AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

राज्यपालासमोरच शेतकऱ्यांनी काढले प्रशासनाचे वाभाडे, शेतकऱ्याच्या प्रश्नांवर अधिकारी गोंधळले…

राज्यात दुष्काळ पडल्याने शेतकरी हवालदिल झाले आहेत. दिवाळीपूर्वी अग्रीम पाच हजाराची मदत राज्य सरकारने जाहीर केली आहे. मात्र, ही मदत देखील मिळेनाशी झाली आहे. राज्याचे राज्यपाल धाराशिव येथील बलसूर येथे दुष्काळाची पाहणी करण्यासाठी आले असताना त्यांच्यासमोरच एका शेतकऱ्याने प्रशासनाचे वाभाडे काढल्याची घटना घडली आहे.

राज्यपालासमोरच शेतकऱ्यांनी काढले प्रशासनाचे वाभाडे, शेतकऱ्याच्या प्रश्नांवर अधिकारी गोंधळले...
drought in maharashtra
| Updated on: Nov 19, 2026 | 5:26 PM
Share

राज्यात दुष्काळ जाहीर करण्यात आला आहे. शेतकऱ्यांना मदत देखील जाहीर करण्यात आली आहे. दुष्काळ जाहीर झाल्यानंतर राज्य सरकारने दिवाळीपूर्वी अग्रीम 5 हजार रुपयांची मदत जाहीर केली होती. अनेक शेतकऱ्यांच्या खात्यावर हे पाच हजार रुपये जमा झालेले आहेत. परंतू काही शेतकऱ्यांना ही मदत अद्यापही मिळालेली नाही. एक कोटी शेतकऱ्यांना हे पाच हजार रुपये खात्यावर दिवाळी आधी मिळणे अपेक्षित होते. आता राज्यात दुष्काळाची पाहणी करण्यासाठी धाराशीव येथे आलेल्या राज्यपालांसमोर एका सामान्य शेतकऱ्याने प्रशासनाचे वाभाडे काढल्याची घटना घडली आहे.

दुष्काळाची पाहणी करण्यासाठी आलेल्या राज्यपालांसमोरच शेतकऱ्यांनी प्रशासकीय यंत्रणेचे अक्षरशः वाभाडे काढले आहेत. ऊस पिकासाठी सिंचनाची व्यवस्था उभी करण्यासाठी स्वतःच्या खिशातून पैसे खर्च केले, मात्र अद्यापपर्यंत अनुदान मिळालेले नाही. मग शेतकऱ्यांसाठी असलेल्या या योजनेला अडविणारा झारीतील शुक्राचार्य कोण? असा थेट सवाल बलसूर येथील शेतकरी गोविंद येळमे यांनी राज्यपाल विष्णू देव वर्मा यांच्यासमोर उपस्थित केला.

विशेष म्हणजे, राज्यपालांसमोर शेतकऱ्यांनी प्रशासकीय यंत्रणेचा कारभार मांडताच जिल्हाधिकारी आणि उपस्थित अधिकारीही काहीसे अस्वस्थ झाल्याचे पाहायला मिळाले. दुष्काळात शेतकरी आर्थिक संकटाचा सामना करत असताना योजनांचे अनुदान मिळवण्यासाठीही त्यांना प्रशासकीय यंत्रणेचे उंबरठे झिजवावे लागत असल्याची खंत यावेळी व्यक्त करण्यात आली. राज्यपालांच्या दौऱ्यात शेतकऱ्यांनी केवळ दुष्काळाची व्यथा मांडली नाही, तर सरकारी योजनांच्या अंमलबजावणीवरही थेट प्रश्नचिन्ह उपस्थित केले आहेत.

