AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Lucknow News : 3 पिस्तुल, 3 मृत्यू आणि डोक्यात गोळी.. लखनऊ हत्याकाडांची Inside Story

लखनऊमध्ये बँक ऑफीसर दिव्या मिश्राची गोळ्या झाडून हत्या केल्यानंतर तिचा पती मानसने त्याच्या बहिणीवरही गोळ्या झाडल्या, एवढंच नव्हे तर त्याने स्वत:चंही जीवन संपवलं. पोलिसांना तीन पिस्तुलं मिळाली असून तीनही मृतांच्या डोक्यात गोळी लागल्याचं समोर आलंय.

Lucknow News : 3 पिस्तुल, 3 मृत्यू आणि डोक्यात गोळी.. लखनऊ हत्याकाडांची Inside Story
लखनमध्ये हादरवणारं हत्याकांड
| Updated on: Aug 20, 2026 | 4:37 PM
Share

Lucknow News : लखनऊच्या गोमतीनगरमध्ये गुरूवारी सकाळी झालेल्या थरारक हत्याकांडामुळे प्रचंड खळबळ माजलेली असतानाच पोलिस मात्र हैराण झाले आहेत, या हत्याकांडामुळे अनेक प्रश्न उपस्थित झाले आहेत.  शहरातील आयसीआयसीआय बँकेबाहेर रिलेशनशिप मॅनेजर दिव्या मिश्रा हिची गोळ्या झाडून हत्या करण्यात आली. ही हत्या त्या महिलेचा पती मानस याने केली असावी असा पोलिसांना संशय होता. हत्येनंतर मानस हा त्याच्या घरी गेल्याची माहिती पोलिसांना मिळाली, तिथे जाऊन त्याने बहिणीवरही गोळ्या झाडल्या आणि स्वत:लाही गोळी मारून घेतल्याचे समोर आलं. या भयानक हत्याकांडात तिघांचा जी गेला.

तीन पिस्तुलांमुळे गूढ वाढले; पत्नी, बहिणीनंतर मानसनेही स्वत:चाही घेतला जीव

या दुहेरी हत्याकांडानंतर सर्वात मोठा प्रश्न पोलिसांसमोर उभा राहिला आहे तो म्हणजे घटनास्थळी सापडलेल्या तीन पिस्तुलांचा. तिन्ही मृतांच्या डोक्यात गोळी लागल्याचं प्राथमिक तपासात समोर आलं आहे. त्यामुळे मानसने पत्नी आणि बहिणीची हत्या करण्यासाठी वेगवेगळ्या पिस्तुलांचा वापर केला आणि त्यानंतर स्वतःवर गोळी झाडली का, की या घटनेमागे आणखी काही वेगळी कहाणी आहे, याचा तपास पोलीसांकडून करण्यात येत आहे. फॉरेन्सिक तपासणी आणि शवविच्छेदन अहवालातून या प्रकरणातील अनेक प्रश्नांची उत्तरे मिळण्याची शक्यता आहे.

बँकेबाहेर पत्नीला बोलावलं आणि..

दिव्या मिश्रा या ICICI बँकेत कार्यरत होत्या आणि आलमबाग परिसरात राहत होत्या. गुरुवारी दुपारी त्यांचे पती मानस यांनी त्यांना फोन केला आणि बँकेबाहेर भेटण्यासाठी बोलावलं. दोघांमध्ये काही वेळ चर्चा झाली. त्यानंतर अचानक गोळीबाराचा आवाज आला. प्राथमिक माहितीनुसार, मानसने दिव्या यांच्यावर गोळी झाडली. गोळी लागल्याने त्या गंभीर जखमी झाल्या. बँकेतील कर्मचारी आणि परिसरातील नागरिकांनी त्यांना तातडीने रुग्णालयात दाखल केलं. मात्र, उपचारापूर्वीच डॉक्टरांनी त्यांना मृत घोषित केलं.

पती-पत्नीत सुरू होता वाद

मानस आणि दिव्या यांच्या वैवाहिक नात्यात दीर्घकाळापासून तणाव होता, असं पोलिसांच्या प्राथमिक तपासात समोर आलं आहे. दोघांमधील वाद वाढल्यानंतर दिव्या यांनी सुमारे वर्षभरापूर्वी पतीपासून घटस्फोटासाठी न्यायालयात दावा दाखल केला होता. त्यामुळेच घटस्फोटाचं प्रकरण, दोघांमधील वाद आणि घटनेपूर्वी झालेला संवाद या सर्व बाबींचा तपास पोलीसांकडून केला जात आहे. तपास पूर्ण झाल्यानंतरच हत्येमागील नेमकं कारण स्पष्ट होईल, असं पोलिसांनी सांगितलं.

पत्नीला गोळी मारल्यानंर बहिणीलाही संपवलं

पत्नी दिव्या हिच्यावर गोळी झाडल्यानंतर, मानस हा हुसेडिया चौराह्याजवळील आपल्या घरी गेला. तिथे जाऊन त्याने त्याच्या बहिणीवरही गोळी झाडल्याची माहिती समोर आली आहे. एवढंच नव्हे तर त्यानंतर त्याने स्वतःवरही गोळी झाडून आत्महत्या केल्याची प्राथमिक माहिती आहे. या घटनेत पत्नी आणि बहिणीचा मृत्यू झाला असून मानसचाही मृत्यू झाला आहे. मात्र, तिहेरी हत्याकांडाचा हाँ घटनाक्रम नेमका कसा घडला, याची प्रत्येक कडी जोडण्याचं काम पोलीस करत आहेत.

