शिवसेना पक्षचिन्ह सुनावणीदरम्यान… अपात्रता प्रकरणात मला रिजॉइंडर करायचा आहे, सिब्बल नेमके काय म्हणाले?
शिवसेना पक्ष आणि चिन्हाबाबत सर्वोच्च न्यायालयात सुरू असलेल्या महत्त्वपूर्ण सुनावणीत ठाकरे गटाचे ज्येष्ठ वकील कपिल सिब्बल यांनी आज अपात्रता प्रकरणामध्ये आपला जोरदार जोड युक्तिवाद सादर केला.
या प्रकरणात एकूण तीन याचिका असल्याचे सिब्बल यांनी न्यायालयाच्या निदर्शनास आणले. यामध्ये १६ आमदारांच्या अपात्रतेची याचिका, शिवसेना पक्ष आणि चिन्हासंदर्भातील याचिका यांचा समावेश आहे. विधानसभा अध्यक्ष नेमणे, विधिमंडळ नेता निवडणे आणि मुख्यमंत्री निवडणे याला आपला विरोध असल्याचे त्यांनी सांगितले. हे सगळे विधानपरिषदेच्या निवडणुकीपूर्वी झाले होते आणि त्यासाठी भाजपची मदत होती, असा आरोपही सिब्बल यांनी केला. शिंदे यांचे वकील हा पक्षांतर्गत विरोध होता असे म्हणत असतील, तर मग हे प्रकरण राज्यपालांकडे गेलेच कसे, असा प्रतिप्रश्न सिब्बल यांनी केला.
निवडणूक आयोगाने पक्ष कोण आहे हे ठरवले आहे आणि ते कोणताही वादग्रस्त सत्य नसून ते अकॅडमिक नाही, असा युक्तिवादही त्यांनी केला. एकंदरीत, कपिल सिब्बल यांनी आपल्या युक्तिवादामध्ये अध्यक्षांच्या अधिकारांची मर्यादा, राजकीय आणि विधिमंडळ पक्षातील भिन्नता आणि व्हीप नियुक्तीची कायदेशीर वैधता या प्रमुख मुद्द्यांवर लक्ष केंद्रित केले.
Published on: Nov 19, 2026 04:57 PM
शिवसेना पक्षचिन्ह सुनावणीदरम्यान... अपात्रता प्रकरणात मला रिजॉइंडर...
मोठी बातमी! पंढरपुरात शिंदेंच्या हेलिकॉप्टरमध्ये बिघाड; नेमकं काय घडलं
गुवाहाटीमध्ये बसून व्हीप कोण असेल हे शिंदे ठरवू शकत नाहीत; कपिल सिब्बल
पहिल्यांदा चाकू लागला तेव्हा वाचलास, आता गोळी लागली तर…; सैफ अली खानला

