AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Ayodhya Ram Mandir | फक्त दरवाज्यांसाठीच 1 क्विंटलहून अधिक सोन्याचा वापर, अयोध्येतल्या भव्य दिव्य राम मंदिराची विशेष माहिती

अयोध्येतल्या राम मंदिराच्या प्रतिष्ठापनेची तारीख जवळ येतेय. अनेक वर्षींची प्रतीक्षा संपून 22 जानेवारीला रामाची मूर्ती भव्य-दिव्य मंदिरात विराजमान होणाराय. या मंदिरामागे किती मराठी हात लागले, त्यांची भूमिका किती महत्वाची होती, आणि कसं आहे अयोध्येतलं राम मंदिर याबाबत सविस्तर माहिती आम्ही तुम्हाला या लेखातून देणार आहोत.

Ayodhya Ram Mandir | फक्त दरवाज्यांसाठीच 1 क्विंटलहून अधिक सोन्याचा वापर, अयोध्येतल्या भव्य दिव्य राम मंदिराची विशेष माहिती
Chetan Patil
Chetan Patil | Updated on: Dec 27, 2023 | 9:39 PM
Share

संदीप राजगोळकर, Tv9 मराठी, अयोध्या | 27 डिसेंबर 2023 : अयोध्येतील प्रभू श्रीरामांचं मंदिर हे नागर शैलीत बांधलं गेलंय. 24 तास अहोरात्र काम, देशभरातले कुशल कारागिरी आणि त्या-त्या भागातल्या वैशिष्ठ्यपूर्ण साधनांनी रामाचं मंदिर उभं राहिलंय. पूर्ण बांधून झाल्यावर भव्यदिव्य राम मंदिर कंसं दिसणार? याबद्दल देशभरातील राम भक्तांना उत्सुकता आहे. राम मंदिराचा परिसर 380 फूट लांब, 250 फूट रुंद आणि 161 फूट उंच असेल. मंदिराचा हा संपूर्ण परिसर 67 एकराचा आहे. आणि प्रत्यक्ष मंदिर हे 2 एकर जमिनीवर उभं राहिलंय. गर्भगृहासह पूर्ण मंदिर एकूण 3 माळ्यांचं असेल. यात प्रत्येक माळ्याची उंची 20 फूट इतकी आहे. या मुख्य शिखराच्या खालीच मंदिराचं गर्भगृह असणार आहे.

पहिल्या टप्यात बालरुपातल्या रामाची मूर्ती असेल, आणि दुसऱ्या टप्प्यात राम दरबार असणार आहे. मुख्य शिखराबरोबरच इतर 5 छोटे शिखर किंवा घुमट असतील. इथल्या मंडपांना नृत्य, रंग, सभा, प्रार्थना आणि कीर्तन अशी पाच नावं दिली गेली आहेत. मंदिराचा प्रवेश पूर्व दिशेनं, तर दर्शनानंतर दक्षिण दिशेनं बाहेर पडण्याचा मार्ग करण्यात आलाय. मंदिरात प्रवेश करण्यासाठी एकूण 32 पायऱ्या आहेत. पायऱ्या पार केल्यानंतर जरी तुम्ही पहिल्या टप्प्यातल्या मंडपाखाली आलात, तरी इथून तुम्हाला गर्भगृहातल्या रामाचं दर्शन होऊ शकतं. पूर्ण मंदिरात एकूण 380 खांब आहेत.

48 दिवस मंडल पूजा

16 जानेवारीपासून मंदिराची नित्यनेमानं पूजा सुरु होणार आहे. 20 जानेवारीला अक्षता सोहळा पार पडेल, आणि 22 जानेवारीला प्रभू श्रीरामाच्या मूर्तीची प्राणप्रतिष्ठा होईल. प्राणप्रतिष्ठेसाठी 22 जानेवारीला दुपारी 12 वाजून 29 मिनिटांचा मुहूर्त काढण्यात आलाय. यानंतरची पुढचे 48 दिवस मंडल पूजा होईल. मंदिर परिसरात पुढच्या 7 ते 8 महिन्यात वेगवेगळी सात मंदिरं अजून तयार होतील. ज्यात महर्षि वाल्मिकि, वशिष्ठ, विश्वामित्र, अगस्त्य, निषाद राज, शबरी, अहिल्या आणि जटायूचंही मंदिर असणार आहेत.

फक्त दरवाज्यांसाठीच एक क्विंटलहून अधिक सोन्याचा वापर

पूर्ण मंदिरासाठी एकूम 44 द्वार असतील. प्रत्येक दरवाज्यात बनवलेल्या साच्यांमध्ये जवळपास 3 किलो सोन्याचा वापर झालाय. सर्व दरवाजे एकत्रित केल्यास फक्त दरवाज्यांसाठीच एक क्विंटलहून अधिक सोन्याचा वापर केला गेलाय. दुसरं वैशिष्ट्य म्हणजे हे सर्व दरवाजे महाराष्ट्रातल्या सागवानापासून बनवली गेली आहेत. हैद्राबादच्या कारागीरांनी त्यांना तयार केलंय. दरवाज्यांवर हत्ती आणि कमळाच्या आकृतीसह आकर्षक कोरिवकामही केलं गेलंय.

मंदिर परिसरात एकाच वेळी 25 हजार भाविकांची व्यवस्था करता येईल, या पद्धतीनं नियोजन करण्यात येतंय. भक्तांसाठी सुविधा केंद्र, आरोग्य सुविधांसंह इतर सोयी असतील. 25 हजार लोक आपले मोबाईल, चप्पल किंवा बूट एका ठिकाणी सुरक्षित ठेवू शकतील, अशी व्यवस्थाही उभी करण्यात आलीय. स्थानिकांच्या माहितीनुसार मंदिर आणि आजूबाजूचा परिसर पूर्णपणे तयार व्हायला अजून 2 वर्ष लागू शकतात. याच वेगानं काम जरी सुरु असलं तरी पूर्ण सुविधा आणि छोटी-मोठी कामं पूर्ण व्हायला 2026 उजाडू शकतं. या घडीला मंदिराचा पहिला टप्पा पूर्ण झालाय, ज्यात गर्भगृह आणि मंदिराच्या प्रवेशद्वाराची बाजू बांधून पूर्ण झालीय.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी