पाकिस्तानी महिला गुप्तचराच्या हनी ट्रॅपमध्ये अडकला नौदलाचा जवान, गुप्त माहिती पुरवत होता…
सीमेपलिकडून महिला गुप्पचरांचा वापर करुन हनी ट्रॅप लावले जात असून यात आता आणखीन एक भारतीय नौदलाचा जवान अडकल्याचे स्पष्ट झाले असून त्याला अटक करण्यात आली आहे.
भारतीय सैनिक पाकिस्तानच्या महिला गुप्तचरांच्या जाळ्यात अडकण्याच्या घटनात अलिकडे वाढ झाली आहे. आता ताजे प्रकरण भारतीय नौदलाचे नाविक प्रदीप मुखर्जी यांना पाकिस्तानी गुप्तचर एजंटना गुप्त माहिती पुरवल्याच्या आरोपात अटक करण्यात आली आहे. आंध्रप्रदेश पोलिसांच्या काऊंटर इंटेलिजन्स सेलने ३ ऑक्टोबर रोजी कोयंबटूर स्थित INS अग्रणीवरुन या प्रदीप मुखर्जी यांना अटक केली आहे.
आंध्रप्रदेशातील पोलिसांच्या काऊंटर इंटेलिजन्स ( CI ) सेलने ३ ऑक्टोबर रोजी ३१ वर्षीय प्रदीप मुखर्जी यांना कोयंबटुर येथील INS अग्रणी येथून अटक केली आहे. INS अग्रणी नौदलाची लिडरशिप ट्रेनिंगशी संबंधित सुविधा आहे. प्रदीप मुखर्जी पश्चिम बंगालच्या राहणारे आहेत. आणि २०१४ मध्ये भारतीय नौदलात सामिल झाले होते. ते विशाखापत्तनम स्थित ईस्टर्न नेव्हल कमांड मध्ये तैनात होते.
अटक झाली तेव्हा प्रदीप मुखर्जी कोयंबतूर येथील या सुविधात मॅनेजमेंट डेव्हलपमेंटचा कोर्स करत होते. ते एक आठवड्यापासून तेथे उपस्थित होते. अधिकृत सूत्रांच्या मते एका पाकिस्तानी गुप्तचर एजंटने काही महिन्या आधी प्रदीप मुखर्जी यांच्याशी संपर्क केला होता.
हळूहळू या महिला एजंटने ऑनलाईन नात्याचा वापर करुन प्रदी मुखर्जी याच्याकडून संवेदनशील माहिती मिळवली. यात महत्वाच्या संवदनशील नौदलाच्या मालमत्ता, नौदलाच्या ताफ्याची माहिती, विशाखापत्तनम येथील नौदलाच्या अड्ड्यासंबंधित महत्वाची माहिती याचा समावेश आहे.
संशयास्पद डिजिटल कारवाईने गुपित उघड
काऊंटर इंटेलिजन्स सेल हे सीमेपलिकडील गुप्तचर आणि अतिरेकी संकटांचा मुकाबला करणारे स्पेशलस सेल आहे. अधिकाऱ्यांनी दिलेल्या माहितीनुसार या काऊंटर इंटेलिजेंस सेलने नौदल कर्मचाऱ्याच्या संबंधित संशयित डिजिटल फुटप्रिंटचा छडा लावल्यानंतर या प्रकरणाचा तपास सुरु केला. त्यानंतर प्रदीप मुखर्जी याच्यावर पाळत ठेवण्यात आली. तपासात मिळालेल्या माहितीच्या आधारे ३ ऑक्टोबर रोजी प्रदीप मुखर्जी कोयंबतूर येथून अटक करण्यात आली आहे.
