Nepal Flood: त्याची अखेरची धाव व्यर्थ… हॉटेलमधून बाहेर पडताच पूराच्या तडाख्यात, तो Video पाहून सर्रकन अंगावर काटा

नेपाळ महापूर

नेपाळमध्ये आलेल्या महापूराने रेसुवा जिल्ह्यात विध्वंस केला आहे. या नैसर्गिक संकटात अनेकांचा जीव गेल्याचे आणि कित्येक जण बेपत्ता झाल्याचा अंदाज वर्तवला जात आहे. नेपाळच्या पर्यटन विभागाच्या आकडेवारीनुसार, अद्याप 291 परदेशी पर्यटकांचा कोणताही ठावठिकाणा समोर आलेला नाही. सकाळी भोटेकाशी नदीला अचानक आलेल्या पुरामुळे 384 पर्यटक गायब झाले आहेत. सुरुवातीच्या माहितीनुसार, गायब झालेल्यांपैकी 291 हे परदेशी नागरिक आहेत. विविध टुरिझ्म एजन्सीनुसार काही आकडेवारी समोर आली आहे, त्यानुसार, एका ठिकाण 59 आणि दुसर्‍या ठिकाणी एकूण 46 भारतीयांची संख्या समोर आली आहे. त्यांचा शोध सुरू आहे.

त्याची अखेरची धावाधाव

अचानक आलेल्या महापूराने होत्याचे नव्हते केले. त्याच्या भयावह व्हिडिओने काळजाचा थरकाप उडतो. या व्हिडिओनुसार, अनेक मोठ्या मोठ्या इमारती एका झटक्यात नेस्तनाबूत झाल्या. अवग्या काही सेकंदात सगळ्या वास्तू, इमारती, शाळा, गावं नामशेष झाल्या. काहीच हाती लागले नाही. एका व्हायरल व्हिडिओत अनेक पर्यटक महापूराचा अलर्ट मिळताच हॉटेलबाहेर पळताना दिसतात. अनेक जण बाहेर पळण्याचा प्रयत्नात होते. पण हॉटेल मागून आलेल्या महापूराने त्यांना कोणतीच संधी दिली नाही. महापूराने सर्वकाही उद्धवस्त केले.

Scary visuals from today show people desperately running for safety as the flash flood hits Gyirong Port, China, but they couldn’t find a safe place to escape.

The flood later hit Nepal, with hundreds reported missing, including 126 Indian tourists. pic.twitter.com/4wzPFeYWYJ

— Weather Monitor (@WeatherMonitors) August 26, 2026

तज्ज्ञांचे मत काय?

हवामान तज्ज्ञ शश्वता सान्याल यांनी नेपाळी माध्यमांना प्रतिक्रिया दिली. त्यानुसार नेपाळ-चीन सीमावर्ती भागातील एक बर्फाच्छादित तलाव अचानक फुटल्याने हा महापूर आला. हा बर्फ आणि कचऱ्यामुळे ल्हेन्डे खोला नदीतील प्रवाह काही काळ बंद झाला. पण त्यामागे पाणी साठले. पाण्याचा दबाव वाढल्यावर महापूर आला. पाणी अचानक वेगाने धडकले. या महापूराने संधीच दिली नाही. ल्हेन्डे खोला ही भोटेकाशी नदीची उपनदी आहे.

Visuals of the flash flood in northern Nepal. Nepali Army, Armed Police Force and Nepal Police have been mobilised after the floods in which casualties are feared.

Visuals: https://t.co/rBxD7vQ5BR pic.twitter.com/5l1El9lI7c

— Sidhant Sibal (@sidhant) August 26, 2026

भूकंपामुळे महापूर?

नेपाळचे परराष्ट्रमंत्री शिशिर खनाल यांनी एक दुसरा दावा केला आहे. त्यानुसार, उत्तरी नेपाळला नेस्तनाबूत करणारा हा महापूर भूकंपामुळे आला. या भूकंपाच्या धक्क्यामुळे भोटेकाशी खोऱ्यात पाण्याचा प्रवाह वेगाने वाढला. त्यांच्या अंदाजानुसार, या परिसरात आज सकाळी 8:37 वाजता भूकंप आला होता. त्यामुळे मोठ्या प्रमाणात दरड कोसळली आणि अनेक ठिकाणी नदीचा प्रवाह बदलला. काही ठिकाणी पाणी अडले या सर्व घटनांमुळे महापूर आला.