AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

MCD Election 2022 Result | दिल्ली महापालिकेचे तख्त आम आदमी पार्टीकडे, भाजपची 15 वर्षांची सत्ता उलथवली, वाचा Updates!

MCD Election 2022 Result : दिल्ली महापालिका निवडणुकीत भाजपाला मोठा धक्का बसला आहे. आम आदमी पार्टीने बहुमताचा आकडा पार करत महापालिकेवर सत्ता मिळवली.

MCD Election 2022 Result | दिल्ली महापालिकेचे तख्त आम आदमी पार्टीकडे, भाजपची 15 वर्षांची सत्ता उलथवली, वाचा Updates!
Image Credit source: tv9 marathi
Reporter Sandeep Rajgolkar
Reporter Sandeep Rajgolkar | Edited By: मंजिरी धर्माधिकारी | Updated on: Dec 07, 2022 | 3:00 PM
Share

MCD Election Result: नवी दिल्लीः मिनी गव्हर्नमेंट (Mini Government) मानल्या जाणाऱ्या दिल्ली महापालिका निवडणुकीत आम आदमी पार्टीने स्पष्ट बहुमत मिळवले आहे. देशाची राजधानी दिल्लीतील विधानसभेनंतर आता शहरातील महापालिकेवरही अरविंद केजरीवाल यांच्या नेतृत्त्वात सत्ता स्थापन होईल. दिल्ली महापालिकेतील भाजपाच्या 15 वर्षांच्या सत्तेला आपने सुरुंग लावला. आजच्या मतमोजणीत आम आदमी पार्टीने दणदणीत विजय मिळवला. त्यामुळे आता आदमी पार्टीचा महापौर दिल्लीत बसणार हे निश्चित झालं आहे. 4 डिसेंबर रोजी दिल्ली महापालिकेसाठी मतदान पार पडलं.

देशात एकिकडे गुजरात आणि हिमाचल प्रदेशातील निवडणुकांमध्ये भाजपने सर्व शक्ती पणाला लावली आहे. तर दिल्लीतील स्थानिक स्वराज्य संस्थेवर तरी किमान भाजपाची सत्ता शाबूत ठेवण्यासाठी मोठी यंत्रणा कामाला लावली होती. या स्पर्धेत भाजपा सपशेल अपयशी ठरल्याचे चित्र आहे.

दिल्ली महापालिकेचा निकाल आघाडी कुणाची?

एकूण जागा- 250

आम आदमी पार्टी-    134

भाजपा-   104

काँग्रेस-  09

(सध्या प्राथमिक माहितीवरून ही आकडेवारी देण्यात आली आहे. अंतिम आकडेवारी लवकरच अपडेट केली जाईल.)

भाजपाचा सुपडा साफ

मागील 15 वर्षांपासून दिल्ली महापालिकेवर भाजपाची सत्ता होती. यंदाच्या निवडणुकीत आम आदमी पार्टी, भाजप आणि काँग्रेस या तीन पक्षांमध्ये मुख्य लढत होती. मात्र मतमोजणी सुरु होताच भाजप आणि आपमध्येच जोरदार रस्सीखेच सुरु झाली. सकाळच्या सत्रातच आपने भाजप उमेदवारांच्या तुलनेत जोरदार मुसंडी मारली.

दिल्ली महापालिका निवडणुकीच्या प्रचारासाठी भाजपने 7 राज्यांचे मुख्यमंत्री आणि 15 पेक्षा जास्त केंद्रीय मंत्री प्रचारात उतरवले होते. तर अरविंद केजरीवाल यांनीदेखील जोरदार प्रचार केला होता.

आपची पूर्ण ताकद पणाला

दिल्ली महापालिका निवडणुकांमध्ये एकूण 1,349 उमेदवार उभे होते. यात 709 महिला उमेदवार होत्या. केजरीवाल यांच्या आप आणि भाजपने सर्व 250 वॉर्डांमध्ये उमेदवार उभे केले होते. तर काँग्रेसने 247 वॉर्डांमधून निवडणूक लढवली.

MCD निवडणूक का महत्त्वाची?

दिल्ली महानगरपालिकेच्या एकत्रीकरणानंतर पहिल्यांदाच होणाऱ्या या निवडणुकांना जास्त महत्त्व प्राप्त झालं होतं. याआधी उत्तर दिल्ली महापालिका, दक्षिण दिल्ली महापालिका आणि पूर्व दिल्ली अशा तीन महापालिका अस्तित्वात होत्या.

या एकत्रिकरणानंतर दिल्ली ही देशातली सर्वात मोठी महापालिका बनली आहे. यापूर्वी बीएमसी अर्थात मुंबई ही सर्वात मोठी महापालिका होती. आता दिल्लीला हे स्थान मिळाल्यामुळे आणि विधानसभेत अरविंद केजरीवाल यांच्या आपची सत्ता असल्याने संपूर्ण देशाचं लक्ष या निवडणुकीकडे लागलं होतं.

Follow Us
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पह
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पहा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा उल्लेख करत म्हणाले...
बिनविरोध निवडीचा मान कायम! जय शाह पुन्हा सांभाळणार आयसीसीची धुरा
Jay Shah : बिनविरोध निवडीचा मान कायम! जय शाह पुन्हा सांभाळणार आयसीसीची धुरा
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू