अखेर तो दिवस आलाच, भारताच्या सर्वात मोठ्या शत्रूचा खात्मा, पाकिस्तानात मोठी खळबळ

पाकिस्तानला आणखी एक मोठा झटका बसला आहे, लष्कर -ए-तोयबाचा टॉप कमांडर गाजी मुमताज याचा मृत्यू झाला आहे. पाकिस्तानमध्ये संशयास्पदरित्या त्याचा मृतदेह आढळून आल्याची माहिती समोर आली आहे. गाजी मुमताज हा गेल्या अनेक वर्षांपासून जम्मू आणि काश्मीरमध्ये सक्रिय होता. त्यानंतर भारतीय सैन्याच्या कारवाईच्या भीतीने तो पाकिस्तानमध्ये पाळून गेला होता. त्याला लष्कर -ए तोयबाचा प्रमुख हाफिज सईद आणि पाकिस्तानच्या गुप्तचर संस्थांकडून सुरक्षा पुरवण्यात आली होती. मात्र आता त्याचा मृत्यू झाला आहे. गाजी मुमताज याचा मृत्यू हा दहशतवादाला मोठा झटका असून, त्याच्या मृत्यूमुळे काश्मीरमधील दहशतवादाचं कंबरडं मोडलं आहे. भारताच्या आणखी एका शत्रूचा खात्मा झाला आहे. दरम्यान गाजीचा नैसर्गिक मृत्यू झाला की त्याची हत्या करण्यात आली? याबाबत अजून कोणतीही माहिती समोर आलेली नाहीये.

हाफिज सईदचा सर्वात विश्वासू

सिसोनेंस न्यूजने दिलेल्या माहितीनुसार गाजी मुमताज याचा काश्मीरमध्ये झालेल्या अनेक दहशतवादी हल्ल्यांमध्ये सहभाग होता. तो लष्कर ए तोयबासाठी काम करायचा त्यामुळे त्याला लष्कर ए तोयबाकडून ‘गाजी’ ही पदवी देण्यात आली होती. त्यामुळे पुढे तो गाजी मुमताज या नावानेच ओळखला जाऊ लागला. गाजी मुमताज हा पाकिस्तानच्या खैबर पख्तुनख्वा प्रांतामधील बाराहवाल गावचा रहिवासी होता. गाजी मुमताज हा हाफिस सईदचा सर्वात विश्वासू मानला जातो. यामुळेच त्याला पाकिस्तानच्या गुप्तचर संस्थांकडून सुरक्षा पुरवण्यात आली होती.

लष्कर ए तोयबाचा ट्रेनर

समोर आलेल्या माहितीनुसार गाजी मुमताज हा लष्कर ए तोयबाचा ट्रेनर होता, त्याने अनेक दिवस लष्कर ए तोयबाच्या ट्रेनिंग कॅम्पमध्ये नव्याने भरती होणाऱ्या दहशतवाद्यांना ट्रेनिंग देण्याचं देखील काम केलं, मात्र आता त्याचा खात्मा झाला आहे. त्याचा संशयास्पद अवस्थेत मृतदेह आढळून आला आहे. त्याचा मृत्यू झाला की, त्याची हत्या करण्यात आली? याबाबत अजूनही कोणतीही माहिती समोर आलेली नाहीये. गाजी मुमताज याच्या मृत्यूमुळे लष्कर ए तैबाला मोठा झटाका बसला आहे.