फक्त 28 मतांनी जिंकली निवडणूक, पाहा कोण आहेत तो आमदार?

Assembly election Result : विधानसभा निवडणुकीचे निकाल रविवारी जाहीर झाले. विधानसभेत भाजपला दोन तृतीयांश बहुमत मिळाले आहे. भाजपने सभागृहात 230 पैकी 163 जागा जिंकल्या होत्या. तर काँग्रेसच्या वाट्याला 66 जागा आल्या आहेत. मध्य प्रदेश विधानसभा निवडणुकीत दोन उमेदवारांची सर्वाधिक चर्चा आहे. भाजप नेते रमेश मेंडोला हे जे इंदूर-2 जागेवरून 1,07,047 मतांच्या मोठ्या फरकाने विजयी झाले आहेत, तर दुसरीकडे भाजपचे उमेदवार अरुण भीमवद यांनी शाजापूर मतदारसंघात फक्त 28 मतांनी विजय मिळवला आहे. मुख्यमंत्री शिवराज सिंह चौहान आणि भाजपच्या महिला आमदार कृष्णा गौर यांनीही एक लाखांहून अधिक मतांनी विजय मिळवला आहे.

सर्वाधिक मतांनी पराभव

इंदूर-2 जागेवर रमेश मेंडोला यांना 1,69,071 मते मिळाली. त्यांनी काँग्रेसच्या चिंटू चौकसे यांचा पराभव केला. गोविंदपुरा मतदारसंघातून कृष्णा गौर यांनी काँग्रेसचे रवींद्र साहू यांचा 1,06,668 मतांनी पराभव केला. सीएम चौहान यांनी 1,04,974 मतांच्या विक्रमी फरकाने सहाव्यांदा बुधनी मतदारसंघात विजय मिळवला.

प्रचाराशिवाय जिंकून आला हा उमेदवार

शिवराज सिंह चौहान यांनी काँग्रेसचे उमेदवार विक्रम मस्ताल शर्मा यांचा पराभव केला. भाजपच्या रामेश्वर शर्मा यांनी त्यांच्या पारंपरिक हुजूर जागेवर 97,910 मतांनी विजय मिळवला. निवडणुकीदरम्यान प्रचार केला नसतानाही, भाजपचे ज्येष्ठ नेते गोपाल भार्गव यांनी त्यांच्या पॉकेट-बरो रेहली मतदारसंघातून सलग नवव्यांदा 72800 मतांच्या फरकाने विजय मिळवला.

भाजपच्या महिला नेत्या मालिनी गौर यांनी त्यांची पारंपारिक इंदूर-4 मतदारसंघातून 69,837 मतांच्या फरकाने जिंकली. ही जागा यापूर्वी त्यांचे पती आणि माजी मंत्री दिवंगत लक्ष्मण सिंह गौर यांनी जिंकली होती.

अलोट मतदारसंघातून भाजपचे डॉ.चिंतामणी मालवीय 68884 मतांनी विजयी झाले आहेत. शाजापूर मतदारसंघातून भाजपचे अरुण भीमवद अवघ्या 28 मतांनी विजयी झाले. भीमावद यांना 98,960 मते मिळाली. त्यांनी काँग्रेसच्या हुकुमसिंग कराडा यांचा पराभव केला, त्यांना 98,932 मते मिळाली. उज्जैन जिल्ह्यातील महिदपूर मतदारसंघात काँग्रेसच्या दिनेश जैन यांनी भाजपच्या बहादूर सिंह चौहान यांचा 290 मतांनी पराभव केला. धार जिल्ह्यातील धरमपुरी मतदारसंघातून भाजपचे कालुसिंह ठाकूर यांनी काँग्रेसच्या पंचीलाल मेडा यांचा 356 मतांनी पराभव केला.