MODI CABINET EXPANSION : मोठी बातमी! अश्विनी वैष्णव यांच्याकडे थेट केंद्रीय रेल्वे मंत्रालयाचा पदभार

दोन वर्षांपूर्वीच आश्विन वैष्णव यांनी ओडिशातून भाजपच्या तिकिटावर राज्यसभा निवडणूक जिंकले होती, विशेष म्हणजे संख्याबळ नसतानाही त्यांनी विजय मिळवल्यानं सर्वच जण आश्चर्यचकित झाले होते.

MODI CABINET EXPANSION : मोठी बातमी! अश्विनी वैष्णव यांच्याकडे थेट केंद्रीय रेल्वे मंत्रालयाचा पदभार

नवी दिल्लीः नोकरशाहीत आपला ठसा उमटवलेल्या आश्विनी वैष्णव (Ashwini Vaishnav)यांचा मोदी मंत्रिमंडळात समावेश झालेला असून, त्यांच्याकडे रेल्वे मंत्रालयासारख्या मोठ्या मंत्रालयाची जबाबदारी सोपवण्यात आलीय. पीयूष गोयल यांच्याकडून रेल्वे मंत्रालय काढून घेण्यात आलं आहे. पीयूष गोयल यांच्याकडे आता केंद्रीय वस्त्रोद्योग मंत्रालयाचाही कारभार दिलाय. आश्विनी वैष्णव यांसारख्या नव्या खासदाराकडे एवढा मोठा पदभार सोपवण्यात आल्यानं हा चर्चेचा विषय ठरत आहे. दोन वर्षांपूर्वीच आश्विन वैष्णव यांनी ओडिशातून भाजपच्या तिकिटावर राज्यसभा निवडणूक जिंकले होती, विशेष म्हणजे संख्याबळ नसतानाही त्यांनी विजय मिळवल्यानं सर्वच जण आश्चर्यचकित झाले होते. (MODI CABINET EXPANSION Ashwini Vaishnav is directly in charge of the Union Ministry of Railways)

वैष्णव हे 1994 च्या बॅचचे ओडिशा कॅडरमधील आयएएस अधिकारी

राजस्थानच्या जोधपूरमध्ये जन्मलेले 51 वर्षी वैष्णव हे 1994 च्या बॅचचे ओडिशा कॅडरमधील आयएएस अधिकारी आहेत. भाजपकडून उमेदवारी मिळवल्यानंतरही त्यांनी ओडिशाचे मुख्यमंत्री आणि बीजू जनता दलाच्या नवीन पटनायक यांचं समर्थन मिळवलं होतं. त्यावेळी बीजू जनता दलाच्या अनेक नेत्यांनी पटनायकांवर टीकाही केली होती. पटनायक पंतप्रधान मोदी आणि केंद्रीय गृहमंत्री अमित शाहांच्या दबावात वैष्णव यांचं समर्थन करत असल्याचं त्यांनी सांगितलंय.

अमेरिकेतील व्हार्टन युनिव्हर्सिटीतून त्यांनी एमबीए केलं

वैष्णव हे 28 जून 2019 ला झालेल्या राज्यसभा निवडणुकीच्या सहा दिवस अगोदर भाजपमध्ये दाखल झाले होते. प्रशासकीय सेवेत असताना त्यांनी बालेश्वर आणि कटक जिल्ह्यांमध्ये जिल्हाधिकाऱ्यांच्या जबाबदारी निभावली होती. वर्ष 1999 मध्ये ओदिशात आलेल्या चक्रीवादळात त्यांनी आपल्या नोकरशाहीतील कौशल्याचा परिचय दिला होता. वैष्णव यांनी 2003 पर्यंत ओडिशामध्ये काम केलं आणि त्यानंतर ते तत्कालीन पंतप्रधान अटल बिहार वाजपेयींच्या कार्यकाळात उपसचिव नियुक्त झाले. वाजपेयी जेव्हा पंतप्रधानपदावरून पायउतार झाले तेव्हा त्यांना सचिव बनवण्यात आलंय. आयआयटीमधून शिक्षण घेतलेल्या वैष्णव यांनी 2008मध्ये सरकारी नोकरी सोडली होती. त्यानंतर त्यांनी अमेरिकेतील व्हार्टन युनिव्हर्सिटीतून एमबीए केलं. अमेरिकेहून परतल्यानंतर त्यांनी काही मोठ्या कंपन्यांमध्ये नोकऱ्या केल्या आणि गुजरातमध्ये वाहनांचे सुटे भाग निर्माण करणारी कंपनी स्थापन केली.

संबंधित बातम्या

Modi Cabinet Expansion : मोदी मंत्रिमंडळातील नवं खातेवाटप जाहीर, नव्या सहकार खात्याची जबाबदारी अमित शाहांकडे, कोणत्या मंत्र्यांकडे कुठलं खातं?

MODI CABINET EXPANSION Ashwini Vaishnav is directly in charge of the Union Ministry of Railways

Click on your DTH Provider to Add TV9 MARATHI