माजी सैन्य दल प्रमुख मनोज नरवणे यांची पोस्ट, ‘फोर स्टार्स ऑफ डेस्टिनी’ बद्दल म्हणाले की….
माजी लष्करप्रमुख मनोज मुकुंद नरवणे यांनी त्यांच्या "फोर स्टार्स ऑफ डेस्टिनी" या पुस्तकासंदर्भात पोस्ट केली आहे. नरवणे यांनी पुस्तकाची सद्यस्थिती काय आहे याचा उल्लेख केला आहे.
विरोधी पक्ष नेते राहुल गांधी यांनी माजी सैन्य दल प्रमुख मनोज मुकुंद नरवणे यांच्या ‘फोर स्टार्स ऑफ डेस्टिनी’ या पुस्तकाचे वाचन संसदेत केल्यानंतर हंगामा झाला. या पुस्तकावरुन वादळ शमले नसतानाच आता माजी सैन्य दल प्रमुख मुकुंद नरवणे यांनी पेंगुईन प्रकाशनाच्या वतीने खुलासा केला आहे. नरवणे यांनी पेंगुईनची पोस्ट शेअर करत या पुस्तकाची सद्यस्थिती ही असल्याचे म्हटले आहे. पेंगुइन प्रकाशनाने म्हटले आहे की प्री ऑर्डरचा अर्थ प्रकाशित होणे नव्हे तर औपचारिक प्रकाशनानंतर हे पुस्तक प्रकाशित मानले जाणार आहे.
पेंगुईन इंडियाने आपल्या निवदेनात म्हटले आहे की ‘फोर स्टार्स ऑफ डेस्टिनी’ अलिकडे चर्चेत आहे आणि मीडियातील बातम्या पाहाता पेंगुईन इंडिया हे स्पष्ट करु इच्छित आहे की भारतीय सैन्याचे माजी प्रमुख जनरल मनोज मुकुंद नरवणे यांच्या पुस्तकाच्या प्रकाशनाचे अधिकार आमच्याकडे आहेत. आम्ही स्पष्ट करु इच्छीतो या पुस्तकाचे प्रकाशन झालेले नाही. पेंगुईन इंडियाद्वारे पुस्तकाची कोणतीही कॉपी ( प्रिंट वा डिजिटल) कोणत्याही माध्यमातून जनतेसाठी उपलब्ध केलेली नाही.
कायदेशीर कारवाईचा इशारा
पेंगुईन इंडियाने पुढे म्हटले आहे की पुस्तकाची कोणतही प्रत, मग ती प्रिंट, डिजिटल, पीडीएफ वा कोणत्याही अन्य फॉरमॅटमध्ये, ऑनलाईन वा ऑफलाईन, कोणत्याही प्लॅटफॉर्मवर प्रकाशित होत असेल, हे पीआरएचआयचे कॉपीराईचे उल्लंघन आहे. आणि यास तत्काळ बंद करायला हवे. पेंगुईनची कोणत्याही पुस्तकाला त्यांच्या परवानगीशिवाय कोणत्याही रुपात ( उदा. फोटोकॉपी, PDF या डिजिटल फाईल ) ऑनलाईन वा ऑफलाईन शेअर करणे कायदेशीर गुन्हा आहे. जर असे करताना कोणी आढळला तर पेंगुईन त्या व्यक्ती वा प्लॅटफॉर्मच्या विरोधात कठोर कारवाई करेल.
प्रकाशनाच्या आधीत वादात
माजी सैन्य दलप्रमुख नरवणे यांचे पुस्तक प्रकाशित होण्याआधीच वादात सापडले आहे. या पुस्तकावर अनेक दिवसांपासून वाद सुरु आहे. या वादाची सुरुवात संसदेत राहुल गांधी यांच्या भाषणाने झाली. सोमवारी दिल्ली पोलिसांच्या स्पेशल सेलने नरवणे यांच्या पुस्तकाप्रकरणात केस दाखल केली आहे. तपासात पुढे आले की या पुस्तकाच्या प्री-प्रिंट कॉपी काही वेबसाईट्सवर उपलब्ध आहे. राहुल गांधी यांनी संसदेत चीनी घुसखोरी आणि जनरल नरवणे यांच्या पुस्तकाचा उल्लेख करत मोदी सरकारवर हल्लाबोल केला आहे.
