UP Crime : उत्तर प्रदेशात ऑनर किलिंग, मुलीच्या हत्येसाठी माजी आमदाराने दिली 20 लाखाची सुपारी

1 जुलैच्या रात्री गुन्हेगारांनी महिलेवर प्राणघातक हल्ला केला, मात्र ती बचावली. त्यानंतर महिलेच्या तक्रारीवरून पोलिसांनी श्रीकृष्णपुरी पोलिस ठाण्यात गुन्हा दाखल करून तपास केला. पाटणा पोलिसांना या घटनेचे सीसीटीव्ही फुटेज मिळाले आहे.

UP Crime : उत्तर प्रदेशात ऑनर किलिंग, मुलीच्या हत्येसाठी माजी आमदाराने दिली 20 लाखाची सुपारी
वैजंता गोगावले, टीव्ही 9 मराठी डिजीटल टीम

|

Jul 04, 2022 | 2:07 AM

पाटणा : उत्तर प्रदेशात ऑनर किलिंग (Honor Killing)चे प्रकरण उघडकीस आले आहे. मुलीने आंतरजातीय विवाह केल्यामुळे संतापलेल्या माजी आमदाराने मुलीच्या हत्ये (Murder)साठी 20 लाखाची सुपारी दिल्याची धक्कादायक घटना उत्तर प्रदेशातील पाटणा येथे उघडकीस आली आहे. दोन कुख्यात गुंडांना 20 लाखांची सुपारी देण्यात आली होती. पाटणा पोलिसांनी रविवारी संपूर्ण प्रकरणाचा खुलासा केला. छपराचे माजी आमदार सुरेंद्र शर्मा आणि त्यांचा जवळचा सहकारी ज्ञानेश्वर यांच्याशिवाय पोलिसांनी कुख्यात शूटर अभिषेक शर्मा उर्फ ​​छोटे सरकार आणि त्याच्या एका साथीदाराला अटक (Arrest) केली आहे. आरोपींनी पीडितेवर हल्ला केला. मात्र सुदैवाने यात तिचा वाचला. ती जखमी असून तिच्यावर रुग्णालयात उपचार सुरु आहेत.

आंतरजातीय विवाह केल्याने मुलीची सुपारी दिली

माजी आमदार सुरेंद्र शर्मा यांच्या मुलीचे पाटण्यात राहणाऱ्या दुसऱ्या जातीतील तरुणावर प्रेम होते. तिने गेल्या वर्षी तिच्या प्रियकरासोबत प्रेमविवाह केला होता, त्यामुळे तिचे वडील तिच्यावर खूप रागावले होते. लग्नानंतर पती-पत्नी दोघेही बोरिंग रोड परिसरात राहत आहेत. 1 जुलैच्या रात्री गुन्हेगारांनी महिलेवर प्राणघातक हल्ला केला, मात्र ती बचावली. त्यानंतर महिलेच्या तक्रारीवरून पोलिसांनी श्रीकृष्णपुरी पोलिस ठाण्यात गुन्हा दाखल करून तपास केला. पाटणा पोलिसांना या घटनेचे सीसीटीव्ही फुटेज मिळाले आहे, असे पाटणाचे वरिष्ठ पोलीस अधीक्षक (एसएसपी) मानवजीत सिंह ढिल्लन यांनी सांगितले.

शूटर अभिषेक शर्मा पहिल्यांदाच पोलिसांच्या हाती

शूटर अभिषेक शर्मा उर्फ ​​छोटे सरकार पहिल्यांदाच पाटणा पोलिसांच्या हाती लागला आहे. त्याच्या अटकेमुळे राजधानी पाटणा आणि परिसरात नुकत्याच झालेल्या खुनाच्या अनेक घटना समोर आल्या आहेत. घटनेदरम्यान अभिषेक शर्माने परिधान केलेल्या कपड्यांवरून त्याची ओळख पटली असल्याचे त्यांनी सांगितले. त्याच्या सांगण्यावरून पोलिसांनी हे कपडे जप्त केले आहेत.

अभिषेक शर्माच्या नावे अनेक हत्येची नोंद

पाटणा पोलिसांनी दिलेल्या माहितीनुसार अटक करण्यात आलेला अभिषेक शर्मा उर्फ ​​छोटे सरकार हा पांडव टोळीसाठी काम करतो. तो त्याचा किंगपिन संजय सिंगचा खास शिष्य आहे. अलीकडच्या काही महिन्यांत एकामागून एक अनेक खून करून त्याने पाटणा पोलिसांसाठी डोकेदुखी निर्माण केली होती.

माजी आमदाराचीही गुन्हेगारी पार्श्वभूमी

1995 मध्ये आरोपी सुरेंद्र शर्मा अपक्ष आमदार म्हणून निवडून आले होते. त्यांचा सारण जिल्ह्यात मोठा गुन्हेगारी इतिहास आहे. खून, खंडणी, अपहरण, खंडणी, दरोडा अशा अनेक गुन्ह्यांमध्ये त्याचे नाव पुढे आले आहे. (In the case of honor killing in Uttar Pradesh, a former MLA ordered the murder of a daughter)

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें