिलेली आश्वासने पाळली नसल्याचा CJP चा आरोप केला आहे. इंडिया गेटपासून नवी दिल्ली पोलीस मुख्यालयापर्यंत हा मोर्चा काढण्यात येणार आहे. NEET पीडितांच्या कुटुंबीयांसह पोलीस अत्याचाराचे पीडित देखील या मोर्चाचे नेतृत्व करणार आहे.
१८ ऑगस्टला सर्वोच्च न्यायालयाने FIR ची यादी मागूनही सरकारने स्पष्ट आश्वासन दिले नसल्याचा दावा सीजेपीने केला आहे. सरकारने शब्द पाळावा, अशी मागणी सीजेपीने केली आहे. शहरातील तरुणांनी येत्या ५ सप्टेंबरला मोठ्या संख्येने सहभागी होण्याचे आवाहनही सीजेपीने केले आहे.
शिक्षणमंत्री धर्मेंद्र प्रधान यांचा राजीनामा
सीजेपीच्या वतीने आधी सोनम वांगचुक यांनी दिल्लीत आमरण उपोषण सुरु केले होते, त्याकडे २२ दिवस सरकारने लक्ष दिले नाही. त्यानंतर २२ व्या दिवशी सकाळी पोलिसांनी वांगचुक यांना जबरदस्तीने सफदर जंग रुग्णालयात भरती केले. त्यामुळे विद्यार्थ्यांचे आंदोलन अधिकच चिघळले. विद्यार्थ्यांनी चलो संसद असा नारा देत २० जुलै रोजी आंदोलन केले. त्यानंतर २५ जुलै रोजी केंद्रिय शिक्षणमंत्री धर्मेंद्र प्रधान यांनी राजीनामा दिल्यानंतर हे आंदोलन समाप्त करण्यात आले होते.
