Corona Cases India : कोरोना रुग्णसंख्येत वाढ सुरुच, 2 लाख 64 हजार रुग्णांची नोंद, 315 मृत्यूंची नोंद
केंद्रीय आरोग्य मंत्रालयानं (Health Ministry) जाहीर केलेल्या आकडेवारीनुसार देशात गेल्या 24 तासांमध्ये 2 लाख 64 हजार 202 कोरोना रुग्ण आढळले आहेत.
नवी दिल्ली: देशात कोरोना विषाणू (Corona) संसर्गाचं संकट वाढताना दिसत आहे. गेल्या चोवीस तासात कोरोनाच्या रुग्णांमध्ये वाढ झाल्याचं दिसून आलं आहे. केंद्रीय आरोग्य मंत्रालयानं (Health Ministry) जाहीर केलेल्या आकडेवारीनुसार देशात गेल्या 24 तासात 2 लाख 64 हजार 202 कोरोना रुग्णांची नोंद झालीय. ओमिक्रॉन (Omicron) बाधितांची संख्या देखील वाढली असून 5 हजार 750 वर पोहोचली आहे. देशात 12 लाख 72 हजार 23 सक्रिय रुग्ण आहेत. तर, 1 लाख 9 हजार जण कोरोनामुक्त झाले असून देशाचा कोरोना पॉझिटीव्हीटी रेट 14.78 वर गेला आहे. राज्यात गुरुवारी दिवसभरात 46 हजार 406 नवे रुग्ण आढळून आले आहेत. तर, 36 जणांचा मृत्यू झाला आहे. काल राज्यात एकाही ओमिक्रॉन रुग्णांची नोंद झालेली नाही ही दिलासादायक बाब आहे.
India reports 2,64,202 fresh COVID cases (6.7% higher than yesterday) and 1,09,345 recoveries in the last 24 hours
Active case: 12,72,073 Daily positivity rate: 14.78%
Confirmed cases of Omicron: 5,753 pic.twitter.com/GGQ8P7TzRZ
— ANI (@ANI) January 14, 2022
315 जणांचा मृत्यू
मिळालेल्या माहितीनुसार गेल्या 24 तासात 1 लाख 9 हजार 345 रुग्ण कोरोनामुक्त झाले आहेत. त्यामुळे भारतात कोरोनामुक्त झालेल्या लोकांची संख्या 3 कोटी 48 लाख 24 हजार 706 झाली आहे. आरोग्य मंत्रालयानं दिलेल्या माहितीनुसार गुरुवारी 2 लाख 64 हजार 202 जणांना कोरोना संसर्ग झाल्याचं समोर आलं आहे. गेल्या 24 तासात 315 जणांच्या मृत्यूची नोंद झाली असून मृतांचा आकडा 4 लाख 85 हजार 350 पोहोचलाय.
ओमिक्रॉन बाधितांची संख्या 5 हजारांच्या पार
देशातील ओमिक्रॉन (Omicron) बाधितांची संख्या देखील वाढली असून 5 हजार 753 वर पोहोचली आहे. महाराष्ट्रातील महाराष्ट्रात काल एकाही ओमिक्रॉन बाधित रुग्णाची नोंद झालेली नाही.
इतर बातम्या
…तर कोरोना अवघ्या पाच मिनिटात होतो निष्क्रिय? जाणून घ्या काय सांगते संशोधन
Corona virus india 264202 new cases and 315 deaths reported in the last 24 hours omicron variant cases crosses five thousand
