Shivsena Hearing : गुवाहाटीमध्ये बसून व्हीप कोण असेल हे शिंदे ठरवू शकत नाहीत; कपिल सिब्बल यांचा सुप्रीम कोर्टात जोरदार युक्तिवाद
शिवसेना पक्ष आणि चिन्हाबाबतच्या सुनावणीत कपिल सिब्बल यांनी अपात्रता प्रकरणात जोड युक्तिवाद केला. राजकीय पक्ष आणि विधिमंडळ पक्ष वेगळे आहेत, असा महत्त्वाचा मुद्दा त्यांनी मांडला. विधानसभा अध्यक्षांच्या अधिकारांवर प्रश्नचिन्ह उपस्थित करत, गुवाहाटीमध्ये बसून व्हीप ठरवण्याचा अधिकार शिंदे गटाला नाही, असेही सिब्बल यांनी म्हटले.
शिवसेना पक्ष आणि चिन्हाबाबतच्या सुनावणीला पुन्हा एकदा वेग आला आहे. ठाकरे गटाचे वकील कपिल सिब्बल यांनी आज अपात्रता प्रकरणामध्ये आपला जोड युक्तिवाद सादर केला. सिब्बल यांनी विधानसभा अध्यक्षांच्या कार्यक्षेत्रावर आणि अधिकारांवर गंभीर प्रश्नचिन्ह उपस्थित केले. त्यांचे संविधानाशी काहीही संबंध नाहीत, असा युक्तिवाद त्यांनी केला.
सिब्बल यांच्या प्रमुख युक्तिवादांपैकी एक म्हणजे, राजकीय पक्ष आणि विधिमंडळ पक्ष हे पूर्णपणे वेगळे आहेत. हे प्रकरण विधानसभा निवडणुका होईपर्यंत ऐकले गेले नाही, त्यामुळे कोर्टात यावे लागले, असे त्यांनी नमूद केले. भरत गोगावले यांची व्हीप म्हणून केलेली नियुक्ती चुकीची असून, राजकीय पक्षाने ती केलेली नव्हती, असाही मुद्दा त्यांनी मांडला. गुवाहाटीमध्ये बसून व्हीप कोण असेल हे शिंदे ठरवू शकत नाहीत, असे सिब्बल यांनी ठामपणे सांगितले. फेब्रुवारी २०२३ पासून शिंदे यांचा राजकीय पक्ष झाला असेल, तर त्यापूर्वी ठाकरे गटच मूळ पक्ष होता, असा प्रश्न त्यांनी उपस्थित केला. एकूण तीन याचिकांमध्ये १६ आमदारांच्या अपात्रतेची याचिका प्रमुख असल्याचेही सिब्बल यांनी स्पष्ट केले.
Published on: Nov 19, 2026 04:36 PM
गुवाहाटीमध्ये बसून व्हीप कोण असेल हे शिंदे ठरवू शकत नाहीत; कपिल सिब्बल
पहिल्यांदा चाकू लागला तेव्हा वाचलास, आता गोळी लागली तर…; सैफ अली खानला
बाळासाहेब माझे दैवत, मी त्यांचा अपमान करूच शकत नाही; शायना एनसी....
पत्रकाराच्या अंगावर धावले काँग्रेस नेते ऋषिकेश लाड; दमदाटीचा व्हिडिओ..