उरलेल्या शेतकऱ्यांनाही मदत

दरम्यान, राज्याला मोठ्या दुष्काळाची झळ बसली आहे. दिवाळीत अग्रीम 5 हजार रुपयांची मदत राज्य सरकारने दिली आहे. सुमारे एक कोटी शेतकऱ्यांना मदत झाली आहे. पण, दहा लाखाहून अधिक शेतकऱ्यांपर्यंत हे पैसे आलेले नाहीत. त्यांना देखील मदत देण्यात येणार आहे.असे कृषी मंत्री दत्तात्रय भरणे यांनी म्हटले आहे. फायनान्स कंपन्या शेतकऱ्यांना वसुलीसाठी छळत आहेत. या संदर्भात एक ऑडिओ देखील व्हायरल झाला होता. यावर सर्व बँकांनी दुष्काळामुळे वसुली थांबविली आहे. काही फायनान्स कंपन्या सक्तीने वसुली करत असल्याच्या तक्रारी आल्या आहेत. या संदर्भात मुख्यमंत्र्याशी चर्चा झाली असून संकटात फायनान्स कंपन्यांना लवचिक धोरण ठेवावे अन्यथा सरकार कारवाई करेल असा इशारा मंत्री भरणे यांनी दिला आहे.

Follow Us
13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ
GTA 6 Launch : तब्बल 13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ
एकनाथ शिंदे निर्णय घेतील; शायना एनसी यांच्याबबात आणखी काय म्हणाल्या...
एकनाथ शिंदे निर्णय घेतील; शायना एनसी यांच्याबबात आणखी काय म्हणाल्या रितू तावडे?
शिवसेना पक्षचिन्ह सुनावणीदरम्यान... अपात्रता प्रकरणात मला रिजॉइंडर...
शिवसेना पक्षचिन्ह सुनावणीदरम्यान... अपात्रता प्रकरणात मला रिजॉइंडर करायचा आहे, सिब्बल नेमके काय म्हणाले?
मोठी बातमी! पंढरपुरात शिंदेंच्या हेलिकॉप्टरमध्ये बिघाड; नेमकं काय घडलं
Eknath Shinde : मोठी बातमी! पंढरपुरात शिंदेंच्या हेलिकॉप्टरमध्ये बिघाड; नेमकं काय घडलं?
गुवाहाटीमध्ये बसून व्हीप कोण असेल हे शिंदे ठरवू शकत नाहीत; कपिल सिब्बल
Shivsena Hearing : गुवाहाटीमध्ये बसून व्हीप कोण असेल हे शिंदे ठरवू शकत नाहीत; कपिल सिब्बल यांचा सुप्रीम कोर्टात जोरदार युक्तिवाद
पहिल्यांदा चाकू लागला तेव्हा वाचलास, आता गोळी लागली तर…; सैफ अली खानला
Saif Ali Khan Threat : पहिल्यांदा चाकू लागला तेव्हा वाचलास, आता गोळी लागली तर…; सैफ अली खानला धमकीचा मेसेज
बाळासाहेब माझे दैवत, मी त्यांचा अपमान करूच शकत नाही; शायना एनसी....
Shaina NC : बाळासाहेब माझे दैवत, मी त्यांचा अपमान करूच शकत नाही; शायना एनसी यांनी मागितली महाराष्ट्राची माफी
पत्रकाराच्या अंगावर धावले काँग्रेस नेते ऋषिकेश लाड; दमदाटीचा व्हिडिओ..
Congress : पत्रकाराच्या अंगावर धावले काँग्रेस नेते ऋषिकेश लाड; सांगली जिल्हा बँकेच्या निवडणुकीवेळी दमदाटीचा व्हिडिओ व्हायरल
बुलेटवर स्वार होत एकनाथ शिंदेंची पंढरपुरात पाहणी; कार्तिकी यात्रा...
बुलेटवर स्वार होत एकनाथ शिंदेंची पंढरपुरात पाहणी; कार्तिकी यात्रेच्या तयारीचा घेतला आढावा
न्यायालयाचा आदेश तरीही 324 बकऱ्यांची विक्री? बाळूमामा देवस्थान पुन्हा
kolhapur Balumama Devasthan : न्यायालयाचा आदेश आणि SIT ची मनाई तरीही 324 बकऱ्यांची विक्री? बाळूमामा देवस्थान पुन्हा चर्चेत