भारताचा असा मास्टरस्ट्रोक ज्यानं तुर्कीची मोडली कंबर, नुकसानीचा आकडा वाचून धक्का बसेल!
पाकिस्तानला पाठिंबा दिल्यामुळे भारताने तुर्कीला मोठा धक्का दिला आहे. दोन दिवसातच तुर्कीचे मोठे नुकसान झाले आहे.
तुर्कीने भारताचा शत्रू पाकिस्तानला उघड पाठिंबा दिल्याने तुर्कीच्या उत्पादनावर बहिष्काराची मोहीम सुरू झाली आहे. यासोबतच तुर्कीस्थित विमानतळ ग्राउंड हँडलिंग कंपनी सेलेबी हावा सर्विसीच्या मार्केट कॅपचाही समावेश आहे. भारताच्या या निर्णयामुळे या कंपनीचे मोठे नुकसान झाले आहे. भारताने राष्ट्रीय सुरक्षेच्या कारणास्तव या कंपनीच्या सहाय्यक कंपन्यांची सुरक्षा मान्यता रद्द केली. यानंतर गुरुवार आणि शुक्रवारी कंपनीच्या समभागांमध्ये सुमारे 20 टक्के घसरण दिसून आली.
भारताच्या कारवाईनंतर इस्तंबूलस्थित या कंपनीने सांगितले की, ती भारत सरकारच्या निर्णयाला आव्हान देण्यासाठी सर्व प्रशासकीय आणि कायदेशीर मार्गांचा अवलंब करेल. कंपनीने आपल्या भारतीय व्यवसायाचे महत्त्व सांगताना म्हटले की, 2024 मध्ये तिच्या 585 दशलक्ष डॉलरच्या महसुलापैकी एक तृतीयांश पेक्षा जास्त हिस्सा भारतीय सहाय्यक कंपन्यांकडून आला आहे.
वाचा: तुर्कीतील वस्तूंवरील बहिष्काराची लाट… भारतात कोणत्या कोणत्या गोष्टींची होते आयात?; 5 वी वस्तू महत्त्वाची
ब्युरो ऑफ सिव्हिल एव्हिएशन सिक्युरिटी (BCAS) ने गुरुवारी सेलेबी एयरपोर्ट सर्व्हिसेस इंडियाची सुरक्षा मान्यता तात्काळ प्रभावाने रद्द केली. या निर्णयामुळे देशात कार्यरत असलेल्या गटाच्या सर्व संलग्न युनिट्सवर परिणाम झाला. सेलेबीने म्हटले की, तिचा भारतीय व्यवसाय “खरोखर एक भारतीय उपक्रम” आहे. त्याचे व्यवस्थापन भारतीय व्यावसायिकांकडून केले जाते आणि “कोणत्याही निकषानुसार ही तुर्की संस्था नाही.” भारतीय अधिकाऱ्यांनी ही कारवाई गेल्या आठवड्यात भारत-पाकिस्तान संघर्षादरम्यान तुर्कीने पाकिस्तानला पाठिंबा दिल्यानंतर केली.
कंपनीला दोन दिवसांत 2,500 कोटींचे नुकसान
सरकारी आदेशानंतर, गुरुवारी बोर्सा इस्तंबूलवर सेलेबीचे समभाग 10 टक्क्यांनी घसरून 2,224 तुर्की लिरावर (तुर्कीचे चलन) बंद झाले आणि शुक्रवारी आणखी 10 टक्क्यांनी घसरून 2,002 तुर्की लिरावर आले, ज्यामुळे अनेक वेळा व्यापार थांबला. या विक्रीमुळे दोन दिवसांत एकूण बाजारमूल्यात 2,500 कोटी रुपयांपेक्षा जास्त नुकसान झाले. सेलेबी एयरपोर्ट सर्व्हिसेस इंडियाने रद्दीकरणाच्या आदेशाला मागे घेण्यासाठी दिल्ली उच्च न्यायालयात धाव घेतली आहे, ज्याची सुनावणी सोमवारी होण्याची शक्यता आहे. सेलेबीने एका नियामक फायलिंगमध्ये म्हटले की, आमची कंपनी या निराधार आरोपांना नाकारण्यासाठी आणि लादलेल्या आदेशांना मागे घेतले जावे यासाठी सर्व प्रशासकीय आणि कायदेशीर उपायांचा अवलंब करेल. कंपनीने आपल्या फायलिंगमध्ये म्हटले की, तिच्या सहाय्यक कंपन्यांनी नेहमीच भारतीय कायद्यांचे पालन केले आहे आणि कधीही राष्ट्रीय सुरक्षेसाठी धोका निर्माण केला नाही.
2,100 कोटींची गुंतवणूक आणि 10 हजार रोजगार
2009 मध्ये भारतीय बाजारात प्रवेश केल्यानंतर, सेलेबीने 250 दशलक्ष डॉलरपेक्षा जास्त गुंतवणूक केली आहे आणि 10,000 पेक्षा जास्त भारतीयांना रोजगार दिला आहे. ही कंपनी पाच वेगवेगळ्या सहाय्यक कंपन्यांमार्फत दिल्ली, मुंबई, बेंगलुरू आणि हैदराबादसह देशभरातील 9 विमानतळांवर काम करते. त्यापैकी सर्वात मोठी सेलेबी एयरपोर्ट सर्व्हिसेस इंडिया सहा विमानतळांवर कार्यरत होती. सेलेबीच्या व्यवसायाला निलंबित केल्याने, भारतातील अनेक विमानतळ आणि विमान कंपन्या आता एआय एयरपोर्ट सर्व्हिसेस, एअर इंडिया एसएटीएस आणि बर्ड ग्रुप यांसारख्या पर्यायी ग्राउंड हँडलर्सकडे वळत आहेत. दरम्यान, कंपनीने सोशल मीडियावर तिच्या मालकीला तुर्कीचे राष्ट्राध्यक्ष रेसेप तैयप एर्दोगन यांची कन्या सुमेये एर्दोगन बायरकटर यांच्याशी जोडणाऱ्या दाव्यांचे खंडण करत स्पष्टीकरण जारी केले. सेलेबीने या आरोपांना तथ्यात्मकदृष्ट्या चुकीचे ठरवले आणि पुनरुच्चार केला की, तिची बहुसंख्य मालकी आंतरराष्ट्रीय संस्थात्मक गुंतवणूकदारांकडे आहे, ज्यांचा कोणताही राजकीय संबंध नाही.
