Pralhad Joshi Net Worth: नवे शिक्षण मंत्री प्रल्हाद जोशी यांची नेटवर्थ नेमकी किती ?

New Education Minister Pralhad Joshi : कॉक्रोच जनता पार्टी म्हणजे सीजेपीच्या निदर्शनानंतर अखेर शिक्षण मंत्री धर्मेंद्र प्रधान यांनी राजीनामा दिला आहे. राष्ट्रपती द्रोपदी मुर्मू यांनी त्यांचा राजीनामा स्वीकारलेला आहे. आता धर्मेंद्र प्रधान यांच्या जागी केंद्रीय मंत्री प्रल्हाद जोशी यांना शिक्षण मंत्रालयाचा अतिरिक्त चार्ज सोपवला आहे. नवीन शिक्षण मंत्री प्रल्हाद जोशी यांची नेटवर्थ नेमकी किती आहे हे पाहूयात…

भाजपाचे नेते आणि केंद्रीय मंत्री प्रल्हाद जोशी आणि त्यांचे कुटुंबाने लोकसभा निवडणूकीच्या वेळी आयोगाला सादर केलेल्या शपथपत्रात २१ कोटीहून अधिकची संपत्तीचे विवरण सादर केले होते. प्रल्हाद जोशी कर्नाटकच्या धारवाड लोकसभा क्षेत्रातील भाजपाचा खासदार आहे. यांनी साल २०२४ मध्ये उमेदवार म्हणून नामांकन दाखल करताना त्यांच्या संपत्तीचा खुलासा केला होता.

प्रल्हाद जोशी यांची संपत्ती किती ?

त्यांच्या नावावर २.७२ कोटी रुपये

त्यांच्या पत्नी ज्योती यांच्या नावावर ५.९३ कोटी रुपये

तसेच त्यांची दत्तक मुलगी अनन्या जोशी हिच्या नावावर ३२.०३ लाख रुपयांची चल संपत्ती घोषीत केली आहे.

केंद्रीय मंत्री प्रल्हाद जोशी यांच्या नावावर ११.२४ कोटी रुपये आणि त्यांच्या पत्नीच्या नावावर ८६.३९ लाखा रुपयांची अचल संपत्ती आहे.

प्रल्हाद जोशी आता शिक्षण खात्याच्या शिवाय त्यांच्याकडे ग्राहक मंत्रालयाचा देखील पदभार आहे.

माजी शिक्षण मंत्री धर्मेंद्र प्रधान यांची नेटवर्थ किती ?

शिक्षण मंत्री पदावरुन राजीनामा देणारे धर्मेंद्र प्रधान यांची नेटवर्थ ६.९२ कोटी रुपये आहे. त्यांच्याकडे चल आणि अचल दोन्ही संपत्ती त्यांच्या नावावर आहे. निवडणूक आयोगाकडे सादर केलेल्या शपथपत्रानुसार धर्मेंद्र प्रधान यांच्या नावावर सुमारे २ कोटी रुपयांची संपत्ती आहे. यात बँक बॅलन्स, गुंतवणूक, कार, सोने- चांदी आणि अनेक चल संपत्तीचा समावेश आहे. अचल संपत्तीत त्यांच्याकडे जमीन आणि घर आहे. सीजेपीने शिक्षण मंत्री धर्मेंद्र प्रधान यांनी राजीनामा द्यावा या मागणी साठी गेले अडीच महिने आंदोलन केले होते. त्यानंतर शनिवारी २५ जुलै राजीनामा झाला आहे.