3 पिस्तुलांनी वाढवलं रहस्य

दरम्यान, घटनास्थळावरून तीन पिस्तुलं सापडल्याने या प्रकरणाचं गूढ आणखी वाढलं आहे. त्या तीनही शस्त्रांमधून गोळीबार झाला होता का, त्यापैकी कोणत्या पिस्तुलाचा कुठे वापर झाला आणि काही शस्त्रं केवळ घटनास्थळी ठेवण्यात आली होती का, हेही पोलीस तपासून पहात आहेत. तसेच ही पिस्तुलं कोणाच्या नावावर आहेत, ती मानसपर्यंत कशी पोहोचली आणि त्याच्याकडे ती कायदेशीररीत्या होती का, याचीही चौकशी केली जात आहे. फॉरेन्सिक पथकाने ती शस्त्रं, गोळ्या आणि घटनास्थळावरील इतर पुरावे तपासण्यास सुरुवात केली आहे.

व्हॉट्सॲप स्टेटसमधूनही महत्वाचा पुरावा

या घटनेनंतर मानसच्या व्हॉट्सॲप स्टेटसबद्दलही माहिती समोर आली आहे. या स्टेटसमध्ये त्याने पत्नीच्या हत्येचा दावा केल्याचे सांगितले जात असून, त्यात कौटुंबिक नातेसंबंध आणि विश्वासघाताचाही उल्लेख होता असं समजतं. हे स्टेटस प्रत्यक्षात मानसनेच पोस्ट केलं होतं का, ते कधी पोस्ट करण्यात आलं आणि त्यातील मजकुराचा या घटनेशी नेमका काय संबंध आहे, याची पडताळणी पोलीस करत आहेत.

सीसीटीव्ही आणि फॉरेन्सिक तपासावर नजर

या भयानक हत्याकांडाचा संपूर्ण घटनाक्रम समजून घेण्यासाठी पोलीसांकडून बँक परिसरातील आणि आसपासच्या सीसीटीव्ही फुटेजची तपासणी केली जात आहे. मानस बँकेबाहेर नेमका कधी आला, दिव्या यांच्याशी त्याची किती वेळ चर्चा झाली आणि गोळीबारानंतर तो कोणत्या मार्गाने निघून गेला, याचाही शोध घेतला जात आहे. तसेच घटनास्थळावरून मिळालेले फिंगरप्रिंट, गोळ्या, शस्त्रे आणि इतर फॉरेन्सिक पुराव्यांची तपासणी केली जात आहे.

Follow Us
हप्त्याचे पैसे ठरले जीवघेणे, आयफोनच्या EMI वरून वाद; मित्रानेच केली...
Panvel : हप्त्याचे पैसे ठरले जीवघेणे, आयफोनच्या EMI वरून वाद; मित्रानेच केली मित्राची हत्या
चकाट्या पिटणारा गृहमंत्री, उद्धव ठाकरे भडकले नेमकं काय म्हणाले?
Tv9 Marathi Special Report : चकाट्या पिटणारा गृहमंत्री, उद्धव ठाकरे भडकले नेमकं काय म्हणाले?
खजूर, दालचिनीपासून सुपारी अन् पेढ्यांपर्यंत, FDAची कारवाई
FDA : खजूर, दालचिनीपासून सुपारी अन् पेढ्यांपर्यंत, FDAची कारवाई; राज्यभरातून 1 कोटी 97 लाखांचा साठा जप्त
जळगाव जिल्हा बँकेत महायुतीची बाजी; 21 पैकी 12 जागांवर उमेदवार बिनविरोध
Jalgaon District Bank Election : जळगाव जिल्हा बँकेत महायुतीची बाजी; 21 पैकी 12 जागांवर उमेदवार बिनविरोध
बाळासाहेबांच्या स्मृतीस्थळी केसरकरांना घेरलं; शिवसैनिकांची 50 खोके...
Shivsena : Deepak Kesarkar : बाळासाहेबांच्या स्मृतीस्थळी दीपक केसरकरांना घेरलं; शिवसैनिकांची 50 खोके, एकदम ओके म्हणत जोरदार घोषणाबाजी
मुली मुलांवर नाही, पैशावर प्रेम करतात; इंदुरीकरांचं पुन्हा वादग्रस्त..
Indurikar Maharaj : मुली मुलांवर नाही, पैशावर प्रेम करतात; इंदुरीकर महाराजांचं मीरा-भाईंदरमधील वक्तव्य, नव्या वादाची शक्यता
एक युग संपलं... CSK चा कणा, चाहत्यांचा लाडका थाला आता खेळाडू म्हणून...
MS Dhoni Retires from IPL : एक युग संपलं... CSK चा कणा, चाहत्यांचा लाडका थाला आता खेळाडू म्हणून IPL मध्ये दिसणार नाही, ही नवी जबाबदारी सांभाळणार
योगेश कदम ते दादा भुसे… पाच आमदारांच्या सह्यांचा उल्लेख; शिवसेना....
Shivsena : योगेश कदम ते दादा भुसे… पाच आमदारांच्या सह्यांचा उल्लेख; शिवसेना सुनावणीत ध्रुव मेहतांचा युक्तिवाद
शिवसेना पक्षाच्या सुनावणीत ध्रुव मेहतांचा मोठा युक्तिवाद; सुनील प्रभू
Shivsena : शिवसेना पक्षाच्या सुनावणीत ध्रुव मेहतांचा मोठा युक्तिवाद; सुनील प्रभूंच्या व्हीपमध्ये.....
....तर मी माझं दुकान बंद करेन, माझी शिवसेना मी बंद करेन; नरेश म्हस्के
Naresh Mhaske : ....तर मी माझं दुकान बंद करेन, माझी शिवसेना मी बंद करेन; नरेश म्हस्के असं का म्हणाले?