पंतप्रधान मोदी यांनी लहानग्यांसोबत साजरे केले रक्षाबंधन, छोट्यांशी केल्या गप्पा-टप्पा

पंतप्रधान नरेंद्र मोदी यांनी यावेळी अत्यंत आगळ्या वेगळ्या पद्धतीने रक्षाबंधनाचा कार्यक्रम साजरा केला. पंतप्रधान मोदी यांनी स्वत: रक्षा बंधनाचे काही फोटो आणि व्हिडीओ समाजमाध्यमावर शेअर केले आहे. त्यात ते लहान मुलांशी हाय -फाईव्ह करताना आणि गप्पागोष्टी करताना, हसताना आणि सहज संवाद करताना दिसत आहेत. दरवर्षी प्रमाणे यंदाही मुलांनी पंतप्रधान नरेंद्र मोदी यांना राखी बांधली. या सोहळ्यात समोर आलेले काही क्षण सोशल मीडियावर चर्चेचे ठरले आहेत.

हाय-फाईव्ह आणि लहानग्यांशी गप्पा टप्पा

पंतप्रधान नरेंद्र मोदी यांनी त्यांच्या सोशल मीडिया अकाऊंटवर रक्षा बंधन सोहळ्याचा व्हिडीओ आणि फोटो शेअर केले आहेत. “High fives, smiles and more during today’s Raksha Bandhan celebrations at 7, LKM.” अशी कॅप्शन या पोस्टला मोदी यांनी दिली आहे. या व्हिडीओ लहान मुले पंतप्रधानांशी बोलताना उत्साहित दिसत आहेत.कोणी पंतप्रधानांशी शेकहँड करत आहे. तर कोणी त्यांच्या सोबत सेल्फी फोटो काढत आहेत. तर कोणी त्यांना प्रश्न विचारत आहेत. तर पंतप्रधान देखील लहान मुलांमध्ये सरमिसळ होत गप्पा मारताना दिसत आहेत.

येथे पोस्ट वाचा –

High fives, smiles and more during today’s Raksha Bandhan celebrations at 7, LKM. pic.twitter.com/dMTJHxlVhH

— Narendra Modi (@narendramodi) August 28, 2026

एका अन्य पोस्टमध्ये पंतप्रधान नरेंद्र मोदी यांनी रक्षाबंधनला प्रेम,स्नेह आणि सौहार्दाचा सण म्हणत हा सण समाजातील आपलेपणा आणि सद्भावाच्या भावनेला आणखी मजबूत करत आहे. मोदी यांनी या संदेशात रक्षा बंधनाच्या सणाच्या शुभेच्छा देताना सर्व देशवासियांनी सुख, समृद्धि आणि आनंद मिळो अशी सदिच्छा व्यक्त केली आहे. तसेच या पवित्र सण लोकांमधील विश्वास आणि आत्मियतेच्या नात्यांना आणखी समृद्ध करो असे म्हटले.

येथे पोस्ट वाचा –

Raksha Bandhan at LKM this morning.

How did you mark this festival? pic.twitter.com/UOuRosAIJM

— Narendra Modi (@narendramodi) August 28, 2026

जेव्हा मुलांनी विचारले, की तुमचे बालपणीचे स्वप्न कोणते ?

समारंभादरम्यान मुले आणि पंतप्रधान मोदी यांच्या दरम्यान काही हलक्या फुलक्या गप्पा देखील झाल्या. या वेळी एका मुलाने त्यांना विचारले की त्यांचे बालपणीचे स्वप्न काय होते ? त्यावर पंतप्रधान हसले आणि उत्तर दिले की ‘तुम्हाला भेटण्याचे’ त्यांच्या या उत्तराने तेथे बसलेली अन्य मुले देखील हसू लागली आणि सर्वांनी टाळ्या वाजवल्या. याआधी पंतप्रधान रक्षाबंधनच्या निमित्ताने देशवासियांनी शुभेच्छा देत सांगितले की हा पवित्र सण सर्वांच्या जीवनात सुख, समृद्धि आणि यश घेऊन येवो. त्यांनी प्रेम, स्नेह आणि परंस्पर विश्वासाचे बंधन नेहमी अतूट राहोत.

राष्ट्रपती मुर्मू यांनी देखील मुलांसोबत रक्षाबंधन केले साजरे

राष्ट्रपती द्रौपदी मुर्मू यांनी देखील राष्ट्रपती भवनातील सांस्कृतिक केंद्र विविध शाळा आणि संस्थांच्या मुलासोबत रक्षाबंधन साजरे केले. राष्ट्रपती म्हणाले की रक्षाबंधनाचे महत्व केवळ भावा-बहिणीच्या नात्यांपर्यंत मर्यादित नाही. ते म्हणाले की राखी कुटुंबाचे सदस्य, मित्र आणि एवढेच काय तर झाडांना देखील बांधली जाते. कारण हे प्रेम आणि देखभालीचे प्रतिक आहे. राष्ट्रपतींनी मुलांना पर्यावरण संरक्षणाचा संदेश देखील दिला आहे. त्यांनी मुलांना झाडे लावून पर्यावरणाचे रक्षण करण्याचा सल्ला दिला आहे. त्या म्हणाल्या की निसर्गाप्रती जबाबदारी आणि संवेदनशीलता आपल्या सामाजिक संस्कारांचा महत्वपू्र्ण भाग आहे.